الدراسه باليمن

أنت تختار شريكك
ولكل طالب (سرير + دولاب للملابس+كرسي+مكتب)
ورسوم السكن تشمل (الكهرباء والماء والصيانة..)

الدوام مستمر في لجنة القبول والتسجيل حتى 27 رمضان

حياك الله وبياك ........

بيض الله وجهك وحليفك ايضا ياغالي

عندي بعض ألاسئله أتمنى إنكم تساعدونني وتساعدوووون إخـوانك وإخواتك المبتعثين و المبتعثات لكي يتحقق الهدف المنشود........

من عيوني ياغالي

صعوبة وسهولة المناهج الدراسيه بالنسبه لــــ(طب بشري)؟

هو صحيح مافيه سنه تحضيريه بس انك تندمج مع المنهج راح يساعدك واصلا تعلم اللغه مايجي بالسهل لازم تكون عندك عزيمه تتعلم ولا لو تدرس الف سنه وانت ماعندك رغبه ماراح تتعلم

معاهد أللغه ألإنجليزيه في اليمن؟

طبعا المعاهد متوفره بكثره بس افضل معهدين باليمن حاليا ومعترف فيها ونظامها شديد وتعليمها قوي هي معهد اكسيد وهو بشارع الجزائر جنب المركز الليبي ومعهد يالي وهو كذلك في نفس الشارع بس جهه حده وسعر المعهد تقريبا 120 دولار بالدوره مع الكتب

برنامج يتقيد به الطالب لكي يستفيد من وقته من حيث الدراسه في الجامعه وحضور دورات لغه E .

الجامعه تقيم بعض الندوات والمحاضرات وتستضيف دكاتره منجميع الدول واخرها دكاتره من مستشفى التخصصي واستفادو الطلاب ودورات في تنميه الذات وكيف تصبح ناجحا الجامعه مو مقصره

توجيهاتكم ونصائحكم لإخوانكم بحكم الخبره التي لديكم .


عاد ما نستغني عن توجيهاتكم .........


تحياتي لكم

المعادله توقفت من سنتين من التعليم العالي اليمني

مادري هذي السنه فتحوها الاستاذ عادل ياليت تعطيني خبر نهائي عن موضوع المعادله

بالنسبه للدراسه اكيد بالانجليزي

السنه تخصص هندسه تكلفك 10 الاف سعودي تقريبا السكن جامعي يكلفك 2400 بالسنه والمعيشه المصروف تقريبا 1500 الى 1000 ريال انت وصرفيتك

تحياتي لك

السلام عليكم ..

الله يجزاكم خير جميعا ..

قبل يومين دقيت على الملحقية الثقافية السعودية اللي باليمن , سألتهم على الإعتراف , قالوا إن الإعتراف للأسنان مسحوب , لكن بالنسبة للجامعه ككل بعد العيد بيتحدد هل هي معترفة أو لأ .. بصراحة أنا خفت , لأن المشكلة أنا عندي إختبار باليمن تاريخ 17 شوال , ولازم قبل ذا التاريخ بإسبوع تقريبا أكون هناك عشان أتأقلم على الجو , أنا اللي خايف منه أروح هناك لكن بعدين يقولون إن الجامعة سحبوا منها الإعتراف .. ياريت اللي عنده خبر أكيد وواثق منه يعطينا إياه .

طيب إذا خشيت جامعة العلوم , ولاسمح الله سحبوا منها الإعتراف , هل يمديني في السنة الثانية أحول على جامعة معترفة ( جامعة صنعاء , جامعة عدن ..... ) ؟؟

بصراحه ماعندي خبر عن الالغاء بس مدامك سجلت واخذت موافقه من الملحقيه وحددت الاختبار اكيد موقفك سليم لاتخاف ياغالي

اذا لا سمح الله قالو لك شي اثبت عليهم لماذا اعطوك الموافقه لكي تددرس بالجامعه وهي ماهي معترف فيها

بالتوفيق واي مساعده حاضرين

اخيرا لقيناك
انا طالب يمني مقيم بسعوديه
جبت 93 النسبه
قدرات 75
تحصيلي 67


ودي ادرس فاليمن طب اسنان هل انقبل ولا لا
اليمن كم تنقص من نسبة السعوديه ؟
الجامعه طب اسنان معترف فيها بسعوديه ؟
بنسبه للجامعه اهلي ولا حكومي وفكلا الحالتين كم ادفع للدراسه ؟

الف شكر يالغالي انتظر ردك

حياك ياغالي
عادي ياغالي تنقبل بالنسبه للاعتراف الملحقيه وقفت التسجيل بالجامعه لكثره الطلاب السعودين ولا هي معترف فيها

سجل ياغالي ومايحتاج شي من القدرات والتحصيلي

تكلفه الدراسه بالسنه 24 الف ريال رسوم دراسيه

الجامعه اهليه بس معترف فيها ياغالي

لو سمحت اخوي حبيت استفسر عن السكن تبع الطالبات هل اذا سكنت في السكن تبع الجامعه مسموح لي اطلع منه
او لازم موافقه ولي الامر او كيف علمني شلون الطريقه كلها تبع السكن وكون لك شاكره كثيير

اللي اعرفه ان السكن يفتح للطالبات من الساعه 7 صباحا وحتى الساعه 6 المغرب وللطالبه في هذا الوقت الحريه كامله تروح الجامعه او تتطلع تتسوق مثلا وبعد الساعه 6 المغرب يقفل السكن واللي ماتكون موجوده يتصلو على ولي امرها ويبلغوه.

ولو قصدك انك تطلعين من السكن بشكل نهائي وانتي من اول ساكنه فيه >>> اعتقد انه مسموح ولكن بموافقة وتوقيع ولي امرك .
واذا انك لسى ماسكنتي في السكن الجامعي >>> لك الحريه انك تسكني برا السكن بدون الرجوع لهم.

ولو حبيتي تفاصيل اكثر اسالي الدكتوره رنا لانها اخبر بموضوع سكن الطالبات.