مبتعث مستجد Freshman Member
الولايات المتحدة الأمريكية
Nas99ser , ذكر. مبتعث مستجد Freshman Member. من السعودية
, مبتعث فى الولايات المتحدة الأمريكية
, تخصصى ماجستير -Marketing
, بجامعة Saint Joseph University
- Saint Joseph University
- ماجستير -Marketing
- ذكر
- Philadelphia\ فيلادلفيا, بنسلفانيا \PA
- السعودية
- Jan 2008
المزيدl March 22nd, 2009, 06:33 AM
الله يعطيك العافية اوي والله ما قصرت
خفايا نفس March 22nd, 2009, 10:23 PM
7 " الظاهر غني ماني مكمل هنا.....
Nas99ser March 29th, 2009, 03:43 PM
7 " وراه ياخوي ماتبي تكمل
ترى كل شي بتفيد اخوانك فيه بتلقى اجره ان شاء الله
وترانا اغلبنا للحين ماقدمنا على الاختبار ومتخوفين منه
aboturki March 29th, 2009, 05:23 PM
7 " إلى إدارة المنتدى...لي يومين اواجه مشكلة في المنتدى.. ماأكتب كلمتين على بعض الا تطلع رسالة
"Authentication Required" تطلب اليوسر نيم والباسوورد
الله لا يهنيكم شوفونا حل
Nas99ser April 1st, 2009, 08:52 AM
7 " شكرا لك والله موضوع مفيد الا ودي اسالك انت بديت دراسه الماركت او لا
لاتس ودي اسالك التسويق فيه رياضيات واجد؟؟
مبتعثة ارلينغتون April 1st, 2009, 10:50 AM
7 " والله من خبرتي الشخصية مع المعفن على قولتك .
كلمت الأهل قبل امس بالسعوديه ووصيت الوالده تشوف تحت سريري بالبيت هناك يوجد عجره (نعم عجراا)
فطلبت منها ارسال تلك العجرا لي عن طريق الدي اتش ال وبأسرع مايمكن .
السبب: الجيمات ماينفع له الا العجرات = تكسير روووس
فالله يعينكم ان تبحثون عن عجرا قبل تبحثو عن الدروس الخصوصية للجيمات .
عجرا* = عصا من الخشب بطول 65 سانتي تقريباً يقتنيها البعض للشدخ .
al-mltaaa3 April 1st, 2009, 02:26 PM
7 " رهيبة العجراااااااااا...والله إنك صادق ما يبيلها الا عجرا و "ومين يعورك يا جيمات"... وص الوالد يرسلنا وحدة ثانية عساها تنفع :-)
أختي مبتعثة أورلينتغون...الماركتينج درسته واشتغلت فيه...واقولك إن الماركتنيج لا مافيه رياضيات الا اساسيات جدا بسيطة..
طيب...الحين ابقول..ان المنتدى هذا ةالله ما يهون علي إني أتركه..ومع اني شاركت في هذا الموضوع بمنتدى آخر..إلا أني بعد أبواصل هنا... والله يعني هنا وهناك....
--------------------------------------------------------
بسم الله... اليوم ح ابدا الكلام في النقاط هذه:
ما هو الجيمات
أقسامـــــــــــــــــه
طريقتــــــــــــــــــه
حساب الدرجات >> مهمــــــــــــــــــــــــة جداااااااااا
إبش تحتاج عشان أجيب درجة كويسة
ما هو الجيمــــــــــــــــــــــــــــــــــــــــ ـــــ ـــــــــــــــــــــــــــــــــــــات:
الجيمات هو أختبار موحد لطلاب درجة الماجستير في أي تخصص لإدارة الاعمال...حتى لو كان تخصص البكالوريس بعيد عن ادارة الاعمال برضه الاختبار مطلوب.. وإدارة الاعمال تضم التخصصات: تسويق - إدارة - مالية - إقتصاد - محاسبة - نظم معلومات - وقانون (أحيانا)...فأي واحد يبغى يدرس ماجستير في أحد هذه التخصصات في جامعة كويسة لازم يجيب درجة كويسة في هذا الاختبار عشان يتم قبوله..وغالبا تكون 450 من أصل 800..وهي درجة تعتبر معقولة...الاختبار طبعا بالانكليزي..هذا بالنسبة لتعريف الجيمات.
أقسامــــــــــــــــــــــــــــــــــــــــ ـــــ ــــــــــــــــــــــــــــــــه:
ينقسم الجيمات لثلاث أقسام وكل قسم محدد له وقت محدد لا يمكن تجاوزه أبدا...
1- الكتابة التحليلة (AWA): ببساطة يعطونك موضوعين وتكتب عنهم..كل واحد نص ساعة...الموضوع الاول يكون @issue@ يعني قضية\مسألة تحللها وبعدين تكتب رايك فيها.. الموضوع الثاني اللي مدته نص ساعة كمان..هو @argument@ يعني قضية خلافية تحتاج تحللها من جميع جوانبها ولا يلزم تكتب رأيك...
2- القسم الرياضي (Quantitative): وهي عبارة عن مسائل رياضية مختلفة تختلف درجة صعوبتها من سؤال إلى سؤال..هذا القسم يجي بعد القسم اللي فوق بخمس دقايق عبارة عن استراحة قصيرة (بريك)... الـ(بريك) هذا اختياري، يعني منت مجبور عليه... القسم هذه مدته 75 دقيقة.. بـ 37 سؤال يعني كل سؤال معاك 2د لحــله.. القسم هذا ابسميه أختصارا "كوان Quan"
3- القسم اللغوي (Verbal): نفس وضع القسم الرياضي يجي هذا القسم بعد بريك خياري خمس دقايق...هذا القسم ح يكون فيه اسئلة لغوية متعددة، مثلايعطونك نص واسئلة عليه.. في هذا القسم معاك 75د لحل 41 سؤال.. يعني تقريبا 1.75د لكل سؤال
ما يهمكم، كل قسم ح اتكلم عنه بالتفصيل لما أتكلم عن كيف تذاكر لكل قسم...
طريقتــــــــــــــــــــــــــــــــــــــــ ـــــ ـــه:
بالكمبيوتر...
سابقا كان ورقي وهو خيار افضل بمقارنة بالكمبيوتر..بس الان صعب تحصل ورقي
حســـــــــــــــــــــــــــــــــــــــــــ ـــــ ــــــــــــــــــــــــــاب الدرجــــــــــــــــــــــــــــــــــــــــ ـــــ ــــــــــــــــــــات:
هنا في كلام مهم لابد تفهم زززززززززين... لانه معرفة طريقة حساب الدرجات بيساعدك على معرفة كيف تجيب درجة عالية... وانا اشوف ان الكلام هنا هو اهم شيء في المشاركة هذه كلها...لان طريقة حساب الدرجات سر من اسرار الجيمات ومعرفتها تريحك كثير في استيعاب طريقة الاختبار عشان كذا ركز معاي شوي..
طيب...درجة الاختبار اولا هي الاسئلة اللي تحلها صح من الدرجة الكاملة وهي الـــ 800... يعني زي اي اختبار..بـــــــــــس السـر هنا أن حلك للسؤال يحدد السؤال اللي بعده.. يعني إذا جاوبت السؤال صح ح يجيك سؤال يختلف عن لو جاوبت السؤال غلط..وهذا يأثر في درجتك بشكل كبير..هذا ببساطة
بالتفصيل...في كتاب الجيمات الرسمي مكتوب التالي:"درجتك في الاختبار تحتسب عن طريق نظام رياضي معقد ياخذ في الحسبان درجة صعوبة السؤال وطريقة حلك له"...يعني بالعربي.. إن الطريقة معقدة بحيث يحسبون صعوبة السؤال وطريقة حلك له..بحيث ان الخيارات الموجودة لكل سؤال هي بعض النتائج اللي يمكن تطلع لك أثناء حلك للسؤال..وكل هذا يؤثر في تحديد السؤال اللي بعده..
عشان النقطة هذه مهمة أبزيد وأعيد الكلام فيها...
بطريقة أخرى: هدف الجيمات هو تحديد مستواك رياضيا ولغويا.. واللي يحدد المستوى مو بس الدرجة.. فلو افترضنا أن احد الشباب خمن إجابات الاسئلة يعني بدون تفكير..فيمكن يجيب درجة عالية ماهو ضروري تعكس مستواه..أههه ...وهنا تكمن فكرة التصحيح: بحيث أنهم ياخذون في الحسبان صعوبة السؤال وطريقة حلك له والوقت اللي أخذته في الحل.. ومن ثم يحدد الكمبيوتر السؤال اللي بعده.. فلو افترضنا انه الاسئلة مستويات وجاءك سؤال مستوى ال 500 وحليته صح فالسؤال اللي بعده حيكون مستوى ال600 ..اما اذا حليته غلط فينزل مستوى السؤال الى ال400..وهكذا.. الوقت بعد محسوب..فمثلا سؤال مستوى ال 800 ح يحتاج وقت اكثر من سؤال مستوى ال200 مثلا.. فإذا مثلا جاءك سؤال ال800 اللي المفترض تاخذ في مثلا 2:15د وحليته مثلا في 5ث فالكمبيوتر بيعرف أنه جسيته )guess( خمنته يعني ..وبكذا يكنسل السؤال عليك.. بس يعوض الدرجة بس بطريقة جدااا معقدة... وعلى اساس كذا وبالراحة بتختلف الاسئلة من شخص الى شخص..
اتمنى إن هذه النقطة واضحة الان... وأنا حاضر لأسئلتكم ...
بناء على الكلام هذا..نجي للنقطة الاهم.. وهي...
من 200 (وهي الدرجة الاقل) الى الـ800 (الدرجة الاعلى).. درجتك الحقيقة تكمن ما بين ال800 وال 200...والكمبيوتر ح يبدأ رحلة طويلة معاك عشان يجيب درجتك الحقيقة.. ف يوزان بين الاسئلة الصعبة والبسيطة لما يجيب مستواك الحقيقي وبعدين يبدأ يثبت مستوى أسئلته لانه يكون حدد مستواك..
فلو افترضنا ان الكمبيوتر ح يعطيك 10 اسئلة، فأول سؤال ح يجيك بيكون مستوى ال 500...اذا حليته صح ح يعطيك سؤال اصعب..أذا حليته سوال اصعب بعد..وهكذا..الى لين تجاوب غلط..أذا جاوبت غلط يعطيك سؤال اسهل.. ويصير مستواك بدا يتحدد بين السؤال اللي حليته غلط والسؤال اللي حليته صح..قول مثلا أول 5 أسئلة قدر يحدد الكمبيوتر إن مستواك في ال 600 >> يا دافور كخخخخخخخخ.... *الاسئلة ال5 الاخيرة حتكون في تحديد ايش درجتك بالضبط في مستوى ال600 هل هي مثلا 690 والا 610... وهكذا يبدا الكمبيوتر يحدك بالاسئلة لما يقرب الى مستواك الحقيقي...
اذا فهمنا هذه النقطة كويسسسسسسس.. معناه عرفنا سر التصحيح... وعرفنا كيف ح نتعامل معاه...فالاكيد إن الأسئلة الاولى اهم من الاسئلة الاخيرة... والاسئلة الـ 15 الاولى أهم من غيرها...لان درجتك أذا جاوبتها صح ح ترتفع فوق في العلالي...مقارنة بالاسئلة الاخيرة لو حليتها صح ما ح تأثر على درجتك كثير.. وبكذا يصير حتى لو تاخذ وقت أكثر على الاسئلة الاولى... هذا سر من اسرار الجيمات
مرررة ثانية ورابعة وعاشرة ومليون هذه النقطة مرة مهمة.. وأخذها في الحسبان يساعدك كثير على تحصيل درجة عالية إن شاء الله.. *
انا والله تعبت من الكتابة والله يعينكم ع القراءة .. وابغى اوقف هنا..اذا احد عنده سؤال وابكمل عن قريب إن شاء الله..
تحياتييييييييييييييييييييييييييييي
أبو حنبن
Nas99ser April 2nd, 2009, 05:21 AM
7 " الله يجزااااك الف الف خير
وييسر لك هالاختبار وتجيب الدرجة العاليه فيه يارب انا ماعندي اي اسئلة لكن اتمنى تشاركنا ماتعرفه عن الجيمات
استمر اخوي وعسى ربي يجزاك عنا كل خير
هالحين بديت افهم ليه هالخوف من الاختبار اثر الكمبيوتر شايف شغلة هنا
aboturki April 8th, 2009, 02:33 AM
7 " 
LinkBack URL
About LinkBacks
March 22nd, 2009, 06:33 AM
السلام عليكم...بعد فترة طويلة من الانقطاع رجعت هنا.. عشان الجيمات أو GMAT كما يسمونه محبـيـنه :-)هذه المشاركة للشباب والصبايا اللي شايلين هم هذا الاختبار بحيث اكتب خبرتي مع هذا الاختبار هنا ليستفيد منها الجميع، ونتشارك جميعا في كسر خشم هذا الـــ(معفن) اللي طلع الشيب في رووسنا...
لازم اقول من البداية..إن هذه المشاركة لن تتكلم عن الجيمات من حيث ماهية الاختبار واهميته ومن المطلوب منه وكم الدرجة المطلوبة، فكل هذا موجود في هذا الموقع وفي كثير مواقع غيره، ولا يحتاج الا مجرد بحث سريع في قوقل..
هذه المشاركة سيكون هدفها تحديدا في طرق التحضير للإختبار وكيفية الدراسة لكل قسم منه..
لا شيء غير ذلك،
وعشان كذا أتمنى من الشباب والصبايا أن تكون المشاركات بما يخدم هدف هذه المشاركة لفائدة الجميع..
بحكم ان الاختبار ليس الا باللغة الانكليزية، فستكون معظم المواقع واللينكات بالانجليزي ولغتها الرئيسية الانجليزية، ماهو حبا في الانجليزي..لكن ع ما قالوا: وش حدك ع المر، قال الجيمات <<--------- حلوة هذه
عن نفسي، أنا أخوكم خريج حامعة البترول (أحم أحم..شاف نفسه من بدري ههههه..ترى داج لا تصدقون بس) وأدرس ماجستير تسويق في امريكا وادرس للجيمات من أسبوعين واختباري قريب إن شاء الله. لغتي الانكليزية مش بطالة، تمكنت بفضل الله من خلالها ومن خلال دراستي للجيمات من الخوض في كثير من تفاصيله وسبر بعض أغواره <<----- وش عنده
خلال الاسبوعين الماضيات انهيت ثلث الكتاب الرسمي للجيمات وبدات أتـأقـلم على طبيعة أسئلته، بحثت في الانترنت وكونت مجموعة جيدة من المواد اللي بتساعدنا كثير على كسر خشم هذا المعفن
بحكم إن الوقت متاخر.. لدي الكثير لأقوله لكن أجد نفسي متعب، وقبل كذا صراحة ماني متحمس لفكرة المشاركة هذه كثير بس قلت خلني اشوف الشباب هنا إذا حمسونا كملنا..عشان كذا انا استاذنكم الحين ونشوفكم بكرة إن شاء الله
ع ما بال كذا..هذا لينك مرررررررة جيد يشرح الجيمات من شخص جاب اكثر من 700 من أصل 800 وهي درجة جدا عالية..
أتركم معاه إلى بكرة...وزي ماهو واضح الفيديو كله ع بعضه إنجليزي..وع طاري الانجليزي، نقولكم: انجوي :-)
هاف أ جود نايجت جايز :-))