تجمع مستجدي جامعة الخليج بالبحرين 2009

حنين عبدالعزبز

يعطيك العافية أختي ما قصرتي

بس اختي حبيت أسألك عن الجيم

هو بمنطقة السكن صح ؟

والحين انتي قلتي انه ما صرفولكم المكافأة إلا ثاني شهر

طيب ايش سويتي بذاك الوقت ؟

:::

أخوي عمر .. والله لو تنقل الكلام فيه خير وبركه
لأن لما أبي أسترجع الكلام يبيلي أفتش بين 7 صفحات تقريبا من بداية محادثتكم إلى نهايتها

هلا Taekwondo
ايوا الجيم بمنطقة السكن يعني زي الكامباوند
المنطقة السكنية اللي تقع تحت نطاق المشرفات واللي تغلق الساعة ٩ هي اللي فيها الشقق
لكن غيرو زي السوبرماركت او الميني ماركت والجيم لازم تروحوا مشي مو بعيد بالمتير ١٠ دقايق مشي او اقل

اما عن المكافأة اللي تاخرت فاخذت من الوالد كاش وانا ساكنة بالشرقية فما صعب علي شي الاهل قريبين
انتي بداية خذي ١٠٠٠ ريال اذا كانوا اهلك هنا عشان في شراء كتب من الجامعة
وقتها انا صرفت الالف ريال كلها اول اسبوع
لاني وقتها ما عرفت كيف آكل واشرب فكان كل شي من برا

أها

طيب كيف تدبرتي أمر الأكل والشرب بعد التجربة
يعني هل فيه بالجامعة أكل يقدمونه بدون فلوس ..
هو أنا بإذن الله باخذ 1000 ريال بحول الله لين ما تطلع المكافأة
وأنا أهلي بالشرقية برضو

طيب أختي شوفي أنا لاعبة تايكواندو .. عادي أقدر أشترك بنادي من نوادي البحرين ؟
ولا هاذي فيها سالفة لازم أروح الملحقية أو الجامعة ؟

وكم تأجير السيارات بالبحرين ؟

السلاام عليكم ورحمه الله

حابه استفسر عن السكن ..وكيف نظامه....

وهل الغرف مشتركه..؟


ودي

Taekwondo ما اعرف شي عن النوادي
واذا عندك رخصة تقدري تستاجري سيارة اكيد بس اللي اعرفو انو طلبة سنة اولى غير مسموح لهم بامتلاك سيارة وغير كده ماعندي علم

عن الاكل زي ما قلت فوق قبل في فود كورت فيلو كنتاكي وكودو وهارديز ... في في الجامعة كفتيريا فطور وغدا مو مجانا
وتقدري تطلبي من اي مطعم يوصل للسكن عندك تقريبا كل المطاعم توصل .. ماك بيتزا هت ،، ماك .. يم يم تري .. صب واي
وخلال رمضان عادة تسوي اشتراك من عند المشرفة في وجبة فطور وسحور الظاهر بس اللي اذكرو انو كان شوية مكلف
بس انتو ما حتداموموا رمضان عموما
ومدام اهلك بالشرقية باذن الله امورك تسهل

يافي في الصفحات السابقة في كل شي عن السكن
السكن عبارة عن شقق
كل شقة فيها ٦ غرف لكل طالبة لها غرفة بحالها
كل غرفة فيها دولاب ملابس وطاولة دراسة وسرير ورفوف
والشقة حمامها مشترك ١ عربي ١ افرنجي و ٢ دش
في الشقة صالة واحدة ومطبخ واحد
التنظيف عالعاملات ما عدا غرفتك طبعا

يارب اكون قدرت اساعدكم يا بنات

مشكووووووووورة واللهي ماتعرفي قد ايش ساعدتيني

بس انتي قلتي بالصفحات السابقه انو الدور الاول افضل من الارضي

كيف اقدر اختار الغرفه وهل هي بالاسماء ولا لا..؟

بجد مره متوترة...

وكمانا ابغي سال انا اختباري 10 من هالشهر ومادري متي تبداء الدراسه الفعليه ..؟

اسفه اختي ع الازعاج...

وي عادي يا يافي كلنا اخوات وانا يوم من الايام كنت بموقفك
طيب يا ستي

ايوا الدور الاول دايما افضل
عشان اذا مطرت او شي ما يدخل عليكي موية
والغرفة انتي وحظك تجي بدري تاخذي مكان احسن
وهو عموما سهل جدا تغيري غرفتك المشرفات جدا متعاونات
متى ما تبغي تنقلي تنقلي
اصلا في البداية الكل بس شغال ينقل
يعني تنقلي من الى عند صحباتك وكده

الدراسة الفعلية
تلقيها في التقويم الاكاديمي من موقع الجامعة
:- جامعة الخليج العربي -:

تبدوا بعد ما تنقبلوا باذن الله يوم ٢٧ سبتمبر الاحد ... وانا رح اكون بانتظاركم هناك انا في فريق لدعم سنة اولى
واسمي حنين =) اشوفك باذن الله

وانتي اول ما يجيكي قبول باذن الله على طول روحي السكن خديلك مكان كويس والسكن مفتوح لانو احنا دوامنا الاحد الجاي فيكون في طلبة

مشكوره أختي حنين عبدالعزيز وماقصرتي وإن شاء الله نقدر نخدمك بأي شيء والله يقدرنا نرد لك هذا المعروف

مشكورة اختي حنين على مساعدتك لنا D:
انا عندي سؤال
الحين لمن ننقبل بعد المقابلة هل في نفس يوم المقابلة يعطونا البطاقة الجامعية و بالامكان فتح حساب في البنك وكذا ولا في يوم ثاني ؟
وهل انا لحالي اروح افتح حساب ولا الجامعة توديني للبنك ؟

وبالنسبة للأخت يافي الاختبار تاريخ 9 مب تاريخ 10
يصير يوم الأحد الجاي
والدراسة الفعلية لطلاب سنة أولى تاريخ 8 شوال