الدراسه باليمن

هلا فيك اخوي عشاق...


اكيد راح يعادلون لك مواد لاني مثل وضعك تقريبا عندي دبلوم كهرباء كلية تقنية وعادلولي جميع المواد العامه مثل الرياضيات والانجليزي والثقافة والحاسب وغيرها...

بس انت لما تعادل بقسم التسويق >>>اكيد بيعادلون لك مواد كثير لان اصلا قسمك ادراي وانت راح تدخل بقسم فيه مواد تشابهلك شوي مو مثلي من كهرباء لنظم معلومات.

روح اسال بمكتب الجامعة لان لهم بكل مدينة في السعودية تقريبا مكاتب تسجيل يعطونك كامل المعلومات وكمان يعادلون لك المواد وانت باقي في السعودية ولو انت من مدينة ابها اتصل في مكتب الجامعة واستفسر اوروح لهم بنفسك وهذا رقمهم >>>> 2242772-07

عموما القسم روووووعه وسهل ومافيه تعقيد هنا للدكاترة تحس انهم اخوياك والله.

تكلفة الدراسة بقسم نظم المعلومات الادارية >>> 2100$ دولار للسنه كامله .


اسف على الاطالة بس حبيت افيدك اكثر....

الله يوفقكم يا شباب
حبيت اسألكم عندي دبلوم كلية تقنية مساحة
بيقبلوني عندكم وهل هذا التخصص موجود بالجامعة ؟
ولكم تحياتي .

حياكم الله جميعا

اول شي الدراسه باليمن شي ممتع لانك تحس انك بالسعوديه هذا اول شي

ثانيا اخوي الاول ماقصرت حبيبي كفيت ووفقيت

واشكر الاخ admin موضوعي كان مجرد تعريف بالطلاب اللي باليمن فقط لاغير ولااقصد غير ذلك

بالنسبه اللي يسال انه اخذ دبلوم نعم فيه مقاصه بس تقنيه مساحه مافيه بس انت تشوف اقرب تخصص لهذا القسم ويسون لك مقاصه اكثر الشباب متخرجين من كليه التقنيه ومسوين مقاصه اللي سنه ثانيه الحين اللي سنه ثالثه على حسب التخصص اللي تروح له

ودي من الاخ الشمري وش السبب اللي مانصحوك تدرس باليمن عطني سبب واحد اقنعني او اقنعك

ان الملحق الثقافي السعودي اللي باليمن ظالم
وان وقت الويك اند ماكو مكان تتسلى فيه
وان النت بطئ باليمن
وان ماكو امن وامان باليمن
وشكرا

الملحق مانكر ان فيه بعض التخطبات لكن لايقلل من عمل الملحقيه

الاجازه مافيه الا يوم الجمعه الخميس دراسه بعدين حن جاين ندرس مو جاين نتمشى صح فيه اجازات وفيه اوقات نتسلى فيها

النت سريع سريع جدا وشركه يمن نت من افضل الشركات

انا لي ثلاث سنوات والحمد لله ماحد تعرض لي ولا شي انت كن طيب الناس يكونون طيبين معك

تحياتي لك

هلا بك اخوي عزوز
الله لا يهينك اخوي انا عندي استفسار بسيط
في واحد من الشباب وده يحول الى اليمن الى جامعة العلوم والتكنلوجيا وهو تخصصه طب بشري في السنة الثانية
يبي يحول من جامعة الاسكندرية في مصر
تعرف الدراسة عندنا في مصر معقدة وصعبة فالرجال وده يفتك
فابيك توضح لي الفكرة عن الجامعة وهل الدراسة سهلة بما انها جامعة خاصة وتدفع فيها فلوسك هل يمشونك
لان مثل ما انت عارف الجامعات الحكومية متشددة مو زي الخاصة يتساعدون ويمشون الطالب
ثاني شيء كيف الواحد يقدر يجيب قبول من الجامعة وكيف يعادلون السنوات اللي راحت

اخيرا وانا اسف على الاطالة كنت بسالك بس عن الملحقية هل يوافقون على الطول وهل الملحق الثقافي متعاون
ويتساعد مع الطلبة
ولا الواسطة لازم

ربي يوفقك اخوي عزوز القحطاني
اتمنى انك ترد علي

يالغلا الجامعه خاصه بس الملحقيه معترفه فيها وتبتعث طلابها على هذي الجامعه

الدراسه ممتازه ومتيسرين جدا يعني مافيه تشدد بس لازم الواحد يجتهد ولايحتاج للواسطات

بالنسبه لطريقه التحويل يقدم طلب من الملحقيه اللي بمصر طلب تحويل الى اليمن ويمكن هم اللي يرفعون اوراقه او يسلمونه الاوراق المطلوبه

تقريبا دراسه الطب نفس دراسه مصر يعني راح يعادلون له المواد اللي ناجح فيها طبعا

اكيد يوافقون الملحق متميز بس لااخفيك ان سالفه البعثات صارت صعبه مو مثل السنوات الماضيه بس الواحد يجب معدل ويخش البعثه بالنظام

الواسطه فيه بس ان شاء الله انك ماتتجه للخيار هذا

واي استفسار حاظر

الله يجزاك خير
اخوي ماقصرت وربي يوفقك

اخوي الله يوفقك انا رحت لمكت الجامعه بالرياض وقالوا نقبلك بشرط تسوي اختبار قبول وهاذ لازم طيب لو اروح لليمن وادخل اقدم اوراقي للجامعه بنفسي دون المكتب لازم اختبار قبول

وياترى الاختبار فيه كتب اذاكرها وبايش يختبروني

والله يوفقك دنيا واخره

السلام عليكم
ارغب الدراسة قى اليمن ماجستير تربية رياضية (بدنية )
اريد ان اعرف كم تستغرق مدة الدراسة وتكلفة الفصل الواحد او السنة الدراسية