حبيت استشيركم بشغله...؟

طب بيطري !!
ما انصحك ابدا ,,
انصحك بالهندسة , الادارة , الطب و الخدمات الطبية زي العلاج الطبيعي الاشعة وكذا , تقنية معلومات ..
اعتقد ال MBC قابلو دكاترة بيطرين مالقو وظايف و رواتب جدا جدا قليلة !!

اذا ودك بتخصص علمي ادخل هندسة و بعدين ماجستير ادارة وكذا !
انت استخر و اسأل و الله يوفقك ..

والله هو الرازق الله سبحانه لا الطب البيطري ولا الاداره

بس من وجهة نظري الاداره حلوه ومجالاتها كثيره وفيها فرص اكبر للتوظيف

اذا في مجال الان للتحويل توكل على الله وحول والله يوفقك

هنا في السعوديه ما اعتقد اننا نهتم بمعالجة الحيوانات
ممكن في الخارج لانهم يقتنوها بكثره خاصه الكلاب هي من اهم الاصدقاء لديهم بالذات كبار السن
بس مجال ادراة الاعمال راح تلاقي وظايف فيه بكثره ان شاء الله
او المجال الصحي من ادراة مستشفيات تمريض علوم طبيه وغيرها
وطالما انت مو رغبان في التخصص ولا تحس انك تمت له بصله اغتنم مابقي لديك من الفرصه في التحويل
والله يوفقك يارب

أنا أعرف قريب لي أخذ الطب البيطري من جامعة القصيم ( أعتقد من كلية الزراعة و مو متأكد هو طب بيطري أو تخصص حيوانات )
المهم الرجل و الحمد لله ما تعب في إيجاد (( وظيفة حكومية )) و في مدينة (( جدة )) >>>>> هل تخيلت صعوبة ما بين الأقواس ؟!
طبعا أنا لا أقصد إن أي واحد يدرس طب بيطري أو حيوانات سيجد وظيفة مباشرة لكن المقصد أن هناك تخصصات تنفر منها و تكتئب منها و ما تدري يمكن هي اللي تفتح أبواب
إضافة لذلك
أيضا أنا لا أقصد أن تجلس مكانك في هذا التخصص بل أقصد أن تفكر و تسأل عن هذا التخصص تسأل دكاترتك تسأل ناس لهم خبرة بالوظائف
و الله الموفق

وووووووووووااله الف شكر لكم ماقصرتو اشكركم على تفاعلكم معاي واالله انا متردد وخايف وقبل كنت ابغا اداره طوحي اداره ولاكن صارت ضروف ومادري شلون دخلت بيطره لاكن مشيت فيها ومعدلي تمام بس انا خايف ومو رغبان لها وقدمت تحويل للداره وانشاءالله بيقبلوني على كلام الموظف ان معدلي قوي واحتمال كبير يقبلوني لاكن سؤالي هل جامعة الملك فيصل الي بسعوديه -بالشرقيه-موثوقه لانه انا افكر اذا تخرج منها اول اني اذا حولت اداره بعد اتخرج انشاءالله اني بنتقل للعيش في دولة الامارات لاكن مدري هل هي موثوقه يعني اقدر اتوظف فيها في دولة الامارات وربي انتو ماقصرتو وفيتو وافدتوني لاكني انشاءالله اني بحول اداره