اختبار الزمالة السعودية للمحاسبين القانونيين SOCPA

السلام عليكم جميعاً
كل عام وانتم بخير بمناسبة انتهاء الامتحانات.........أحلى شعور الواحد يعيش ما يفكر انه وراه مذاكرة ووجع راس::

أمس امتحنت مراجعة
بشكل عام الاسئلة كويسة وماحسيت انه فيها صعوبة واجد ، كل اللي يبي لها مذاكرة بفهم وتركيز عميق وانشالله تقدر تحل حتى لو انك مذاكر بعض الاشياء من فترة طويلة راح تتذكر انشاء الله
الاسئلة المقالية 4 أسئلة
السؤال الاول 3 فقرات : الاولى جايب 5اجراءات مراجعة والمطلوب تحديد اذا كنت تقدر تستخدم أسلوب المعاينة الاحصائية ام لا مع ذكر السبب.
الفقرة الثانية: تقرير مراجع لشركة راجعها مجموعة محاسبين تابعين لمكتب محاسبة ومراجعة وبعدين جا رئيس فريق المراجعة وشاف التقرير والايضاحات اللي حطاها الفريق او هو( ما اذكر بالضبط) ومطلوب انك تشوف الاخطاء اللي في التقرير وتصلحها ( ليس ضروري اعادة كتابة التقرير فقط التصحيحات) من ضمن الاخطاء الموجودة ان المراجع كاتب بعض التحفظات وبعدين الرأي وبعدين رجع وكتب بعض التحفظات وهذا خطأ طبعاً ، وأيضا ماكتب المراجع التاريخ وبعض الاخطاء الاخرى بس في حاجة ماكنت مذكرتها ، في البداية هو كاتب السادة/ اعضاء مجلس الادارة ، هل هذا صح او انه المفروض يكتب السادة/ المساهمون ماادري؟ قريتها بس مااذكرها.
س4/ اللي كنت ادور عليه في الاختبار لان اكيد بيجبونه هو كتابة التقرير بس بعد ماقريت السؤال ماكان هذا المطلوب هههههههه
المطلوب بس الرأي والتصحيح على الارصدة اللي حاطين لها فقرات وحوسة
س3/ عن الفصل الاخيرالمراجعة باستخدام الحاسب، حاطين حالة شركة مراجعة كانت تستخدم النظام اليدوي للمحاسبة ثم اخذت برنامج حاسب في نصف السنة أو وسطها ورأت انها تستخدم النظامين اليدو ي والآلي الى نهاية هذه السنة ثم في السنوات اللاحقة تستخدم النظام الآلي فقط.
السؤال/ ماهو رأيك بالنسبة لما قام به المراجع في السنوات التالية حيث انه راجع باستخدام النظام اليدوي والآلي؟معللا ذلك بان مكتبه يقوم بذلك.
س2/ كان فيه عن المصادقات وتستخرج حجم العينة .
هذي الاسئلة المقالية أما الاختياري بحاول اذا قدرت استرجعها واجمعها لكم _مشكلتي بعد الاختبار مااحب افتح المادة ولا اشوفها !!! عشان لا كل شوي يطلع لي خطأ -!!!!
عذراً على التقصير يمكن نسيت بعض الاشياء اذا احد اختبر المادة ما عليش يساعدنا ويحط الاسئلة يمكن يصيغها بطريقة أفضل.
اتمنى اكون افدتكم ....... تمنياتي للجميع بالتوفيق والنجاح وتاخذو الشهادة باذن الله تعالى،،،
وشكر خاص لكل الذين افادونا بتجاربهم وخبراتهم.

هههههههههههههه محاسب زميل :/
حسيت بهبالي يوم جاوبت على سؤال الشركة المملوكة بالكامل للسعوديين .. اختك بالله حسبت الضريبة


انا اليوم تأخرت بدخولي هنا عشان عل وعسى اتذكر .. ولكن والله عجزت .. وقت الاختبار كنت محيوسة وزاد الطين كان عقلي ع السؤال الثاني .. وياليت فلحت فيه
انا دخلت وحاطة الدرجة الاولي للاختيار المتعدد بما انه يحتل ٦٠٪ من الدرجات اذا انتجت اضمن شئ بس للأسف .
عموماً كل البنات اللي جربوا الاختبار من قبل ابدي انزعاجهم انو هالمرة اصعب :/
الله يسهل هالمادة ٨٠٪ ما راح اعدي .. ولكن يرزق من يشاء ولا أدري لاني للحين ما حدد مستوى حلي


الا ع فكرة متى النتائج ؟



وبالتوفيق للجميع

جزاك الله خير اخ مصعب على دعمنا جمعيا فأنت من تستحق الشكر وليس نحن

بصراحه ما اخفيك اني مو واثق من النجاح وفي نفس الوقت متفائل

لكني راضي عن نفسي ولله الحمد حتى لو مانجحت , احس اني سويت الي اقدر عليه

اخ مصعب باقي ع اختبارات الدورة الثانيه حوالي 6 أشهر و ما حنتظر النتائج تطلع ببدأ أدرس من الاسبوع الجاي ان شاء الله

وعندي طموح قوي اني ادخل المحاسبة واجتازها من أول اختبار بأذن الله

ياليت تقولي الخطوات الي اتبعها من أ الى ي علماً بأني احس اني فقدت معلومات كثيره في المحاسبه

وجبت مذكرات الهيئه ( الي تفتح النفس ( : )
شاكر لك مجهودك والله يجعله في موازين حسناتك

هي تفتح النفس طبعا مافيها كلام ....... هههههههههههه
أولا وقبل كل شيْ أشكر الله سبحانه وتعالى الذي أعاننا على الإختبار والذي أرجوا منه سبحانه وتعالى أن يوفقنا في النتائج أنه الكريم والقادر عليه
ثم أشكر الأخ العزيز مصعب جزاه الله خير على ان جعله الله سبحانه وتعالى سبباً لأجتماعنا في هذا المنتدى المحترم
ومن لايشكر الناس لايشكر الله عز وجل
جزالك الله خير ياأخ مصعب وأكثر الله من أمثالك .... واللي أقدر أقولك ياه الله يجعل هالمنتدى سبباً ولو بسيطاً في نجاح كل من يقرأ هالمنتدى وينتفع منه والله يجعلها صدقه جاريه لك الى يوم الدين (وش رايك في هالدعوه بس)
جزاك الله خير وبإذن الله نلتقى على خير إن الله سبحانه وتعالى أراد

أخوي مصعب

الله يجزاك خير على الموضوع و ايضاً الاخوان ما قصروا

و الف الف مبروك على نجاحك و عقبالنا كلنا

بصراحة أنا مبتعث من سنتين و الترم الجاي ما عندي ضغط كبير في المواد فا قلت ابدأ في موضوع الزمالة السعودية و حابب ابدأ بمادة المحاسبة أول شي و بعدين الباقي ان شاء الله.

طبعاً البلد اللي انا فيها من الصعب جداً انك تلاقي كتب بالعربي فما بالك بكتب الزمالة السعودية و المحاسبة لذلك حأكلم أخوي في السعودية يرسلي كل الكتب و المراجع اللي احتاجها .. ففضلاً لا أمراً اذا تقدر تعددلي كل الكتب و المراجع اللي احتاجها عشان كل الحاجات تترسل و مايفوتني شي.

على حسب قرأتي للموضوع كنت قد نصحت بعدة مراجع و كتب ما أدري اذا في شي اخر اقدر استفيد منه

1/ محاسبة متوسطة 1 + 2 للدكتور سامي راضي
2/ كتب مسائل للدكتور سامي راضي
3/ محاسبة متقدمة خصوصاً في مواد القوائم المالية الموحدة و العملات الاجنبية
4/ محاسبة ادارية و تكاليف - الجزء الأول للدكتور وابل الوابل
5/ كتاب حالات علمية 1+2 في المحاسبة المالية للكاتب وحيد عبدالهادي حمزة و تحت اشراف سامي راضي
6/ حقيبة الهيئة.
7/ مبادئ محاسبة 101 + 102 للدكتور وابل الوابل.>>>> هادي من عندي (( لاسترجاع المعلومات من البداية ))

تسلسل المواضيع في المذاكرة على حسب الموجود في حقائب الهيئة

هل احتاج اي مرجع او كتاب اخر في رأيك ؟؟

والله يعطيك الف عافية

الله يجزاك الف خير يا اخ مصعب
ويوفقك دنيا واخره