اختبار الزمالة السعودية للمحاسبين القانونيين SOCPA

لا ما بديت شي

^
^
تعليقاً على الخبر .. اكتفي بهالكلمتين (صح النوم ياهيئة) ..

واللي اتوقعه راح تكون هناك لخبطة كبيرة في التحويل وتعديل الارقام ..
وراح تكون هناك ضغوط كبيرة على مكاتب المراجعة، خصوصاً ان معظم الشركات تعتمد على المكاتب في تعديل مثل هالمشاكل، وهالمكاتب ما اشوف انها تملك كفاءات قادرة بسهوله على التحويل والتعديل وحل المشاكل اللي راح تطرأ من هالتحول ..
والأفضل للمكاتب من الآن تدريب موظفيها وتأهيلهم لمواجهة هالمعضلة القادمة ..
اهل الاختصاص يطالبون بهالتحول من سنوات عديدة، والهيئة الآن تتبنى المشروع .. والله العالم متى يتم التطبيق ..

مع ان الاختلافات ماراح تكون كثيرة جداً، ولكن قد تكون جوهرية في بعض الحسابات .. والتي ربما تؤثر سلباً او ايجاباً على نتائج الشركات وقوائمها المالية ..

بالفعل حتى الآن لم يصدر أي قرار بالتطبيق، الموضوع تحت الدراسة ..
لكن مستقبلاً مصيرهم بيتحولون للمعايير الدولية، خصوصاً ان اكثر من 100 دولة تحولت للمعايير الدولية عام 2008 .. ويمكن هالعام 2012، يتعدون 150 دولة ..
وحتى أمريكا اللي هي مصدرة لمعاييرنا السعودية تقريباً، قررت تدرس التحول للمعايير الدولية ..
هذي العولمة لا تقف أمامها اي دولة ولا تستطيع ..

أما بالنسبة للاختبار .. لا تخاف الموضوع شكله مطول ..
وان شاء الله كلكم بتخلصون الزمالة قبل هالتحول ..

اما بالنسبة للمناهج .. اللي راح يتغير فقط طرق المعالجة والقياس والعرض والافصاح وفي بعض المواضيع وليست جميعها ..

ومعلومة مفيده لكم يمكن ماقد سمعتوها .. وهي إن المؤسسات المالية في السعودية مثل البنوك وشركات التأمين .. تتبع المعايير الدولية من فترة .. بامر من مؤسسة النقد ..
اما باقي الشركات فتتبع المعايير السعودية الصادرة عن الهيئة ..

حتى دول الخليج تقريباً اغلبهم يتبعون المعايير الدولية .. والغريب في الأمر ان هيئئة المحاسبة والمراجعة لدى دول مجلس التعاون .. تستخدم المعايير السعودية .. ونسخ ولصق .. ما ادري له مااتجهوا للمعايير الدولية خصوصاً ان دول مجلس التعاون لا تتبع المعايير السعودية ..
لهذا لا نجد هالهيئة تمت تفعيلها بالشكل الصحيح .. لتضارب التطبيق ..

وقبل كم يوم قرأت ان الامارات العربية اعتمدت زمالة الهيئة الخليجية لممارسة المهنة في الامارات ..

شباب أنا عندي كتاب مصور من تأليف هيئة المحاسبين القانونيين عن المحاسبة لـ عام 2009

في 17 فصل
يبدأ بالاطار النظري وينتهي بالمحاسبة الحكومية

المهم في كل نهاية باب هناك أسئلة

وفي نفس الوقت النسخه الي وزعتها لنا الجامعه إيجاباتها النموذجيه منزوعه من كل الفصول



المهم أنا أحتاج لـ الاجابات النموذجية لـ أسئلة نهاية كل فصل فين أحصلها وإذا كان أحد هنا لديه نسخه أتمنى يتواصل معي وأخذ لي نسخها منها وماراح أنسى له هذا المعروف وراح أدعي له بالتوفيق

أنا طالب في قسم المحاسبة في المستوى الثامن عندنا مادة اسمها تأهيل زمالة ندرس فيها هذا الكتاب وكل الـ 17 فصل وفي هذا الترم غيروا النسخه لـ 2009 ولم نجد إجاباتها النموذجيه المادة جدا طويله والدكتور في كل أسبوع ينهي فصل .

^^

اذا تقصد مذكره الهيئه الي تخص اختبار الزماله فممنوع تصويرها الهيئه محرصه على هذا الشي
الافضل لك تشتريها من الهيئه نفسها و موجود فيها الاجابات و لللاسف ما اظن بتلقى الاجابات بالنت

و بالتوفيق اخوي ابو خليفه ..

^^
^

طيب ما عندي مشكلة فين أحصلها أبغى نسخه كامله مع الحلول النموذجيه لـ كتاب المحاسبة فقط

وإذا كان أحد عنده نسخه أستعيرها منه فقط أبغى أصور أجزاء منها وهي الحلول لان الكتاب عندي

بسم الله الرحمن الرحيم

الاخ مصعب لدى استفسار عند اعداد القوائم الماليه الموحده فى تاريخ السيطره فى بعض الاسئله هناك مبلغ ضمن حقوق الملكيه باسم خسائر مبقاه ويوضع بين قوسين(5000) مثلا وفى بعض المسائل يكتب ارباح مبقاه ولكن بالناقص اى بين قوسين(5000) السؤال كيف يتم التعامل مع هذه المبالغ وبهذه الكيفيه؟ ارجو سرعة الرد ولك جزيل الشكر

اخوي ادخل على موقع الهيئه و اطلب مذكره المحاسبه بس بيعطونك احدث نسخه الي هي 2011 او 2012 او انك تتصل عليهم(014028555) تحويله (135) تقولهم تبي نسخه 2009 واذا انت في الرياض روح لهم احسن لك

هذا الرابط الهيئة السعودية للمحاسبين القانونيين بتلقى مكتوب حقائب تدريبيه هذي المذكرات الي تخص الزماله

و بالتوفيق اخوي واي سؤال انا في الخدمه ..