الجيمات GMAT..عندي طبـــه

جزاك الله خير ابو تركي.. والجزء الثالث قريب ان شاء الله

موضوع مفيد الله يكتب أجرك عزيزي ناصر

الله يعطيك العافية اخي الكريم
بصراحة انا ماعندي فكرة عن هالجيمات
ياترى مايكفي عنه التوفل ؟؟
هل على المبتعث ان يجتاز التوفل وكمان الجيمات ؟؟
ايش الفرق بينهم ؟؟؟

حبيب قلبي ياليت تعطيني اسم الكتاب الرسمي للجيمات لأن لقيت كثير ولا ادري وش الافضل .

بالنسبة للأخت اميرة الشتاء . التوفل يختلف عن الجيمات
التوفل اختبار اتمام اللغة الانجليزية
الجيمات اختبارمطلوب لمن اراد ان يتخصص تخصص اداري للماستر
لايعتمد على اللغة فقط بل فيه جانب لغوي وجانب رياضي وجانب تحليلي

من الممكن ان تحصلين جامعة تتقاضى عن الجيمات ولكن لايحل محله التوفل.

اللـه المستعان..والله كتبت الجزء الثالث وإنلغى بسبب إتصال النت.. الله المستعان بس.. ولا حول ولا قوة إلا بالله
ربي فككم مني الليلة :-((

أخوي ملتاع: الكتاب سلمك الله اسمه..
The Official Guide for GMAT Review- 11th Edition
هذا هو اهم الكتب..وهو المرجع الرئيسي للجيمات.. الأسئلة اللي فيه أسئلة جيمات قديمة...ولازم يكون الطبعة الـ 11.. وبالمارية الكتاب غلافه أصفر (أو برتقالي)


نشوفكم بكرة..تصبحون على خير*

والله مدري ايش الجيمات بس شكلي انشاء الله محي امر علية هههههههههههه حاس انو هم الله يبعدو بس وموفقين قايز

السلام عليكم ورحمة الله وبركاته

أنا احب اشكر صاحب الموضوع الاخ ناصر

واحب اوضح نقظة مهمة انه مو كل الجامعات في امريكا وكندا طالبين الجمات لكن اغلبها

وبالعربي الي يبغ يدرس في جامعات صح يدرس الجمات لانه كيف نثبت للغرب اننا مجتمع قادر على منافستهم
واننا مايهمنا العوائق الي هم حاطينها الا بالمحاولة والمثابرة والاجتهاد والفشل مرة مو معناه نهاية العالم
انا اعرف شباب نجحوا في الاختبار هذا وهم الي كثييييييييييييييييييييييييييييير رفعوا من معنوياتي
وزي مايقول المثل الحي يحييك
صحيح ماقدروا يعدوا من اول مررة لكن حاولوا مرة واثنين وثلاثة واربعة والف الين ماقدروا المهم انهم قدروا مومهم عدد المرات
والان حيخلصوا ماستر نهاية السنة ماشاء الله

وهم على فكرة ماستر محاسبة مثلي

ووبعضهم بيدرسوا في امريكا وبعضهم في كندا

وانا الان بادرس جمات لاني ابغ ادرس في جامعة قوية مو جامعة ابوكلب بدون جمات

وباحارب عشان انجح فيها ان شاء الله واجيب اكثر ممن الدرجات الي طالبينها الجامعات

وادعولنا بالتوفيق

والله يوفق الجميع

رجعنا بعد طول غياب... اعتذر عن التاخر في هذا الجزء...

قبل ما أبدا... اخوي (فايثفولي) حلووو طموحك...وشكر ع الملحوظة... واذا كان ح تدرس جيمات ..خلينا نتعاون..عشان نكسر راسه المعفن هذا...


عودا ع بدء(ايش عنده مثقف...هههه) هذا هو الجزء الثالث ... وان شاء الله انه يكون الجزء الاخير...

أيش تحتاج تجيب عشان درجة كويسة؟


أولا
بحكم الاختبار باللغة الانكليزية ومتعمق فيها فلازم تكون انكليزيتك كويسة...وكويسة جدا... الى اي حد؟ ما اقدر احدد ... بس كلما كانت اقوى كل ما جبت درجة اعلى.


ثانيا
فهم تركيبة الاختبار وتصحيحه
في الجزء الثاني شرحت تركبية الجيمات لما تكلمت عن الاقسام الثلاثة حقته... وفي الجزء الاول شرحت طريقة تصحيح الاختبار في الكمبيوتر...راجهعم ح يفيدوك، الشيء المهم اللي ينبي على كل ذاك الكلام أنه لابد لأي واحد ح يستعد للاختبار. ينتبه للتالي:
- القسم الاول (الكتابة التحليلة) مي داخله في الدرجة فعشان كذا، ماهي ازعاج. فانت مرتاح من هذه الناحية..تحتاج بس تمرين بسيط عليها.
- القسم الثاني (الكوان) وهو مصدر قوتك بحكم انك منت (نايتف)..وعشان كذا لازم تركز عليه جدااااااااااا.. جداااااااااا...جدااااااااااااااا...جدا لما تتعب
- القسم الثالث (اللغوي)..ح يتعبك، بس لازم تتعود عليه... حاول فيه جهدك...خاصة قسمي (تصحيح الجمل و التفكير الحرج) هذين مع التركيز ان شاء تجد تحسن في مستوك...القسم الثالث اللي هو (استيعاب القراءة) وجدته متعب، ولم اجد اذائي فيه يثبت..فعشان كذا القسمين الاولين هو فرصة كبيرة لتحصيل درجة اعلى..

ثالثا
خلفية قوية في اساسيات الرياضيات:
بحكم الاختبار جزء منه رياضي وجزء لغوي..وبحكم ان قوتنا ح تكون في قسم الرياضي (الكوان) لان القسم اللغوي يعتمد على اللغة بشكل كلي (الا اذا كانت لغتك مرررررة تمام).. فالقسم الرياضي (الكوان) ح يكون هو المصدر الوحيد لرفع الدرجة... فيحتاج اساسيات في الرياضيات مرة قوية، وقدرة على حل مسائل الرياضيات بسرعة...هذا شيء مرررة مهم، لان القدرة على فهم المسالة وتحويلها معادلة ومن ثم حلها يساعدك في توفير الوقت اللي انت في الاساس ماعندك مايكفي منه.. ويساعدك كذلك في رفع درجة الاختبار لان القسم الاخر غالبا ما تكون درجته اقل من القسم الرياضي..والدرجة النهائية عبارة عن جمع الدرجتين.


رابعا
براكتيس...تمارين في تمارين
مهما كانت اساسيات الرياضيات عندك قوية.. ومهما كانت لغتك مررررررررة تمام..ف انت ما تستغني عن التمارين... اذا كنت اقل من كذا (وكلنا كذا)*فلازم تمارين في تمارين.... الامريكان انفسهم يقولوا السر في الجيمات أنك تاخذ اطنان من التمارين..يعني بالعربي تمارين لليللللللل (-: وقد ما تاخذ تمارين، قد ماتتعود ع طبيعة الاسئلة، وقد ما تتعود على الحل في خلال الوقت المحدد... طبعا، لازم تؤقت لنفسك في التمارين، ولا انصح ابدا انك تبدا في التمارين من غير ما تؤقت لنفسك، لان التوقيت هو اللي يساعدك ع التعود ع طبيعة الاختبار... شيء عائد لك لو تبغى تؤقت لنفسك من البداية، أو تحب في البداية تنشط الذاكرة على المسائل الرياضية بدون توقيت وبعد فترة تؤقت لنفسك.

لما تبدا في التمارين... أفضل ان يكون في دمج بين اللغوي الرياضي، لكي أوضح أقصد تخلص من قسم الرياصي وتروح ع اللغوي بس اهم شيء بنفس اليوم. هذا اقرب لطبيعة الاختبار ويساعدك على التعود عليه.

بعد فترة من التمارين المكثفة، نزل برنامج الاختبار من موقع الجيمات الرسمي و سوي اختبار وشوف كيف ادائك....وكرر هذا بعد فترة، وخذ الاختبار الثاني...انصحكم فيه ترررررى مرررررررة مهم.



خامسا
زحمة صحححح....عشان كذا تحتاج خطة متكتكة...مرسومة رسمة معلمين... وتشتغل ع اساسها... ولا تغفل الجانب النفسي... وح تستفيد كثير جدا منها وح تحصل الكثير ان شاء الله.



كذا اكتمل الجزء الثالث والاخير...أتمنى ان شاء الله افدنكم وربي يوفقني واياكم للي فيه الخير

تحياتي
ابو حنين

مجهود رائع اخونا والله يجزاك كل خير .. موفق يارب ..الله يسهل امرك وينير دربك..

السلام عليكم ورحمة الله وبركاته

والله يااخي ناصر انا كلي حماس اني افك شفرات هذا الاختبار اللعييييييييييييييييييييييييييين

انا عندي كم قسم باشتغل عليهم كويس ذي الايام هم
Sentence correction
Argument and Issue Essays


بالنسبة لي هذي اصعب جزئين في الجمات

انا عندي معلومات كمان بالنسبة للجمات انه المشكلة في كتابة الESSAYS
انه الي يصحح هذا الاختبار الكمبيوتر

ومن التنبيهات الي قالوها الدكاترة انه الكمبيوتر غير عاطفي
لازم تهتم بأمور معينة هي الي حتعديك
في حالة وحدة انه اساتذة بني آدمين يصححوا الكلام الي كتبته اذا الكمبيوتر اعطاك 0 صفر او ما اعطى شي معناه انهconfuse

الامور المهمة في كتابة ESSAYS بشكل عام بداية كل جملة - تناسق الجمل وترابطها - agree - disagree

وامور كثيرة

هذا الموقع انصح بيه الناس الي ودهم يكتبوا ESSAYS ويتأكدوا انهم كتبوا صح وفيه نصايح مررررررررررة كثير في كل شي في الجمات
http://www.800score.com/takeessay.html


والله يوفق الجميع