تخصصات المحاسبة في الماجستير

يعطيك ألف عافية أخوي مصعب .. مشكور ماقصرت يالغالي وجزاك الله خير الجزاء

طيب هل يكفي إثبات شفوي من أحد المسؤولين بالوزارة بأن هالتخصص مسموح وإلا لازم أحصل على إثبات رسمي من الوزارة على ذلك ؟

الله يعافيك اخوي ابو نواس ،،
ولو كلنا اخوان ،،
ان شاء الله اذا مسموح بيقولون لك مسموح ،، ومايحتاج اثبات ،،
وبالتوفيق ان شاء الله ،،

والله انا ان شاء الله ناوي اكمل تمويل

يعطيكم ربي العافيه

حبايبي حبيت استفسر منك بحكم انتم اهل التخصص

انا معاي بكالورس رياضيات وكنت حابب اكمل الماستر بالمحاسبه من بريطانيا


لكن هاليومين صارت عندي نوع من الخبطه ..بسبب مشورات ناس


ناس تقول صعب مره عليك وانت مو عارف فيه ولا شي ومو معك بكالورس

وناس تقول ماراح تحصل قبول بالجامعه لان لازم يكون بكالورسك محاسبه من شان تكمل ماستر


وغير كذا في تخصصات كثيره في المحاسبه لاعلم عن الافضل والاسهل بالنسبه لي كون تخصصي رياضيات عامه


اتمنى الرد لي

تقبلوا تحياتي


وبالتوفيق للجميع

الله يعطيهم العافية الشباااب ما قصرووو


كفوو ووفو

الله يعافيك اخوي ،،
بالنسبة لسؤالك عن دراسة ماجستير محاسبة وهو ليس بإمتداد لتخصصك في البكالوريوس ،، فأعتقد والله أعلم أن الجامعة ستجبرك على دراسة سنة تحضيرية ،، وستدرس بها مبادئ المحاسبة وأساسياتها ،، لتكون مهيأ لبرنامج الماجستير ،،
ولكنِ لسّت متأكد من هذه المعلومة ،، فقد سمعتها من بعض الشباب ،،

ولكن أنت تأكد من هذه المعلومة ،، فإن كانت صحيحة فلا خوف عليك إن شاء الله ولن تكون المحاسبة صعبه جداً إن كنت من المجتهدين المثابرين ،، والعكس صحيح ،،

وإن كانت المعلومة خاطئه ،، وأنك ستدرس معنا ماجستير محاسبة مباشرة بدون أي سنة تحضيرية أو مواد تأسيسية ،، فأعتقد أن التخصص سيكون صعب عليك ،، ولن تفقه منه شيء ،، لأن جميع مواد الماجستير متقدمه ،، فكيف تدرس المتقدم وأنت لم تدرس أساسياتها ،،

أتمنى أكون أفدتك ،، ولن يقصروا معك الشباب ،،

تحيتي ،،

السلام عليكم ورحمة الله وبركاته

أنا أحب اعرف بنفسي أنا هنا في المنتدى من فترة حأكمل سنة بعد شهرين وشوي
بس كنت دافن نفسي في قسم مبتعثين كندا

و من أول كنت اتسائل لييييييييييييييه ما في تجمعات لكل تخصص ؟

والحمدلله تم التجمع اخيرا

احب اهنئ جميع المشاركين وخاصة الاخ مصعب الحقيقة

الي مهو مقصر أبدا

وان شاء الله نحاول دائما نفيد أحد

لأني بصراحة أنا هنا من سبعة اشهر في كندا مالقيت غير اثينيييييييييييييييييييييييييين بس

معايا محاسبة غيري أنا وزوجتي

يعني المجموع أربعة (أنا وزوجتى وفلان وفلانة)

لا وازيدكم من الشعر بيت
فلان واحد منهم ماوده يكمل ماجستير محاسبة
وحيكمل ادارة مالية
لانه اشتغل بعد ما اتخرج في بنك ونسي المحاسبة

وأنا متمسك بالمحاسبة كفن و كعلم

واتمنى ان يكون لو واحد يوافقني على رأيي

لأنه المحاسبة أنا درستها من الثانوية درست علوم ادارية
وكانت من ضمن المواد الي درستها
وكمان في الجامعة درسنا تقريبا 20 credits أو أكثر تقريبا

بس بصراحة نصيحتي لكل مبتعث وكل مبتعثة محاسبة وودها تكمل في المحاسبة او المالية

أنهم يهتموا بالمصطلحات المحاسبية بالانجليزي لانها جدا مهمة

تخيلوا أنا بأدرس لغة انجليزية حاليا من شهر يونيو 2008 في معهد جامعة تورنتو

خلال الترم الي راح الاستاذة وقفت واحد من الشباب وقالتله اكتب عنوان مشروع البحث
الي عملته في البكالريوس بالانجليزي طبعا

كلنا جلسنا نفكر بس هي العملية ما تأخذ وقت

لازم الواحد مننا يكون جاهز وعنده Background عن تخصصه لأنه هذا الي يميزنا عن غيرنا

أنا جلست أشرح للاستاذة بعض المصطلحات الي ذكرتها لانه الاستاذة نفسها ماتعرف مصطلحات المحاسبية على الرغم انها كندية بس مو تخصصها محاسبة

أنا كان موضوع بحثي عن محاسبة التكاليف وسائل التقليص من المصروفات الصناعية غير المباشرة في الشركات الصناعية والتي هي من أكبر المشاكل المتعلقة بمحاسبة التكاليف)

Decresing Tools from the overhead in manufacturing companies which is one of the most problems in Cost of accounting


بصراحة اثلجتوا صدري انكم سويتوا التجمع هذا وأتمنى أن يتثبت مستقبلا اذا لقينا العدد زاد

أنا تابعت الموضوع من اوله واعجبتني كثيييييييير ارائكم ونصائحكم

اتمنى ان تقبلوني كعضو دائم معاكم

وان شاء دائما اخبركم عن المزيد


عن المحاسبة و الاشياء المهمة فيها

والله يوفق الجميع

اهلين بكل المحاسبين والمحاسبات ..

سعيدة ان موضوعي نال اعجابكم وقدرنا والحمدالله نعمل لنا تجمع خاص فينا لان تقريبا قبل خمس شهور كان القسم مهجور عشان كذا تركته لكن الحمدالله الحين هو بخير ونتمنى نستفيد من تجارب بعضنا ولو قليلا...
*************************
للي حاب يكمل ماستر محاسبة وهو تخصصه في البكالوريوس رياضيات تقدر تكمل لكن حتاخذ سنة تحضيرية تدرس فيها مبادئ محاسبة وادارة ...
************************************
وانا عن نفسي بصراحة ماني حابة اكمل ماستر محاسبة ناوية باذن الله اكمل تمويل او استثمار لان بصراحة احس مجالهم اكبر وبالنسبة لمحاسبة طبعا هيا تخصصي الاساسي فراح اقدم على اختبارات الزمالة ان شاءالله بس الماستر زي ما قلت تمويل او استثمار والاقرب تمويل لانه محبب ليا اكثر..

طلب بليز اي احد اختبر اختبارات الزمالة يعرض تجربته هنا عشان الكل يستفيد ..

أختكم ... طموحة مــــكــــــة

اخـــوي Faithfully

معاك حق بصراحة ان المصطلحات المحاسبية مهمة جدا ...

انا بصراحة حابة احكي عن معاناتي مع اللغة الانجليزية..
طبعا عي دراستنا في الجامعة انها كانت بالعربي ونهائيا مافي اي مادة تخصص بالانجلش ..
غير كذا درسنا مادة انجليزي وحيدة وكانت عامة وابدا ما ركزت على المصطلحات الادارية مع ان الكتب المقررة مخصصة للادارة لكن استاذتنا ما اهتمت في الشي هذا لانها اساسا ماهي خريجة ادارة.. هذا الكلام في الخطة القديمة

الخطة الجديدة لما قررت زادوا مواد الانجلش الى مادتين عامة بواقع عشر ساعات اسبوعيا يعني دراسة مكثفة لكن احنا ما كان لنا نصيب لان المادة الثانية عادلوها بمواد الغوها من الخطة القديمة ..
وكمان اضافو أكثر من مادة تخصص باللغة الانجليزية لقسم ادارة اعمال بمختلف مساراته وقسم ادارة عامة وقسم الاقتصاد ما عدا قسم المحاسبة لما تضاف اي مادة تخصص باللغة الانجليزية..

بالله عليكم كيف بالطريقة هذي نثقف اللغة عندنا ونتعلم مصطلحات تخصصنا..

انا تقريبا راح ابدا من الصفر في دراستي للغة الانجليزية قبل ما اقدم على المستر ودعواتكم امشي فيه لان حياتي المستقبلية كلها مرهونة عليه.. درااستي ولو حابة اتوظف كل شي يعني..

أختكم ::: طموحة مـــكــة

اذاممكن تفيدوني انا تخصصي انجليزي واني قبول قانون وبعد ماخلصت اموري وباقي على الدراسه 3اسابيع الوزاره الان تقول لازم تغير تخصصك ارجوكم ايش افضل تخصص وبسرعه