جامعة الشارقة ... ودراسة الطب البشري ... أتمنى الدخول للافادة

انا لما عبدالعزيز ما قبلوني رحت ابا اقدم للكليات الاهلية قالولي معدلك كويس بس نحنا عندنا اكتفاء فسايره مقفله من كل مكان وما عندي حل غير أني ادرس بره . معليش بس بدون امر عليكم اذا تعرفوا بنات سنه تحضيريه من عبدالعزيز وعادلولهم السنه بجامعة الشارقة خبروني . وكمان حابه أسألكم أنتو فين ساكنين ؟

يا اختي بدل ما تسألي هنا و أحد يعطيك اجابة موب متاكد منها
اتصلي على الجامعه يوم الاحد لانه الان ويك اند و اسأليهم عن كل الي تبين
ادخلي موقع الجامعه و خذي رقم مركز الاتصال و اتصلي و بيحولك على موظف
القبول و التسجيل و استفسري برآحتك
و الله يوفقنا وياك يا رب

و انا اعرف واحد درس تحضيري بجامعة عزوز و بعدين راح كلية الطب الي بجدة ابن سينا عادلو له المواد
يعني ما ادري بس اتوقع جامعة الشارقة يعادلون
(اتوقع) موب اكيد !!

اخت ملاك يعادلونلك المواد انشالله في وحده جايبه من جامعه عزيز وعادلولها.. بس يمكن تفرق من تخصص لتخصص البنت هندسه الحين
وبالنسبه للسكن مليان سعوديات اصلا هههه ولا تشيلي هم كلها كم يوم وبتتأقلمين بسرعه اصلا السكن احسن من ناحية انه يخليك تركزين على دراستك اكثر لان الطلعات وكذا محدوده شوي
بس عموما مش بطال

اممممممممم أنا درست بعزوز كيمياء واحياء وفيزياء ورياضيات وإحصاء وانقلش وحاسب ومهارات اتصال وان شاء الله يارب يعادلولي السنه دي ويسير اطلع تانية طب و يعطوني المواد اللي مادرستها هنا وأخذها ترم صيفي . طيب كيف الدراسة هناك ؟ كويسة ؟ كيف الدكاتره يساعدوا ؟ وكيف الوضع انو الدراسه اختلاط ؟

أنا خايفه من حكاية الاختلاط كيف الوضع تدرسوا انتوا والعيال بكلاس واحد وجالسين جمب بعض ولا مقسومين ولا كيف ؟

هينا ناخذ في التأسيسي كالتالي :: احياء 1 و2 مختبراتهم ..
كيمياء 1 و2 ومختبراتهم ..
فيزياء ومختبره ..
اكاديمك انجلش ..
وانجلش تيرمنولوجي ..

والله يااختي حكايه انه يعادلوا المواد ما اظن للأسف .. (( بس انتي لازم تسألي ))
لآنه طلوعك لسنه اولى طب يعتمد على معدلك في المواد دي .. هذا اولا ً
ثانيا :: ما يصير تاخدي هذه المواد ( التاسيسي ) وانتي سنه اولى طب لآنه نظام مختلف تماماً ..

× × ×

نظام الدراسة حلوو مش سهل بس لو شديت حيلك الوضع حيكون اوكي ان شاء الله ..
طبعا الدراسة في الطب ( بعد التأسيسي ) اكترها سيلف سندي ( يعني المزاكرة معتمدة عليكي 100% المحاضرات مجرد روؤس اقلام مش اكتر والباقي عليكي )
الدكاتره كويسين بس طبعا في كل مكان في كدا وفي كدا ..

× × ×
الاختلاط موجود في الجامعه كلها وفي الكلاسات مش مقسومين بس كل واحد عارف حدوده وانتي نفسك هتلاحظي لما تدخلي الكلاسات انه البنات جالسين بجهه والشباب بجهه .. لاتشيلي هم انتي بس اهتمي بدراستك (:

سلام عليكم ,, يعطيك العافيه اختي MiSs_Dr
حبيت اسألك عن القبول في الجامعه , صاحبي نسبته ٩١ وحاب يدرس بالجامعه , فهل في تنافس في القبول للسنه التحضيريه ( يعني احتمال ماينقبل )؟
ومن ناحية التسجيل بالموقع , من المتطلبات المطلوبه , الفحص الطبي ولازم اخذ ورقة الكشف من الجامعه , يعني صعبه اروح الامارات علشآن هالورقه ولآ ؟! يعني كافي اسجل بالنت ولآ اروح الجامعه اسجل افضل ؟
يعطيكِ العافيه : )

هلا اخي ~
مكتوب في الموقع انه اخر موعد للتقديم في الكليات الطبيه يوم 12 يوليو .. (( يعني المفروض التسجيل للكليات الطبيه يكون انتهى )) ..
بس بجاوبك على الاسئلة ..
القبول يبدأ من 90% فما فوق .. بس الجامعه تاخد الاعلى فالاعلى يعني تبدأ من 100% الين ما تاخد تقريبا 150 طالب طالبه .. (( يعني السنه الي فاتت اخدوا من 96% فما فوق على ما سمعت ))
بس بالعاده لو خليجين ياخذوهم ..
يما انه التسجيل قفل .. بس الافضل دائما انه تسجل عندهم مو عن طريق الموقع .. وبخصوص الفحص لطبي هم يعطوك نموذج وعادي ممكن تكمله بعد ما يطلع قبولك ..

بالتوفيق اخي ~