تجمع مستجدي جامعة الخليج بالبحرين 2009

د.عمر وباذن الله انت دكتور
معليش هذا اجراء روتيني وباذن الله انت ناجح
افضل من لا شئ صح؟
لسه بعدين حتشوفوا عالترم التاني اللي يتأخر عن التسجيل يغرموه هههههه
بس والله يا دكتور هادي الاشياء رح تهون كلها لمن تنقبل باذن الله
وتشوف الناس الطيبة الي هناك

ان شاء الله الله يسمع منك انتي ع العموم مبتعثه ولا ايش موضوعك انا اول مره اشوفك هنا

على فكرة الصورة اللي تعطوها لملحقية خلوها حلوة بتسير صورة بطاقتكم الجامعية لستة سنين
ولا تقلقوا

انا طالبة هناك يا د.عمر

في هناك في اي سنه وايش قصدك بالصورة انا عطيتهم صورة يوم الخميس الماضي مع اوراقي

انا سنة تانية
لا تقلق بس انا لما اديت الملحقية صورتي كانت رسمية ومن غير نظارة وتفاجأت انها سارت صورة بطاقتي الجامعية ههههههههه
لا خلاص انسى شي مو مهم

كيف المبنى انا شفته حطمني نفسيا وكيف الدراسه فيه من جد قويه ولا مشي حالك

لالالالا لا بالعكس ترا الجامعة مرة مستواها كويس واخدنا جائزة افضل جامعة عربية للطب في الشرق الاوسط اولت العام
والدراسة الا قوية والدليل انو ما يكمل الا اللي منجد ناوي يدرس
بس سنة اولى حلوة وسهلة شوية لانها مرحلة ما قبل الطبية لكن يبغالها مذاكرة اول باول في النهاية انت بتدرس طب
ولا يغرك شكل المبنى ولا ساحة الجامعة او زي ما نسميها السكوير
بالعكس الجامعة ملمومة ولكننها كمان ٥ ادوار وتراها كبيرة بس كلو من جوا
انا نفس الشي اكتأبت لاني كنت مقدمة في عبدالعزيز بجدة
لكن والله احس دحين انو ما في احسن منها جامعة

واي استفسارات اخرى جاهزين

كم المكافأه؟؟
وكيف السكن ووين بالضبط وهل بفلوس ولا لا وكم؟؟
الاختبار والمقابله اللي علينا في احد ينطرد منها ولا عادي الجميع يمشي ومتى بنستلم البطاقه الجامعيه والحساب البنكي والبطاقه السكانيه

ارجو الاجابه معليش تعبتك بس اشياء لازم نعرفها وشكرا

حاضرين يا دكتو

١- المكافأة كانها ٤٥٥٠ <<< مو مرة متأكدة بس هي بهادي الحدود اكيد بس من زمان ما صرفت ونسيت

٢- السكن:
السكن لا تخاف انا بشرحلك
اول شي هو يقع في منطقة الصخير
تبعد عن الجامعة نص ساعة بالباص اللي طبعا يوصلنا من والى الجامعة كل ساعتين من الساعة ٦ الصبح الين ٦ المغرب باصات رايحة وجاية
والسكن عبارة عن شقق
كل شقة يسكن فيها (٦) ستة طلاب وكل واحد له غرفة لحالو فيها دولاب وسرير ورفرف ومغسلة يد
والغرفة عبارة عن اتوقع ٣ في ٣ بس ترا لاتتضايق انا انصدمت في البداية لكن طلع كويس بالعكس مريحة للنوم وللتنظيف
اما عن الحمام الله يكرمك فغرفة الحمام مشتركة فيها ٢ دش و٢تواليت واحد عربي وواحد افرنجي و ٤ مغاسل

٣- السكن مو بفلوس دامك مبتعث وحاول تاخد الدور الاول بدل الارضي لانو احسن دايما <<< رأيي الشخصي

ودحين على بال بقولك عن المقابلة