قسم اداره المخاطر risk management بليز محتاجه ارائكم و اقتراحاتكم الله يوفقكم

الله يوفقك اخوي ويفرج عليك كل كربه لاني فعلا محتاره
انا اشتغلت اربع سنوات في احد ادارات البنوك في الrisk management صح كان ممتع ، بس كان اغلبه تحليل قوائم ماليه
وكان مسماي الوظيفي محلل ائتماني اللي اقصد مو شرط الشغل يكون نفس اللي بدرسه
يعني اللي مخوفني انه ادرس ريسك بالنهايه الماستر صعب ايش اختار لانه مثل ماتفضلت محدود وبنفس الوقت ليش اكرف فيه وبالنهايه اقدر اتخصصه ماستر
بعدين اقول ممكن تجيني ظروف وما اكمل ماستر واندم عارفه اني اتكلم عن ظروف شخصيه ماحد يعرف المستقبل و كلامي كثير وادخل بتفاصيل مالها دخل بس محتاجه اقرر بآقرب وقت
صاحبتي بدآت تدرس بكالوريس تآمين تقول مواد عامه اول سنتين واللحين بدآت تتخصص وتاخذ مواد تآمين كله حفظ وقوانين
وووو الله يعطيك العافيه

الله يوفقك اخوي الكريم
فعلا كلامك منطقي جداااا
التآمين مررره محدود يعني بصراحه لو ادارة المخاطر منفصله عن التآمين كان افضل لانه كثير شركات ماليه وبنوك صارت تتجه لفتح اقسام ادارات مخاطر ولما كنت بالسعوديه جاتني عروض كثير
بهالاقسام وكلها اقسام حديثه بس التآمين صح كلامك ميه بالميه

انت بردك جيت علي اللي نفس النقطه اللي محيرتني
انا اللحين بكاليفورنيا وبحاول ابحث عن جامعه ممكن تعادل لي

مرررره مشكور اخوي علي ردك الله يوفقك ويسهل امورك

الله يعافيك وييسر لك امورك , دام عندك خبرة سابقة في القوائم المالية وتحليلها و الإئتمان .. ليش ماتتخصّصين مالية مثلاً ؟ والمالية لها تخصّصاتها ايضاً اذا حبّيتي تحدّدين اكثر

اذا ببالك نقاش احنا والاخوان بالخدمة , و استخيري =)

طيب ايش رآيك بادارة اعمال بعدين ماستر risk او ماليه او شي قوي?
بس احيانا اقول مو شرط امتداد ادارة الاعمال تخصصات كويسه
عشان استفيد من شهادة معهد الاداره واختصر وقت

بالنسبه لخبرتي مدري اذا بتكون نفس اللي اشتغلته لان تعرف البنوك بالسعوديه مو ذاك الصعوبه واحس الماليه تخوف صعبه
عارفه اني قمة التردد بس الله يعين ويسهل
ماقصرت الله يجزاك الف خير

انا ما احب اتخصص ادارة اعمال بمسمّاه البحت , ولي أسبابي .. كثرة الخرّيجين في السعودية وكثرة المبتعثين لهذا التخصص , المفروض الواحد اذا طلع يبتعث يتخصّص ويتميز عن الآخرين قدر المستطاع بالتخصص والشهادات المهنية اللي تنافس عليه الوظائف مستقبلاً ..

فيه تخصّص قليل قريت عنه , اللي هو ادارة سلسلة التوريد اعتقد , تفضلي هنا : http://www.mbt3th.us/vb/forum88/thread202082.html

المالية فيها صعوبة , مثلها مثل ادارة المخاطر .. لكن ممكن تتخصّصين ادارة مالية او مصرفية او تخصّص يتعلق بالإئتمان ( رغم انّي اجهل الوظائف في هذا التخصّص ) , وبعدها تتخصّصين في ادارة المخاطر

* انا احاول ارد بصورة عامة لأن محد راح يفيدك في الاختيار ويعرف قدراتك سوى نفسك , خصوصاً انكِ بنت ومجالات الوظيفة مقارنة بالرجل اقل شوي .. شوفي المدة المتبقية لـ بدء دراستك الجامعية وبإذن الله خلالها تقدرين ترسين على تخصّص معين

انا احترت لـ سنة كاملة بين تخصّصين لكن الحمدلله بالأخير وبفضل الله اخترت ادارة المخاطر , وتوكلنا على الله .

السلام عليكم

اختي سهام حصلت الموضوع قديم وانا ابحث عن تخصص ماجستير وادارة مخاطر.

درستي بأي جامعة ؟ وكيف كانت طريقة القبول
ومستوى الدراسة في التخصص
واذا تعرفين جامعات تدرسه يا ليت تفيديني