معلومات عن تخصص القانون بكالوريوس وماجستير ودكتوراه .. أسأل ونحن نجيب

ياجماعه ياليت اللي عنده الاجابه يفيدني..
انا خريجه بكالريوس دراسات اسلاميه هل اقدر اني ادخل قسم قانون ماجستير
هل يعتبر امتداد للتخصص ؟ لاني سمعت ان الشريعه هي الامتداد وليس قسم الدراسات لاسلاميه
هل الشريعه تفرق عن قسم الدراسات الاسلاميه؟؟
لانه اذا لم يكن امتداد لن يتم معادله شهادتي

جربي وراسلي الجامعات في فرنسا وبريطانيا وامريكا هذي الدول الي تقبل شريعه لاتستبعدين شي ممكن يقبلونك ايش خسرانه كلها مراسله ..
طبعا دول اسيا مثل الصين اسهل قبول عندهم هذا لو عندك نيه تروحي هناك وطبعا الدراسه اما بالانجليزي او الصيني ..
مافي احد يقدر يفيدك غير الجامعات نفسها .. راسليهم وان شاء الله يقبلونك ..

السلام عليكم ورحمة الله وبركاته
اخي الكريم أسأل الله ان يرفع قدرك ويعلي شأنك في الدنيا والاخرة
افدتنا في هذا الموضوع كامل الافادة فلك الشكر والتقدير الجزيل
عزيزي حبيت استفسر عن القانون الادراي
هل يوجد قسم خاص به في الجامعات الامريكية ؟؟ بحيث هل يمكنني دراسته مستقلا؟؟
ام انه يدخل تبعا في فروع القانون العام؟؟
وإن كان يدرس بشكل مستقل فهل هناك جامعات امريكية تتولى تدريسه بشكل خاص؟؟
وماهو اسم هذا المجال باللغة الانجليزية ؟؟ حتى اقوم بالبحث عنه اكثر؟؟
لانه من خلال بحثي المبدئي عن الموضوع اكتشفت ان القانون الاداري لا يدرس بشكل مستقل وانما يدخل في نطاق العلوم الادارية حيث تعطيك الجامعة التي تدرس فيها ماجستير في العلوم الادارية..
فإن لديك خلفية عن هذا الموضوع امل منك تنويرنا
شكرا لرحابة صدرك ومعذرة عل الاطالة اخي الكريم

انا رايحه لامريكا هما راح يقبولني اكيد بس سؤالي في السعوديه لما ارجع هل يعادلو شهادتي
لان الوزاره قالوا ادا كان تخصص الماستر بعيد عن البكالريوس حتى لو اخدت تكميلي راح تتعادل الشهاده على انها دبلووم
فسؤالي هل يعتبر قسم الدراسات الاسلاميه امتداد او مقارب للقانون؟؟؟

برضو هذي يفيدونك فيها الوزاره قسم معادلة الشهادات .. الان موقعهم مدري ايش فيه ..
وكمان اذا تبين العلم مني فتخصصك عادي موبعيد مرا عن الشريعه الي هم على طول يعادلون القانون بعدها ماجستير يعني لاتخافي راح يعادلونها بالراحه .. لاتشيلي هم ..
انا انصحك اذا بس الخوف من هذا الشيء انك تتصلي بالوزاره او تراسليهم وهم راح يقولون لك عندك مشكله او لا ..
لأن برضو من ضمن النظام ان اذا كان التخصص بعيد عن الماجستير فالموضوع يقف عند رأي اللجنه وحسب ماتراه ..
يعني مالك الاتتصلي عليهم .. اذا انتي خايفه او شي ..

لا اطلت ولاشي انا تحت امركم .. يكفيني دعوه منكم ..

مرحبا بطلاب وطالبات القانون
اولا اشكرك أخوي على تفرغك للجواب على اسئلتنا
ثاني شي انا طالب في ثالث ثانوي وناوي ان شاء الله على بعثة , والتخصص اللي أفكر فيه يكون فيه سياسة لاني احب السياسة و طموح اني اذا دخلت تخصص سياسي ومعي شهادة من برى مع الوقت ممكن اصير وزير او سفير, وعندي طموح يصيرلي منصب في الدولة بالمستقبل <<<طموح بزيادة
لكن تخصص (العلوم السياسية) كثير قالو لي انه ماله مستقبل ووظايفه قلييل , فحبيت اعرف هل هناك تخصص يجمع بين القانون والسياسة ؟
انا سمعت عن القانون الدولي لكن اجهل هذا التخصص !
اذا عندك خلفية عن هذا التخصص أتمنى توضحلي كل صغيرة وكبيرة فيه ومجالات التوظيف عندنا في المملكة واكون لك شاكر...
وسؤال اخير..هل جامعات امريكا تهتم بمعدل الثانوي ولا تكتفي بالتوفل ؟؟
تحياتي

هلابك ..
اختيارك .. للقانون الدولي شي جميل .. ويجمع بين ثلاث تخصصات .. القانون والعلاقات الدوليه والسياسيه والاقتصاد الي هي اساس الروابط بين الدول ..
ولكن موضوع انك في الثانويه يعني انت راح تدرس بكالوريوس .. وهذا يعني ان موضوع تخصصك بالقانون الدولي بدري عليه لانه يعتبر بعد البكالوريوس يعني ماجستير ..
لانك تدرس قانون عام وشامل في البكالوريوس وبعدين تتخصص بالدراسات العليا الي هي مافوق البكالوريوس ..

اما موضوع انك تدرس بكالوريوس في امريكا فهذا صعب .. لان القانون في امريكا مرحله متقدمه .. ولازم يكون معك بكالوريوس في اي تخصص مثلا سياسه او اي تخصص .. أوفي حل اخر هناك مرحله تدرسها في بعض الجامعات الي فيها بكالوريوس قانون تدرس حاجه اسمها pre law يعني تمهيد للقانون مدتها تقريبا سنتين وبعدها يسوون لك اختبار عشان تلتحق في بكالوريوس القانون الي اسمها jd لذالك الموضوع مو هين زي ما انت متصور .. ممكن تاخذ بكالوريوس قانون في السعوديه او في مصر او في مكان وبعدين تكمل في امريكا ماجستير قانون دولي .. او انك تروح امريكا على طول وتخوض المعمعه الي قلتها لك ..
اما النسبه الثانونيه فبكل تأكيد ياخذوني فيها لكن مو بالشده الي انت متوقعها ولاتنسى ان الامريكان يتنافسون على كلية الحقوق بشكل رهيب ولكن هناك الدراسه بفلوس وعشان كذا تركيزهم مايكون كبير على النسبه يعني سو الي عليك وشد حيلك وجرب وقدم ان شاء اله تلاقي قبول لان الجامعات في امريكا مرااااااا كثير فلاتقلق ..

وحياكم الله جميعا ..

أخوي , قصدك مافي امل بكالوريوس قانون !
واذا درست الـpre law والتحقت في البكالوريوس كم مدة دراسة البكالوريوس ؟؟
وهل هذا النظام فقط في امريكا ولا كل الدول ؟؟ , لاني بحط كندا كخيار ثاني اذا مافيها مثل ربشة أمريكا

السلام عليكم أخوي مبتعث

الله يزوجك المرأه الصالحه الي تسعدك وتجيبلك الذريه الصالحه ............... دعوه من القلب

سؤالي انا عندي قبول ماجستير في قسم العداله الجنائيه

هل يطلق على هذا القسم القانون الجنائي ؟

وماهو برنامج LLM ألي ذكرته ؟

هل قسم العداله الجنائيه يتحمل الوظائف حكوميه فقط او بالاستطاعه الاستفاده منه بشكل تجاري مثلا مكتب استشاره وغيره ؟

تكفى ابي شرح مفصل عن ها القسم والبرنامج llm لاني ما أعرف أي معلومه عنها ..........

شكرا لك واتمنالك التوفيق في الدنيا والاخره بأذن الله