طلاب الجامعه اللبنانيه تخصص الحقوق ساعدوني

والله يااخوان وهاذي نصيحه لوجه الله انا رحت الجامعه وماعجبتني اللي يبي يايروح مصر والا برا امريكا والا برياطانيا ولا كندا لبنان مو مال دراسه وحتى الملحق الثقافي قالي انصحك خذ ملفك وحول على مصر لاتقرب هالجامعه اللي يقدمون 1000 طالب واللي ينجحون مايتعدون 15 طالب ولاتقولون تقصير واهمال لا والله انا شفت حتى الطلبه اللبنانين يتشكون منها ومن صعوبتها وهم اللي نصحوني قالولي ابتعد واللي يبي يسجل ماعندي مانع اقوله التفاصيل من ا لبدايه لا النهايه بس انا كتبت قلت ابي ابري ذمتي علشان محد يدعي عليي واللي مو مصدق الكلام يطلع لبنان يومين ويشوف الوضع بنفسه ويمر الفروع الخمس اللي بالجامعه ويسئل الطلبه عن الجامعه اللبنانيه بس فيها جامعات حلوه مثل الامريكيه وبيروت وبالنسبه للمعيشه تراها نار والله نار 1000 دولار مايقعد معاك يومين والله يسهل عليكم يارب ومثل ماقلت اللي يبي التفاصيل من التسجيل وغيره بعطيه والله يكون بعونكم يارب

لا لا يا الغالي ،، اسمحلي انا صار لي ٤ سنين بلبنان ودخلت الخامسه !

اقسم بالله الشعب هذا عنده عقليه مب طبيعيه ،، انسى الجامعه اوكي ؟ اتحداك تلقى لبناني مب ناجح بس طلعه برا ديرته ،،

ديرتهم حاكمه عليهم بالفشل والسبب ٣٠ عام قضوها بحروب وعدم استقرار ،، عموماً هذا مب موضوعنا ،،

ياخي ادخل LAU اللبنانيه الامريكيه ،، مب الصعبه الي صارت تعجيزيه عشان تحافظ على اسمها الي هي AUB !

اقسم بالله شفني انا فيها ،، ووضعي بالسليم الحمدلله وكنت افكر ادرس بكندا بعد ما اتخرج من الثانوي ،،

بس يوم بديت ،، والله قعدت اظحك على نفسي !!! شلون كنت افكر اطلع ؟ ياخي شعب بطلع ويقدرون الخليجيين ،، انسى الفلوس والمصلحه لا وربي ،، يحبونا حتى لو ما دفعت لهم ودفيتهم بدراهمك ،، بس يبيلك ٦ شهور تعرفلهم واذكر كلامي ،، والي بيقولون انهم ما يخلون قرش حمر فجيبك ياخي ما تلومهم يجيك سعودي ينطل هالدراهم عشان يوري خلق الله انه كاش ! ياخي لو اني انا وانا السعودي والحمدلله ما نقصني شي والله لا ازرفه وانا ما اشوف الدرب ،، الكلام الي تقولونه هذا عن المصاريا !

واذا اقدر اساعدك بشي اخوي علمني ،، ان شا الله اكون عند حسن ظنك ،،

عاد انا ابي اسافر اي دوله عريبه ادرس وبس مابي اسافر دوله اوروبيه مالي خلق اتعلم انجليزي لووول
بس الخوفه الوالد يدري اني بروح لبنان ويخاف علي لاني البنوته الوحيده بالبيت وبيقولي حرب ماحرب
بس لوماعليك كلافه ابي الموقع واشلون سجلت ,طبعا تخصصي الفاشل جغرافيا وابي اكمل ماجستير وتقديري جيد ونسبتي 77%
طبعا كنت حاطه في بالي مصر اوالاردن بس مدري ليه من قريت موضوعك تحمست اروح لبنان يمكن اصير شهيده بعدين لووول
وكم تكلف الدراسه سنتين هناك يعني اذا نجحت وجبت معدل زي الاودام مايحولوني عالبعثه والا لبنان موتبع الدوله المتبعثه؟
وسوري عالاطاله تكلمت اكثير الساني يبيله قص هههههههههه

لووووووووووول انتي على التخصص الحلو هذا المفروض اتروحين كاليفورنيا عشان يتعلمون منج اللغه العربيه وايد احسن لوووووول
اهم شي انج تبين اتصيرين شهيده بلبنان لووول