اختبار الزمالة السعودية للمحاسبين القانونيين SOCPA

السلام عليكم ... كيفيكم يامحاسبين بشرو كيف كانت امتحانكم اليوم .... الصراحه انا شفت ان النجاح في المحاسبه ممكن جدا للي ذاكر وبعمق ... الاسئله كانت اجمالا معقوله .. ومهي صعبه ... بس جو الاختبار .. كان غير لائق .. الصراحه القاعه بارده جدا ... جدا .. جدا..واحنا في عز المربعانيه .. والله الجو بره رحمه بالمقارنه بالقاعه ... غير الامتحان بالكمبيوتر الصراحه غير مريح ... احس ان مخي يتخدر من الشاشه وكثره النظر فيها ..الورقي افضل بكثير ...


محمد ...مني عارفه ايش اذاكر لبكره ... يعني تنصحنى احل الاسئله المقاليه الي بالمذكره ؟؟؟

الاخوه الزملاء.....


مثل ما شفنا اليوم الاختبار كان في المتناول.....
والحمدلله على كل حال......على فكره.....ما اعتقد اعدّي....والعلم عند الله......والامل في الله كبيييييييييييييييير.....السباق في الزماله...ذكاءاً ومعلومةً و فهماً ومعايير للمعالجات المنطقيه....

الورقه الثانيه تأتي تكمله لما لم تشتمل عليه الورقه الاولى......واحياناً تتقاطع معها في مواضيع صغيره؟؟؟؟والعلم عند الله.

وبالنسبه لحل الاسئله المقاليه ....فهماً وتركيزاً....كفيل بالنجاح بإذن الله......

أبرأ إلى الله من علم الغيب....لكن هذه تجارب حصلت في الاختبارات الماضيه.


وأتمنى للجميع التوفيق والنجاااااااح بإذن الله.

انا ودي اعرف ليش الهيئة احيانا يعقدونها زيادة عن اللزوم
اليوم اختبرت مادة الانظمة التجارية واسئلة كثيرة كانت من خارج الحقيبة؟!
يعني المادة ما تستاهل كل هذا التعقيد
الله يعين بس
بالتوفيق للجميع..

بالنسبه لي صراحه متوقعه اسئله أعقد من كذا ، يعني متوقعه تصير الملزمه يمييين والاختبار شماااال
لكن الحمدلله فيه نقاط من نفس الملزمه
وفيه شوي من برا ، زي الاذعان ، ونسبة الدائنين للصلح البسيط ، غير عقود البيع البحريه (سيف) ...... هذا اللي أتذكره !

طبعا الحاله الأولى من الأسئله المقاليه أفتيت فيه بصراحه ، خاصه الفقره ب (الاجراءات القانونيه لمنع الحامل من حقه في الكمبياله ....)

فيه أشياء كثييييره ما جاب منها في الملزمه ولا حتى طاري منها وفي نفس الوقت ركّز على التصفية والافلاس .

الله يوفق الجميع ويعدّوا كلهم الماده ، لان احس ماهي من المواد اللي تستاهل اعيد فيها الاختبار كم مره ، زي المحاسبه والمراجعه

السلام عليكم

اختبار المحاسبة الورقة الاولى كان بالمتناول لمن ذاكر بذمة وضمير ومن زود السهولة جا سؤال مكرر مرتين بتغيير توارخ القوائم فقط انا اعتبر انه معقول جدا ولم يكن معقد اكثر من 10 اسئلة جائت بالنص بالرقم كذلك

الورقة الثانيه : سؤال التدفقات النقديه من سهولته يمكن ما يجيبونه حتى بالجامعه الاسئلة الثانيه كانت معكوسة شوي في المجمل كانت الورقة الثانيه صعبه وليست صعبة جدا

ادائي كان جيدا بالورقة الاولى لكنه بالورقة الثانيه اقل من المتوسط

اسأل الله ان يخلف علينا تعبنا خيراااا واياكم

اميين

يا طالبي علم المحاسبة ماهوا انطباعكم عن اختبار فقه المعاملات ... هل هنك خروج عن مذكرة الهيئه .. عطونا خبر مصار في الامتحان
لكم التقدير والشكر ولكم الدعاء باجمل الامنيات .
انا راسم على فقه المعاملات والانظمه التجاريه
وبعدها الاسد الشغور المحاسبه
خبرة 16 سنة مابين النوم ومبادئ المحاسبة ولكن تأهيل جامعة الملك سعود في تخصصي المحاسبة لاينسى
رايكم القانوني والمحاسبي فيما يتعلق بالاختبار للدورة القادمه افتر 6 شهور
وراسم ايضا التأهل وتحديث المهارات المحاسبيه والفهم والحفظ (لاسترجاع المفهوم في الميومري ) لد ى مركز الاحتراف المحاسبي
اجمل التميات لنا ولكم بالتوفيق
وانا عارف ان الجو في المنتدى جو امتحانات

لكل المتقدمين ..ان شاءالله تبشرونا بنجاحكم يارب


والله يا أخ سوكبا انا ذاكرت بذمة وبضمير وبأكثر كمان .. بس ﻻني اول مرة ادخل الاختبار كان فيني توتر فظيع .. حاولت اتغلب عليه قد ما اقدر .. بس يظل موجود
صراحة ف الورقة الاولى ابدا ماحليت .. ﻻني يوم شفت بدايات الأسئلة أجوبتي ماتطابقت يئست مرة صح فيه اسهلة سهلة مرة حليتها .. لكن الأغلب ماحليت وضعت ف المعطيات ونسيت اشياء وتلخبطت ف اشياء .. يبغالي تمرّس أكثر

وصراحة احس اني ذاكرت بطريقة ماتناسب اسئلة الاختبار .. يعني نعمة اني دخلت الاختبار وشفت الأسئلة وكنت مذاكرة عشان اعرف بالضبط وين مواطن الضعف عندي


وبالنسبة للورقة الثانية انا لما تعودت ع الجو .. حليت ونا مرتاحة واحس ان ادائي كان احسن واستسهلت الاسئلة .. بعكس نظرتي للورقة الأولى اللي أربكتني مرة

ان شاءالله المرة الجاية اذاكرها بالطريقة المناسبة واكون تغلبت على اكثر مشاكلي .. اكبر انجاز لي الحين اني خلصت المادة كمذاكرة .. بغض النظر عن نجاح او رسوب

تجربة مرة حلوة وتحدي أحلى .. وباذن الله النجاح يكون من نصيبي المرة الجاية

بالتوفيق لكم كلكم

ننتظر النتائج بفارغ الصبر، و بخصوص النتيجة بصراحة الهيئة مادري كيف تصيحيهم لذلك لا يوجد لدي اي انطباع تقريبي عن نتيجتي، و لكن اجابتي بالورقة الثانية افضل من الاولى، و اسئل الله ان يكتبنا و اياكم من الناجحين في الاختبار و من همه

بصراحة ودي اتكلم اكثر عن تفاصيل الاختبار لكن تعهدت على عدم التصريح باي محتوى عن الاختبار ><"


سوكبا و الاخ محمد

بخصوص النتيجة فيه حد ادنى و اعلى من واقع خبرتك ، لأن كثير ناس يجيبون على الحافة 60 و نادر مين يجيب درجات عالية ،يعني في منحنى درجات مثل اختبار القدرات او التوفل ، ولا نفس درجتك تماما هي نفسها

سوسي:

انا ايضا جاتني شوية ربكة، مع اني مواول مرة ادخل اختبارات الهيئة، لكن المحاسبةوضعها غير شوي، لدرجة اني اول كم سؤال ماعرفت حلها لكن بالاخير رجعت لها و جاتني الذاكرة من جديد لكن للأسف الوقت ،مع اني كنت مستعد له لكن الحمد لله

حياك الله اخ ابراهيم

وفالنا وفالك التوفيق بأذن الله

بالنسبة للنجاح على الـ 60 بصراخة انا سألت موظفين بالهيئة وقلت يا اخوان ما يصير كل الناجحين على الـ 60 ( على الاقل اللي نعرفهم ) وقلت هل فيه درجة اذا وصلها الواحد يمشونه ؟

وكان الرد من اكثر من شخص

انه هناك معايير لذلك اذكر منها

يجب ان يكون وصولك الى الدرجة57 او 56 شرطاً للنظر في ان يمنحوك المتبقي

ان كانت المحاسبة اخر مادة لك فينظرون لذلك بجديه

ان لايكون المحتاجين كثير حيث انهم ما يقدرون يعطون 20 شخص مثلا 4 الى 3 درجات ويخرجون كثير من الطلاب

طريقة حلك ( بالورقة الثانيه ) وتسلسلك بالحل حتى لو كان حلك خطأ يعطيك جزء من الدرجة ( وهذا يوحي لهم انك فاهم )

لكن الشرط الاساسي ان تصل الى الدرجة 56 - 57

وفقنا الله واياكم

الاخت سوسي

يكفيك شرف المحاولة والتي يجب ان تكون نتائجها اياً كانت حجر اساس في مشوار اختباراتك لـ SOCPA

بالنسبة للورقة الاولى هي الاهم الاهم الاهم

لابد من التدرب والتمرن بشكل مكثف وممل لدرجة حفظ الجواب

حقائب الهيئة - كتاب حالات عمليه بالمحاسبة الماليه - دورة الاحتراف ( اشياء اساسيه ومهمة للمساعدة بالحل للورقة الاولى ) .

الدرجة النهائية توضح كم حصلتي بالورقة 1 والورقة 2

اكتشفي الضعف وركزي على تجاوز الازمة

بالتوفيق لنا ولكم