مساعدة والله اني مهموووم وخايف

وعليكم السلام والرحمه ..

انت شد حيلك ومدام انك ريال اكيد قدها وقدود ان شاء الله .. لا تعتميد ع احد بان يقول لك سهل او صعب انت بنفسك جوف الماده اهي سهله عليك او صعبه

مثلا انا وحده في الثانوي دشيت متقدم كيمياء واحياء اعتمدت ع كلام البنات بان الكيمياء متقدم سهل والحين جوف البنات كلهم متفوقين في الكيمياء باعلي العلامات وانا لا
لا تسمع كلام احد اذا انت شاطر في هالماده بتقدر ان شاء الله تخلصها واذا مب شاطر فيها ابعد عنها ودور شي سهل بالنسبه لك ..

والله يوفقــك ان شاء الله وترجع بلادك باعلي الشهادات

الله يسمع منك
ومرسيه ع تجاوبك ورأيك

وعليكم السلام ورحمة الله وبركاته
وكل عام وانت بخير

اسأله سبحانه وتعالى ان يريح بالك وان يكتب لك الخيره فيما تختار
وشد حيلك وان شاء الله ليست نهاية العالم لو لم تتوفق في تخصص معين
بإمكانك تغير التخصص وان شاء الله تبدع وتتفوق باي تخصص كان

والله ياخي الكريم وضعك يعتبر سهل للغاية مقارنة بوضعي
انا مثلك خريج لغة انجليزية ولكن جديد اخذتها بالانتساب لجامعة الملك عبد العزيز

وانا موظف وسوف اكمل 10 سنوات خدمة بداية السنة القادمة
وافكر بكل جدية ان اقدم استقالتي واكمل دراستي للماستر بامريكا

ولم اتخذ القرار بالنسبة للتخصص والامور الاخرى

والله اني على اعصابي وخصوصاً اني متزوج ولدي طفلين الله يصلحهم
ومرتبي يتجاوز الـ 10 الاف ( مشاء الله تبارك الله ) انها مغامرة ومخاطرة كبيرة
ولكن طموحي عالي لاكمال الدراسة وترك مجال عملي ( العسكري )

اسأله سبحانه وتعالى ان يكتب لي الخير فيما ساختاره

وبالتوفيق لك اخي الكريم

ليش ما قدمتوا على الوظائف التعليمية
أخوي خريج حديث لغة إنجليزية انتساب قدم على الوظائف التعليمية و لقى قبول الآن في منطقة الرياض
معدله تقريبا 3 من 5

وفقكم الله

ما شاء الله تبارك الرحمن

الله يوفقه ان شاء الله

والهدف اكمال الدراسة او التوجه للتعليم بحول الله وقوته

السلام عليكم و رحمة الله

شد حيلك بالتخصص.
من وجهة نظري.. تخصص رائع جدا و يفتح عدة أبواب في الحياة العملية .
أولها طبعا في إدارة الاعمال اللي ما تخلو دائرة حكومية أو خاصة منه.
ممكن تبدأ في العمل من موظف عادي في قسم الإدارة (تقابل اشخاص، تشارك في بعض القضايا الإدارية، تبدي بعض الملاحظات المتواضعة) وتنتهي بإذن الله مدير قسم، و ربما مدير دائرة كاملة. لأن التخصص ممكن يوجهك للموارد البشرية (مقابلات ، اتخاذ قرار التوظيف، المشاركة في وضع القوانين الخاصة بالعمل وشروط التوظيف)،
و ممكن يوجهك للعلاقات العامة ( من ضمنها المقابلات مرة أخرى وبشكل غير مباشر، المشاركة في المؤتمرات، اتخاذ القرار بشأن الأنشطة داخل الشركة / الوزارة/ المنشأة)
ممكن تدخل من ضمن المحاسبة ولكن ليس بتعمق مثل المتخصص بالمحاسبة (إلقاء نظرة عامة على الحسابات، المشاركة في تقرير الميزانية، طرح الأفكار و الاقتراحات حول الميزانية العامة للشركة / الوزارة/ المنشأة)
و ممكن تشتغل بقسم الحاسوب على انك إداري له علم بالحاسب الآلي و تمسك منصب قيادي فيه فيما بعد.

أعطيك فكرة عامة عن تخصص نظم المعلومات الإدارية :
بتدرس بإذن الله القانون (مباديء) والمحاسبة (مباديء) والسياسة (مباديء) ، والاقتصاد (مباديء) والكمبيوتر و الإدارة العامة، و إدارة المشاريع الصغيرة والكبيرة و بيطلبون منك تطرح مشروعك الخاص، و بيتطرقون معك حول الهندسة الصناعية و ربما أمور أخرى استجدت في التخصص و بيفوز فيها - بإذن الله - من يلتحق في دراسة هذا التخصص أو من التحق به في السنوات الأخيرة.

بعد التخرج بيكون عندك فكرة شاملة عن أمور كثيرة، و هالشي بيفتح لك - بإذن الله - مجالات كبيرة في العمل، ليس في دولتك فقط، بل في دول أخرى و بمزايا عالية.
و إن فكرت بعد فترة تفتح لك مشروع خاص، فإنت - إن شاء الله - بتكون مؤهل لأنك دارس الخطوات وعارف وش اللي بيصير حولك.

ملاحظة: كل ذي الأمور هي لطلبة البكالوريوس. في مرحلة الماجستير والدكتوراه بتركز على أمور أكثر أهمية و أكثر فائدة لك إن شاء الله.

التخصص ماهو صعب. يمكن أوله، من ناحية المحاسبة والاقتصاد.. ولكن بعد فترة، بعد ما تعدي الأساسيات، بتشعر بحماس قوي و متعة في الدراسة لأنه يطرح معك مواضيع على أمر الواقع و يخليك تعيش مشروعك الخاص المنتدمجة فيه التكنولوجيا.
منت ملزم تدرس تخصص حاسب آلي لاجل يقبلون فيك كموظف فيما بعد لأنك بتاخذه ضمن المساق الدراسي.
بالإضافة إلى اللغة الانجليزية اللي معك من أول، و إذا جبت الشهادة من الخارج بيكون أقوى و أقوى وفي صالحك إن شاء الله.

تمنياتي لك بالتوفيق.