بعثة للأردن تأيدون ام لا ؟؟

والله انك كفو تسلم طال عمرك كفيت ووفيت ولا هنت يالغلا

وكلامك كله على عيني وراسي من فوق والله ماقصرت والله مدري اشلون اشكرك ع هالسطور استفدت منها وعطيتني فكره مشكور يالغـلا

نرجع لمحور حديـثنااا ( اول شي يبيلي لـغة انجليزية )

والظاهر اني بأسحب من المعهد" وول ستريت "

.
.

المهم ياطويل العمر طلعت اناا على مكتب يعني خدمات طلابية "رحلات دراسية للـهند "

في معهد ( euro language " هالمعهد حلو ومعترف به دوليا " لكن ماعلينا دوليا ولا محليا ( اهم شي اللغة )

وهالمكتب يضمن لك :

1 ) رسوم التسجيل والدراسة .

2 ) الاقامه مع عائلة ( طلبت اني اسكن بروحي مابي العائله ) " لكن اقنعني قالي انت متغرب بديرة ما تعرف عنها شي اقعد مع العائله اقل شي شهر " ( وبعدين نسكنك بروحك اضمن لك وافيد لك ) واذا تبي تسكن بروحك على طول ما عندك مشكله . ( طبعاا قلت مو مشكله اسكن مع العائلة اقل شي شهر اتعود على عاداتهم شويات واطلع اسكن بروحي ) .

3 ) الاستقبال في المطار . ( مندوب من نفس المكتب يتكفل معك بكل شي الين موقع الاقامة حقك .. ويقعد معك 10 او اسبوعين معك مرافق لك بكل شي ,, الين تعرف كل شي ) وتقوله خلاص طال عمرك مابي اشوف وجهك ,

4 ) وجبات يومية غداء . فطور . عشاء .

5 ) انهاء اجراءات الاقـامة .

بقيمة 12 ألـف ريال . لمدة 9 شهور تحفظاا لأستيعابك للـغة .

وزي ما انت عارف مدينة " قوا " الهندية لغتهم انقلش وهي مدينة سياحيه يعني اللي بتدرسه ان شاء الله تطبقه ووتتعود ان شاء الله .


وش رايك تماام ؟ وعقب انتهي من اللغـة الـ 9 شهور .. اتفرغ للـبكالوريوس والله كريم

ياهلا بالغالي العزيز
اخوي لا شكر على الواجب ..... كلنا اخوان وعلى قولتهم الناس لبعضها ......
المهم ياطويل العمر مثل ما قلت انت اللغة ضرورية جدا بل هي الاصل اذا عندك لغة اعتبر انك حصلت على شهادة البكالوريوس
خاصة الطب لانو كلش حفظ واللي ما يعرف اللغة طبعا حيكون الحفظ عليه صعب

والمعاهد تراها كثيرة عندك ماليزيا نيوزيلاندا بريطاينا الهند بس بريطاينا وماليزيا غالية شوية بالذات بريطانيا
فاشوف احسن شيء الهند رخيصة بس عاد الله يعينك على الهنود المشكلة عندهم الفقر وسمعت بعض الشباب اللي راحوا لها صراحة ما مدحو البلد .......بس انت ما عليك شوف لك بس مدينة يكون شعبها متحضر عرفت
ولو اني انا افضل نيوزيلندا واتوقع انها مو غالية مرة
بعدين تكفيك 6شهور فقط يعني بدل ما تروح الهند وتقعد 9شهور رح لنيوزيلاندا واقعد فيها 6شهور ترجع وانت تتكلم انقلش صح
على العموم انت عاد فكر وشوف اللي يناسبك لانك انت ادرى بظروفك ووضعك
وبرضو اذا رحت للهند مثلا ابتعد عن اي مدينة فيها عرب او طلبة سعوديين لانك اذا احتكيت معهم واجد رح تتكلم عربي معهم
فما راح تكون النتيجة مثل اذا كنت تتحدث مع ناس ما يعرفون عربي فتضطر انك تتكلم انقليش

الله يوفقك اخوي واحييك على حماسك واجتهادك
وتشرفت بمعرفتك وربي يوفقك ويحقق لك كل اللي في بالك

واهم شيء لا تنسى الاستخارة ....ركعتين تركعها طال عمرك ثم تدعي ربك لان الله سبحانه هو وحده اللي يعلم الخير
وبعد الاستخارة استشارة الناس اللي يفهمون واللي تحس انه عنده معلومات لان مو اي تروح تسال لان بعضهم يا حطمك ولا بعضهم
ما عنده خلفية فيقعد يمدح لك اي تخصص وينظر الى جانب معين مثل المادة ولا مدة التخصص

(ماخاب من استخار ......... ولا ندم من استشار)
ولا تنسانا من دعائك ..................لي ولجميع الطلبة في الخارج
والسلام خير ختام

معلومات مهمة.

شكرا على مشاركاتكم المثمرة و التي من المؤكد انها ستساعد الكثير من الشباب الراغبين بالدراسة هناك.

اتمنى لك التوفيييق سوري وبس