تخصص Economics إقتصاد

تخصص اقتصاد ..

مستقبله مرره حلوو ..

ممكن تصير محلل اقتصادي .. في احدى القنوات الاعلاميه ,, او احدى الصحف ,, او لاحدى الشركات

او تصير معيد في الجامعه .. وتكمل دراسات عليا عليها


بشكل عام .. هالتخصص مستقبله مضمون باذن الله ... ادخله وانت متطمن

مشكوره أختي

بس أنا أبي قطاع حكومي ولا بنوك مرغوب أكثر من إداره الأعمال والمحاسبه
وهل المتخرجين منه بكثره

زي المحاسبه وإداره الأعمال مو بكثره وبس أحس أنها مصخت كل من يروح إداره أعمال


وشاكر على مرورك

انا خريجة اقتصاد من 4 سنوات
لا تصدق اللي يقول لك مستقبله مضمون
لو تشوف اغلب الوظائف التي طرحت حتى وانها ترتبط بالاقتصاد بصورة اكبر الا ان التخصصات المطلوبة يا محاسبة او ادارة اعمال
واكثر شي مطلوب ادارة الاعمال

هذا عن تجربة وانا صار لي 4 سنوات عطالية بطالية مع ان معدلي حلو ولغة وكمبيوتر لكن ما للطيب نصيب
وانا من متابعين الوظائف المطروحة سواء شركات او حكومية وشفت اغلبها ادراة اعمال او محاسبة

مع اني انا ناوية اكمل ماستر اقتصاد بإذن الله...حبا في الاقتصاد فقط لا غير لأن التخصص مره حلو لكن مشكلته يناقض نفسه
يعني ممكن تلاقي عالم يقول لك نظرية يجي واحد ثاني يقول عكسها

مدري احس المحاسبة افضل من ادارة الاعمال
على حسب
كمان التسويق مضبوط

والله يا أختي مدري أول مره أحد يقولي مافيه مستقبل!!

bookee

أول شيء نفرض إن المحاسبه أو إداره الأعمال أفضل أنت قد دخلت جامعه سعود قسم سنه تحضيريه؟
والله دون مبالغه نصهم إداره أعمال ومحاسبه ولو واحد في قسم ثاني وتسئله وش ودك قال إداره أعمال
يعني عليه تكثف غير طبيعي يعني أنا بروح أدرس يبيلي 5 سنين عز الله كل الديره إداره أعمال
وغير إداره أعمال المبتعثين وش كثرهم

أتمنى وضحت الفكره ^^ وسامحني على الإطاله

اخوي عزوز
لا تنخدع من جد اكلمك لا يوجد مستقبل لخريجي الاقتصاد شوف كم فيه من خريج اقتصاد وكم منهم توظف بشهادته؟
مدينة الملك عبدالله الاقتصادية هل تعتقد كل الوظائف اقتصادية؟؟ لا اعتقد قد تشكل هذه الوظائف ما نسبته 5% فقط من اجمالي الوظائف...وترى فيتامين واو لا بد انه ياخذ 4% منها
بالنسبة للاقتصاد اغلب الشركات لا تطلب هذا التخصص اذا تبغى نصيحة اخت ادرس مالية Finance افضل ومجاله اوسع او تسويق Markiting اغلب الشركات محتاجة

ومهما كان قرارك استخير واسأل ذوي الخبرة والحكمة

أوكي مشكوره ختي مدري أخوي ^^

أنا راح أستشير

بس Finance؟ وشو يعني بالضبط؟

اخي azoooz
الله يوفقك في اختيارك لمجال الاقتصاد . بس هذا التخصص لازم تكون حاصل على مؤهل عالي ماجستير او دكتوراه ..راح تلاقي فرصتك وبقوة في الجامعات في البنوك في المكاتب الاستشارية في الصحف في القنوات الاعلامية في مؤسسات الوساطة المالية . بس شرط حصولك على مؤهل عالي .

اما اذا حاب تغيير فأنا أخيرك بمجالين أقوى من الاقتصاد ومطلوبه بقوة في سوق العمل منها:
1- التسويق
2- الاستثمار والتمويل
بس لازم تواصل الدراسات العليا فيها وراح تحصل على وظيفة مناسبة
والله يوفقك

السلام عيكم ورحمه الله انا تخصص اقتصاد هل اجد وظيفه بعد التخصص لاني الحين مستوى اول انا فلسطينيه ومقيمه باسعوديه هل في مجال للوظائف الاجانب في هذا المجال ولالا ارجوو
افادتي وهل تنصحوني اني احول الى محاسبه لانه عمي يشتغل محاسبه وقلي انه الشغل اكثر اما اداره الاعمال والاقتصاد للسعوديين فماذا رايكم