ساعدوو اختكم لصغيره اذا سمحتو !

وينكم ؟!! يعني ليش ما تردون كلكم ما تعرفون ,,

ليش ماتدرسين بجامعة الشارقة بدال الخليج هذي

احسنلك ودراستها افضل والدكاتره على اعلى مستوى

بس دراسه جامعة الخليج اسهل خصوصا انه العلامة تتوزع على الواجبات والحظور والبروجكت ..الخ ,, فكره في الشارجه بعد بس ماعندي معلومات وايد عنها ,, يعني اذا ما عليك امر يب لي معلومات هه


مشكور اخووي لانك رديت ..

حتى بالشارقه تتوزع العلامه بهالشكل

اول شي تعدين التوفل لازم تجيبين 500 او تجيبين درجة الايلتس بس كل قسم تحصلين درجة 5 وبعد كذا سنه تحضيرية وبعدين السنه اللي بعدها تدخلين بالتخصص

والتقديم بدا الحين وهذا موقعهم
http://www.sharjah.ac.ae/Arabic/Pages/default.aspx

بالتوفيق خيتي

صباحكم خير ..

بدا التقديم بس مب لطب الاسنان

فتح قبول الطلبة الجدد لفصل الربيع الدراسي 2009/2010

يسر جامعة الشارقة أن تعلن عن بدء استلام طلبات الالتحاق للفصل الدراسي الثاني (الربيع) 2009/2010 في جميع التخصصات المطروحة لبرامج البكالوريوس في مختلف كليات الجامعة عدا كليتي الطب، وطب الأسنان


علعموم اخوي مشكور ما قصرت .. انا ان شا الله يوم الاحد بروح سفارة الامارات الا بالبحرين وبستفسر عن الجامعتين .. عندهم مركز ارشاد اكاديمي مناك .. وبجوف الا مميزاتها اكثر وبختارها .. شكرا مره ثانية ..

وكل عام والامارات وشعبها بخير

اختي في جامعة عجمان بعد غير جامعة الخليج وااغلب اللي يدرسون طب اسنان فيها لان ماعندهم تعقيد وكذا
صحيح مستوى جامعة الشارقة افضل وارقى
بس في عندك حاجتين لازم تعديها اول شي اللغة وثاني شي الفاونديشن ولازم تجيبي درجة عالية وبعد ماتخلصي الفاونديشن في منافسة على اللي يجيب درجات اعلى وياخذوا عدد محدد يعني مو كل الدفعة تدخل
وبعدها لو لا سمح الله مادخلتي سنة اولى تقدرين تعيدين مواد عشان ترفعين معدلك او انك تغيري التخصص
اما جامعة عجمان ماعندهم فاونديشن يعني كل مدة الدراسة 5 سنوات بس
والسكن حق الشارقة ارقى بكثير من سكن عجمان
بس الحرية في الطلعات والروحات اذا معاك تصريح المواصلات العامة اكثر في عجمان
ونظام سكن عجمان انا سمعت انه زي الشقق وداخلها غرف اما الشارقة في انواع اذا حبيتي اوضح لك
المهم اذا انتي من النوع اللي يتعود بسرعة على الناس عادي تسكنين مع وحدة ماتعرفيها وتقدري تطلبي بحرينية مثلا او تقدري تطلبي وحدة ماتتكلم عربي اي شي بكيفك
بس لازم تحطي ببالك ان اذا في وحدة معك صح بتسليك بس يمكن شخصيتها ماتناسب شخصيتك
وممكن تتقيدي على وقت النوم والمذاكرة والنور مفتوح ولا مسكر والتلفزيون ووو
الا اذا الثنتين متفهمين واذا تعرفيها من اول افضل
واذا كنتوا مع بعض بس غرفتين منفصلين وهذا اللي الاغلب يفضله يكون مرة حلو لانك ماتكوني وحيدة وفي نفس الوقت لك حرية شخصية
بالنسبة للخليج مااعرف احد يدرس فيها بس اذا قدرت اعرف لك شي ان شاء الله ارد لك خبر
واي سؤال عن الشارقة او عجمان لا تترددي
بالتوفيق ان شاء الله

فديييييييييييتج انتي وينج عني من زمان ههه ..

اذا ماعليج امر ابي معلومات عن جامعة عجمان وابي بتفصيل يعني

طريقة الدراسة

سنوية جم ندفع ؟؟

اسعر الغرف يعني الخاصه او الي معاج احد ..

كل شي كل شي .. الله يخليج ابي معلومات قبل يوم الاحد ..حتى الشارجه بعد اذا تقدرين ..

انزين ايصير اخذ التوفل هناك ؟!!

واذا بسجل اكيد راح يقبلوني او اسجل في كذا جامعة مثلا اسجل في الخليج وعجمان والشارجه وانطر القبول ..

بليز ردي علي ,, انتظرج فديتووه ..

ومشكووووووووووووووووووووووووووووووووووره من اعماق صميم شراين قلبي