اصحاب الخبرة .. رأيكم في التخصص هذا Supply Chain and Operations Management

انا افضل ادارة عمليات , لأنها اشمل و فيها العمليات الصناعية + الخدمية !

الواحد لما يتخرج مالية " لازم " يكون فاهم في " الاستثمار , ادارة مالية , تمويل , اسواق المال "
والي يتخرج عمليات " لازم " يكون فاهم في " العمليات الصناعية + الخدمية , ادارة المشاريع , ادارة الامداد و التموين , الجودة الشاملة "
يعني اذا اخذت امداد و تموين بتحصر نفسك فيه , واذا اخذت عمليات راح تنفتح لك ابواب اكثر , الجامعة الي حطيتها لك تقدر تاخذ عمليات + امداد و تمويل او مشاريع .. ارشحها لك بشكل كبييررررر !

بحكم عملي السابق في شركة استشارات و تدريب , كان فيه بنوك كثيررر تطلب دورات في ادارة المشاريع لموظفيها , و تطلب مدراء مشاريع يحملون شهادات في PMP or PRINCE2 !
انك تدرس شي مو موجود في السعودية هذا بحد ذاته تميز ..

٧٠٪ من تطبيقات ادارة العمليات هو مالي بحت , والباقي منوّع !

يعطيك العافية بو كارلوس لاهنت ..
طيب الافضل عمليات + امداد وتموين أو عمليات + مشاريع ؟

بالنسبه لتخصص إدارة النقل هل هو نفسه الامداد والتموين ؟

Transportation Management

SUNY MARITIME COLLEGE

والله ممكن يكون نفسه او قريب منه !
بس جب المواد نشوفها

هلا بو كارلوس ..

والله ماعرفت أدخل على البرنامج في موقع الجامعة الانجليزي عندي ع الزيرو ,, بس شكلها جامعة بحريه على ماعتقد !

مو موجوده المواد في التخصص !!
ماعرضوها في الموقع !

انا انصحك بالجامعة الي عطيتك في متشقن , تقدر تاخذ العمليات + الامداد و التموين !

شكرا لك أخوي بو كارلوس على تفانيك في مساعدة إخوانك المبتعثين وهذا الموضوع لاشك أنه يأخذ من وقتك الشئ الكثير والحقيقة عندي تسأولات من قبل عن هذا التخصص ولم أجد أحدا من المتخصصين فيه وأعجبني في إطلاعي البسيط على هذا التخصص ضرورة وجود مهارة القدرة على إتخاذ القرارات والمهارات القيادية والتحليل المنطقي, فالعبد الفقير لله أخوك سيدرس بكالورويوس في التسويق أو إدارة الموارد البشرية أو تخصص الإمداد في أستراليا والحقيقة لاأخفيك سرا أني أرغب بدراسة إدارة الموارد البشرية في البكالورويس لحبي له وفي الماستر إن شاء الله أرغب في تغيير مساري إلى أحد التخصصات المندرجة تحت إدارة العمليات ( إدارة لوجستية, إمداد , نقل وخلافه )فهل تنصحني بذلك وماهو التخصص العام أو الدقيق الذي تراه الأفضل أوإنك ترى البقاء في مجال التخصص نفسه وهل تكثر المسائل الرياضية علما أني لست من محبي الرياضيات أو الإحصاء.

وأخيرا مارؤيتك على الطلب لهذا التخصص في خلال السنوات القادمة إن شاء الله تعالى.

متأسفين على الإطالة وبارك الله في جهودكم ونفع بها وشكرا لك.

هلا و سهلا ..

اذا انت تبي موارد بشرية , انصح بالموارد البشرية كماجستير اكثر من بكالوريس !
و بكالوريس " ركز على شي غير موجود في السعودية "
تخصص العمليات و مايندرج تحتها عبارة عن رياضيات احصاء معادلات ..

اذا فيه تخصص يربط الادارة بالتكنولوجيا , او اي شي من هالقبيل انصحك فيه !
ادارة مشاريع كبكالوريس انصحك فيه , غير موجود هنا !

الله يوفقك و يسهلك امرك .. واي سءال انا حاضر

هلا بو كارلوس ..

أعجبتني جامعة ميتشقن ,, بس هالجامعه تعطي قبول مشروط ؟

وأبي اسألك عن البرنامج أقدر أخذ فيه عمليات + أمداد + إدارة مشاريع ؟

لأني أعتقد مثل ماهو مكتوب بالبرنامج تقدر تختار ثلاث من أربع بعد ماتنهي المتطلبات الاساسيه اللي هو إدارة صحيه وإدارة عمليات وإدارة مشاريع و أمداد وتموين ,, ما أدري أنا غلطان أو لا ؟

الا صحيح تقدر تاخذ ٣ من ٤
تقدر تاخذ ال ٣ تركات كلها , وهذي ميزة الجامعة ..
بس خذ التوفل و رح لها ..!
او ادرس في معهد الجامعة وخلاص !

ماعندي خلفية عن القبول المشروط , بس ماراح تستفيد منه لأنه مشروط مثلك مثل غيرك , بس ادخل معهد الجامعة !
وترى ديترويت قريبه منك , فيها بقالات و مطاعم عربيه كثيييير .. بس خطرة ,رح النهار وخلص امورك و ارجع !

الله يوفقك ويستر عليك !

هلا بك أخوي , وهل الرياضيات والإحصاء والمعادلات في عمق التخصص والا بعدين الا تقدمت في المستويات تبدأ تتعلم أشياء غير الرياضيات وغيره كالمهارات والتفاوض وخلافه.

وبالنسبة لجملتك اللي ذكرت فيها بتخصص ادارة مع تقنية مثلا هل ممكن تقرب لي الصورة أكثر.

وشكرا لردك والله يحقق لك ماتتمناه.