الدراسه باليمن

أنا ابغا ادرس على حسابي وعندي دبلوم احياء دقيقة وابغا اخذ البكالرويوس باي جامعه تنحني وبكم السنة الدراسيه وهل الشهادة معترف فيها هنا بالسعودية وهل راح يعادلون شهادتي ام لا؟؟؟


وايضا اخويا عنده دبلوم عالي قسم مختبرات طبية ويبغا يكمل بكلرويس بكم السنة الدراسيه وهل معترف فيها وبكم ؟وباي جامعه تنصحه فيها؟؟


والله يعطيك العافية ياااااااااااااااااارب

ويجزاك الجنة

اخوي ابو فالح

احب اخبرك اختبار القبول مجرد تحصيل حاصل

وهي كالتالي اذا تبي تخش طب يختبرونك في خمس مواد اللي هي كيماء . احياء . انجليزي . يعرفون مدى المامك فقط

والهندسه رياضيات . وفيزياء

انا جبت درجه ماتجمل بس قبلوني بس الاختبار لابد منه

بس احب اعطيك خبر ونقطه الاختبار بالسعوديه 800 ريال سعودي والاختبار بالجامعه رخيص جدا اعتقد 200 ابتاكد وارد لك بس فيه فرق شاسع بالسعر

بالنسبه لاخوي ساري زالله مالي خبره بالماجستير بس اعتقد تخصصك مو موجود بجامعتنا اللي هي معترف فيها ممكن تلقى بجامعه صنعاء ابسال لك وابشر من عيوني فديتك

اختي انين كليه اللبنات اللي عندنا فيها تخصصات كثيره ولا لي خبره فيها كثير بس ابسالك بنت اعرفها تدرس هناك وابرد لك خبر باذن الله

بالنسبه لقسم المختبرات لاخوك ممكن يخش تخصص قريب يالطب ياطب اسنان او حتى هندسه طبيه ويعادلون له المواد باذن الله

والجامعه الوحيده المعترف فيها هي جامعه العلوم والتكنولوجيا فقط

انا بنتظار ردك يالغالي وياليت لو تقولي متى ادفع لهم الرسوم اي شهر وكم تكلفة الشقق هناك وكم تقريبا يلزمني مصروف شهري ومتى تبدأ الدراسه عشان اسوي حسابي وهل اقدر اسجل شهر9 اذا حصلت لي ظروف وماقدرت اسجل شهر 7

ادري طولت عليك بس الله يجزاك خير ويوفقك ا

السلام عليكم ورحمة الله وبركاته
اخوي أنا طالب في ثالث ثانوي في السعوديه اصلي يمني ولكن الوالد عنده الجنسية(الكينية) وانا كمان يعني اصلي يمني وجنسيتي كيني الحين باقيلنا حوالي اسبوعين وننتهي وان شاء الله ابغى اسجل في جامعة حضرموت للعلوم والتكنلوجيا كلية الهندسه انا دخلت الموقع وشفت النسب وهي 80% بس عندي كم استفسار.
1- اولا انا ان شاء الله بقدم عالجنسيه اذا اخذتها هل يكون علي رسوم في الجامعة
2-هل يلزم اختبار القدرات(القياس)من السعوديه وماهي المتطلبات الاخرى التي يجب اخذها من السعوديه
3- هل اخذ دورة انجلش قبل لا ادخل الجامعه لان الانجلش حقي ضعيف جدا
4-ماهي شروط المنح هناك هل تكون للمواطن ام للكل .
5- هل الجامعه معتمده في السعوديه وكيف اعرف الدول الي الجامعه تعتبر معتمده فيها.
6- هل اذا رحت الجامعة في جضرموت ونسبتي مثلا %90 هل يوجد هناك حذف لبعض المواد واذا كان هناك حذف كم ينزل مثلا من النسبه.
ومعليش اخوي عل جهلي وطولت بس ماصدقت لاقيت واحد فاهم في الجامعات اليمنية وسجلت عشانك وشكرا مقدما

ابو فالح لا ابد حبيبي حن هنا لخدمتك حبيبي

تقدر تسجل حتى اذا بدت الدراسه لكن الافضل ان تكون مكمل اوراقك ومسجل رسمي وتنفك من البهذله والشروط

شوف السكن فيه سكن جامعي يكلفك 3000 ريال سعودي في السنه كامله

طبعا شقق برى يكلفك 1000 ريال في الشهر طبعا شقه كبيره خمس غرف وحمامين الله يكرمك ويعز القراء

وفيه الفلل طبعا الفلل في اماكن راقيه يكلفك 500 دولار طبعا بتسكن مع شباب وتكون بالقطه

المصروف على حسب صرفيتك انا ضيفني على الايميل وافهمك الحياه هنا

فديتك يالغلا

انت بتاخذ الجنسيه السعوديه او بتاخذ الجنسيه اليمنيه

لان المنحه للطلاب السعودين فقط

وجامعه حضرموت ليست معترفه يلغلا مثل جامعه العلوم اللي في صنعاء


طبعا الرسوم لليمنين غير الاجانب فيه تخفيض لهم

انت استخر ربك وقرر وش تتخصص وابشر بعزك

اختبار القدرات لايلزم ولا له فائده

انتظر ردك على اسئلتي لكي ابين لك اكثر وتكون على معرفه ودرايه

لا ياخوي الجنسيه اليمنيه والحين الجامعه ايت احسن الي في حضرموت ولا صنعاء لاني متحير والله ابغى وحده تكون معتمده في المملكة واكثر من دوله الواحد ما يدري وين ربنا يحطه وانا والله متحير بين الطب والهندسه وياريت الجواب على ذا السؤال
- هل اذا رحت الجامعة في حضرموت او صنعاء ونسبتي مثلا %90 هل يوجد هناك حذف لبعض المواد واذا كان هناك حذف كم ينزل مثلا من النسبه.وماهي المواد التي تحذف والله يعطيك العافيه

يالغلا اللي معترفه فيها السعوديه هي جامعه العلوم والتكنلوجيا - فرع صنعاء فقط

لا النظام واحد لايحذفون ولا شي

مرحبا

عزوز ابغى اعرف جامعة صنعاء الحكوميه معترف فيها في السعودية؟