جامعة الشارقة ... ودراسة الطب البشري ... أتمنى الدخول للافادة

يعني انتهى التَسجيل للفصل الدِراسي الأول :[
طيب
هل التَسجيل في الجامعة الأمريكِية انتهى .؟

للأسف لا يوجد كليات طبيه في الجامعه الامريكية في الشارقه ..

طيب مُمكن أعرف الجامعات الموجودة في الإمارات
تقوم بِ تدريس الطب

في جامعات ؛ثيره في الإمارات تدرس طب بس الجامعه الوحيده المعترف فيها هي للأسف جامعة الشارقه
نظام الجامعه مستحيل تعادل مواد انا شخصيا درست سنه تحضيريه بجامعة الملك عبد العزيز وماتعادلت لي ولا ماده وقالي مدير التسجيل حتى لودارسه سنتين ما اعادل لك لازم تبدأي معنا من الصفر بس اذا سألتيهم يقولو احنا نعادل بس مافي مقاعد فاضيه..!!
الشي الثانيه السنه التحضيريه للطب وطب الأسنان سوا وبصراحه يقبلوا اعداد مالها داعي يعني عادي يقبلو 400 طالب وطالبه وهم رح يقبلو 100 لكل كليه فقط وطبعا أعلى النسب وكل سنه تزيد النسب عن السنه اللي قبلها
طريقة التنافس خي انك رح تدرسي احياء 1 و أحياء 2 لازم مجموعك في المادتين مايقل عن C+ عشان يطالعو في امرك بس هذا مايعني انك مقبوله..!
كمان الكيميستري 1+2 ونفس السستم
والفيزياء سمستر واحد ولازم درجتك ماتقل عن C+
Medical educationنفس السستم وهي ماده تعلمك كدكتوره كيف لازم تجري بحوث وكيف تكتبي الهيستوري للمريض وفيها بريزنتيشن وعمل كمجموعات طبعا واذا كنتي طب الله يعينك على الدكتوره لأنها تطلع الدرجات من انفك..!
ايضا اخر ماده هي ال terminology وهي عباره عن انجليزي كل المصطلحات الطبيه
الشيء السيء واللي انا شخصيا تعرضت له العام هو انه فقط مسموح لك تاخذي لسنه التحضيريه مرتين وكل سنه تصير انظمة الجامعه اسؤ جسديا ونفسيا
يعني لاتتوقعي ابدا المواد اللي اخذتيها في جامعه سعوديه تتماشى مع هذي المواد تختلف اختلاف كبير وكل سنه تتغير المناهج بعض الشيء
ثانيا معاكي رح يكون دوافير متخرجين من مدارس عالميه وبريطانيه وهالمناهج دارسينها بمدارسهم وعندهم مثل شربت الماي مش مثلنا لمادخلنا في قمة صدمتنا واحنا نشوف الكتب
الشي الثالث الجامعه الجميله تقبل افضل 100 طالب وعادي جدا يكونو اول 20 طالب كلهم جايبين معدلات كامله واقل طالب يكون جايب 3.98 من 4 يعني الفرق مجرد points
ناس كثير تجيب ال 2،5 و 3،5 وما انقبلت وراح تعبها مثلي تماماً..!!
الموضوع اسهل اذا كنتي طب اسنان لأنه معدلاتهم اقل من الطب واعدادهم اقبل فيقبلو ال 2،5 احياناً بل غالباً بس حتى ال 2،5 لاتستسهليها في الجامعه انتي وحظك
اخر شي انا ماقصدي اخوفك رح تشوفي ناس في سنين متقدمه بس ابي اقول انظمتهم كانت مختلفه في البدايه كانت السنه التحضيريه بس نجاح استمر النظام كم سنه على هذا الحال بعدين بالفعل كان بس 2،5 ويقبلو الجميع لكن كل سنه ترتفع نسبة القبول ويعانو الطلاب اكثر
بالتوفيق للجميع...

أمممم ردج يخوف ><
اني ودي حيل اطلع من الجامعه صراحه مش مرتاحه ابدا معنو مابعد ادخل التخصص
بس انتي مش اول واحده تقولي من هالكلام ..
سؤال لو بنسحب من الجامعه ان شاءالله هل يرجعو مبلغ التخصص ؟ للعلم اني مابعد ادخله ..

والله يوفق الجميع ياارب وتتسهل الامور

انا بصراحه بينت لك الموضوع من البدايه عشان تاخذي احتياطك مايصيبك اللي صابنا انحطينا تحت الأمر الواقع بسبب قلة المعلومات اللي كانت عندنا وبالذات الطب والدليل انه اخر وحده دخلت طب سعوديه من ثلاث سنوات وفي وحده السنه حولت من طب اسنان لطب بشري وهالشي مايسووه الجامعه ابصملك بالعشره يعني البنت واسطتها قويه ولافي درجات اعلى منها ماحولوهم لطب ولاقبلوهم طب اصلاً واضطروا يحولو طب اسنان
بالنسبه لفلوسك بصراحه مافهمت انتي يعني الحين لفل مثلا..؟
اذا لفل وتدرسي مارح يرجعو فلوسك اتوقع بس ماتوقع مداكي تدفعي للسنه الجايه وانتي مادخلتي ولاجبتي الدرجه..؟؟؟

زينبَ ^ اناَ قدمت اوراقي وطلع اسميَ من المتنافسين الـ 400 لكلية الطب , يعني صارو 100 طالب | طالبه,
وبعدين قالولي قدمي توفل قدمت ماجبت درجة تؤهلني لدخول الكليه ..
وطبعا قبل مادخل الجامعه سمحت شي عنها ورحت وانصدمت ×_× ..
ف بعد الاختبار التوفل قاعده ادرس لفل وصراحه استفادتي منها قليله جدا جدا يعني مش تبع تعليم لغه لناس داخله لفل تبغى تتعلم ..
وهما قالولي اذا اختبربتي توفل او ايلتس وجبتني الدرجه التي تأهلج للدخول الكليه اسمج موجود في كلية الطب بس ناقص درجة التوفل او الايلتس مشان ادخل السنه التحضريه ..


ودعواتج اختتتي والله الموفق ياارب ..

لا حبيبتي يقل عددهم قليل بس مايوصلو ل100 طالب وطالبه على هالحاله الكل مقبول انتو كلكم تتنافسو بالسنه التحضيريه بعدها يقل عددكم وتتقلصو ل 100 طالب وطالبه
ثاني شي اكيد انتي لفل 1 عشان كذا ماتستفيدي كثير انا كنت ليفل 3 بصراحه كانو يهلكونا الشي الوحيد اللي استفدت منه هو الرايتنق لأنه دكتورنا كان يجنن بس باقي المواد اللهم ياكافي تعذيب وشغل ومافي شي كان يخص الايلتس اللي جو بعدنا صارو يخلوهم يحددو اذا يبوا ايلتس او توفل ويركزوا لهم على شي معين
انتي اسمك اكيد موجود بالكليه هذا مافيه اختلاف بس اسمك موجود بالسنه التحضيريه ان عديتيها تروحي للي بعدها ماعديتيها لاسمح الله تعيدي سنه اوتحولي تخصص ثاني انتي وصبرك
بس انتي دفعتي حاليا بس لسنة اللغه مش للسنه التحضيريه..؟؟
اذا دفعتي لكورس ودرستيه طبعا مايرجعولك فلوسك بس اذا سحبتي اتوقع يرجعوها والله يوفقك يارب

^ اهاا , انا طلعلي لفل 2 ولاكن حاولت معاهم لما حطوني لفل1 لاني ابغي ابتدي من البدايه بس لو ادري جذي الدراسه جان ماغيرت ..
والي يدرسونا بالفل كلهم جدد بالجامعه ..

اممممم عزيزتي ادري ازعجتج بس انا قصدي بابا لما جاء سجلني دفع للمقعد تبع الطب طيب ولما قبلوني خلاص دفع تبع التخصص وبعدين تبع الفل
بس انا ادرس لفل مابعد ادخل التخصص بتاتا يعني اعتقد يرجعوهم انشاءالله ..

الله يوفق الجميع ^_^