اختبار الزمالة السعودية للمحاسبين القانونيين SOCPA

ملاحظه مهمه كتاب التحاسب الزكوي قديم وحسب كلام الاخوان ان هناك بعض التقيرات ( ارجو الانتباه لهذه النقطه) وايضاً الكتب الاخرى

اللي اعرفه ان دليل التحاسب الزكوي شامل التغييرات الجديده اللي حصلت على نظام الزكاة في المملكة قبل بضع سنين .. هذا والله اعلم ..

لكن تتأكدون من هالمعلومة افضل ..

QUOTE=AbuSalim;1061734186]مليون مبروك للأخوين: مصعب، وبدر
ويستاهلو كل خير، مع أن الأخ بدر ما كان يشاركنا كثير (يتغلى علينا) .. مزحة خفيفة ...

وسؤالي لهم: ما هي الخطوات الي سوف يقومون بها بعد حصولهم للزمالة؟
وهل سيقومون بالتقديم على شركات أخرى غير الجهات التي يعملون بها، أم أن الجهات التي يعملون بها سوف ترفع رواتبهم إلى الحد المرضي؟
أم هل تفكرون بفتح مكاتب محاسبة والعمل للحصول على ترخيص لها؟ أم تفكرون العمل في إحدى المكاتب القائمة؟

أرجو منكم الإجابة وإذا كانت هذه الأسئلة تعتبرونها من الخصوصيات فأعتذر لكم.

أما بالنسبة لنتائج اختباراتي فقد كانت صدمة بالنسبة لي،
الحمدلله اجتزت مادة المراجعة، ولكن لم اجتز مادة الزكاة والضريبة،
نعم كان عندي شك في اجتياز مادة الزكاة والضريبة لصعوبة الأسئلة - خاصة الشركات المختلطة، اعتقد أني غير متمكن منها - وطولها حيث قارب الوقت على الانتهاء ولم انتهي من كل الأسئلة، مما اربكني.
لكن مادة المراجعة توقعت أن الدرجة تكون أعلى من كذا، ما أدري أين المشكلة، لكن الحمدلله اني نجحت فيها.

تبقى لي مادتي الزكاة والضريبة والمحاسبة، الله يعين.[/QUOTE]

الله يبارك فيك يا ابو سالم .. وعقبال ما نسمع خبرك والزماله ..
ومبروك نجاحك في مادة المراجعه ..
واذا بقي لك مادتين .. اجل انت والهنوف وانمار .. راح تكون الدوره القادمه حاسمه لكم .. و قريبه من الزماله .. بالتوفيق لكم اجمعين ..

بالنسبة لاستفسارك عن مستقبلنا الوظيفي بعد الزماله ..
انا توني مخلص الماجستير وباقي والله ماتوظفت .. والله يكتب لي الخير وين ماكان ..
اما موضوع فتح مكتب .. هالموضوع صعب شوي خصوصاً في الوقت الحالي .. يعني مافي خبره ولا فيه عملاء .. فصعب تفتح مكتب بدون استعداد، والمكتب يحتاج مصاريف عاليه في البدايه ..
لكن واحده من مكاتب البيق فور .. تستاهل انك تبدأ معها .. خصوصاً ان سمعتها جيده عالمياً مو بس في السعوديه ..

والمكتب ممكن يكون هدف مستقبلي بعد عمر طويل ..

المهم انتم ركزوا في دراستكم .. يصير تشاركونا في المكتب ههههههه ..

وبالتوفيق للجميع ..

السلام عليكم ورحمه الله وبركاته
اخوي مصعب إذا تسمح ممكن أكلمك على الجوال إذا ماعندك مانع واتشرف بمعرفتك وعلى فكرة انا باستاجر غرفة في شقق قصر التين حتى اجتاز المحاسبة ذا ممكن ترسلي على الخاص رقم جوالك وشكرا

وانا بعد اذا ممكن ترسل لي ، احتاج بعض الاستشارات بخصوص امتحاناتي الفترة الجاية

دقيت على الهيئة ، قالوا موقفين المنحه من سنة !
المهم : اللحين من وين اشتري الحقائب ، مره احس لخبطه
وعندي ملاحظه : لو كل مادة لها موضوع مستقل =( ، أحس تشتت وأنا ادور على الردود =(

وعليكم السلام ورحمة الله ..
بالنسبة للشباب اللي طلبوا رقم الجوال .. ارسلته لكم على الخاص .. والله يحييكم اتشرف فيكم ..
بس لدي ملاحظة بسيطة .. اذا كانت الاستفسارات عامه .. ارجوا كتابتها هنا .. ليس لشئ .. إلا لكي يستفيد عضو اخر لديه نفس الاستفسار .. وتكون الفائده للجميع .. هالموضوع فيه ارشيف لكمية هائله من المعلومات .. فأرشفة الاستفسارات والرد عليها افضل .. من الردود الخاصه إلا في حالات خاصه ..
أما إذا كان الموضوع شخصي ولا يهم احد اخر .. مثل البعض يسأل عن وضعه وظروفه الخاصه والبعض يسأل عن عمله ... الخ مثل هالمواضيع مالها اي اهميه للاعضاء الآخرين .. واتشرف اتواصل مع اصحابها على الجوال او عبر الرسائل الخاصه ..

والله يوفق الجميع ..

^^^

ليه ما تسالون هنا علشان الكل يستفيد من الاسئله و الاستشارات و كل شي

غريبه وقفوا المنحات .. هي اصلأ مابدأت الا قبل سنه ..
كأني احس في الموضوع (تعسيف) او حاشية متعسفين .. وهالتعسيف ورانا ورانا .. واللبيب بالاشاره يفهم ..

بالنسبة للحقائب تقدرين تشترينها على حسابك الشخصي عن طريق الهيئه ..
بس طبعاً اول شيء لازم تطبعين نموذج الشراء عن طريق موقع الهيئة وتقومي بتعبئته .. ثم تحولين لهم قيمة الحقائب لحسابهم البنكي .. طبعاً ماعندهم حساب بنكي غير في بنك ساب .. يعني لازم تروحين بنك ساب ..
بعد ماتخلصين من هالشغلتين .. ترسلين النموذج اللي عبئتيه وايصال ايداغ مبلغ الحقائب في حسابهم الى رقم الفاكس الخاص بهم ..

ملاحظة:
أسعار الحقائب ورقم الحساب البنكي ورقم الفاكس موجوده على نموذج الشراء على الرابط التالي
http://www.socpa.org.sa/Pdf/tmapp.pdf

فيه نموذج في موقع الهيئه للحقائب عبيه و ادفعي المبلغ وارسليهم ( النموذج + ورقه السداد ) لفاكس الهيئه و اتصلي عليهم على تحويله 135 تاكدي انها وصلت

و بالنسبه لكل موضوع ماده طبعا اريح بس ان شاء الله ماراح تتشتتين انتي اسألي و الكل متعاون هنا

و اي شي انا بالخدمه و موفقه ..