استفسار الدراسة بالبحرين....؟

بالنسبة لبرنامج خادم الحرمين الشريفين فما تقدر تبتعث عن طريق البرنامج للبحرين
إلا لجامعة الخليج العربي "التخصصات الطبية فقط" وبواسطة

أما بالنسبة للالحاق بالبعثة فكثير شباب يدرسون بعدين يلتحقون ويتم إلحاقهم .. وشباب الملحقية مرة متعاونين وبيض الله وجيههم والملحق طيب جدا وخدوم وما بيقصر بمساعدتك.

انا خريج البحرين .. وبالنسبة للدراسة الاكاديمية بالبحرين فهي على مستوى عالي جداً (في بعض الجامعات) وفي بعضها جدا سيء (الجامعات الخاصة) والجامعات هذي غير معتمده من وزارة التعليم العالي في السعودية وحتى في البحرين صار عليها مشاكل كثيرة بسبب سوء مخرجاتها.

عندك جامعتين جيدتين في البحرين ومعتمدتين (جامعة البحرين) و (جامعة الخليج العربي) إذا كنت ناوي تدرس بالبحرين فانصحك بجامعة البحرين لانها جامعة جدا محترمه خصوصا في التخصصات الإدارية.

إذا احتجت أي مساعدة انا حاضر لمساعدتك.

/

Marketing Prof

لو سمحت أخوي بغيت أستفسر منك

أنا خريج دبلوم من كلية المجتمع بالرياض تابعة لجامعة الملك سعود وتخصصي إدارة الموارد البشرية

لو أبي أكمل بالبحرين كيف الطريقة وهل أقدر وأنا على رأس العمل أو لازم أكون متفرغ عشان أنضم رسمي على حساب الدولة

وحسب خبرتك تنصحني أكمل بالبحرين ولا أروح دوله ثانيه لأني حاب أكمل بكالوريوس في إدارة الموارد البشرية أو أدارة الأعمال

والله يجزاك خير ويرحم والديك كثرنا عليك بالأسئلة

أخوك يوسف


/

ايوه لازم يكون عندك جواز

لان مطلوب في فورمة التسجيل للبعثات

البطاقة ما اتوقع ينفع

حاول تسوويلك قبل الاعلان عن البعثات

والجامعات المعترفة في البحرين 4

1- جامعة البحرين .. لازم بالبعثات .. او احد الابوين بحريني عشان تدرس ع الحساب الخاص

2- جامعة الخليج العربي .. لازم بالبعثات .. مافي على الحساب الخاص

3- كلية البحرين الصحية .. جامعة حكومية لازم بالبعثات

4- الجامعة الملكية للبنات .. للبنات ماتقدر تدرس فيها

موفق ان شاء الله

يوسف

جامعة البحرين افضل جامعة .. ومافي غيرها .. ولكن الدراسه تكون بانتظام

والدراسه تطلب جهد كبير .. لان شووي صعبه

موفق ان شاء الله

/

اختي بنوته

الله يعطيك العافيه يارب وماقصرتي ما شاء الله عليك بكل موضوع يخص بالبحرين أشوفك متفاعله فيه

نبي نتعبك معنا شوي

تنصحينا ندرس بالبحرين أو نروح مثلا بريطانيا أو أمريكا او اي دوله خارج يعني الدول العربية

طبعا الأنجليزي أكيد بيكون فيه فرق من ناحية اذا درست بدولة غير عربيه ما أتوقع بيكون نفس لو درست بالبحرين

هل تأيدين البحرين بحكم خبرتك وتجربتك انا كل اللي أبيه أخلص البكالوريوس وأحسن لغتي أكثر لأني أفكر أترك العمل وأسافر أخلص دراستي لأني أبي أحسن من وضعي الوظيفي والتعليمي

الله يجزاكِ الخير يارب

أخوك يوسف


/

استفسار:
أي ملحق تقصدون ؟ ممكن تعطوني اسمه

سؤال آخر/ من درس سنة اولى طب باوروبا ويبي ينقل للبحرين يقدر اذا قدم ظروف قوية وكيف هالشي يصير ؟

*** أتذكر في السابق الملحق ماوصلت اليه الا تلفونيا بس يعني حتى دخول للسفارة صعب

يوسف اقولك اياها بصريح العباره

((جامعة البحرين معترفة عالميا لان نظامها ودراستها صعبه وتتطلب جهد .. وعلى سالفه الانجليزي انت تقدر تحسن من لغتك مو شرط خارج الدول العربيه .. من وجهة نظري))

نظام الجامعة .. إنك لما تدرس جزء من الكتاب وتختبر فيه المنتصف .. هالجزء راح تختبرها بعد نهايه الكورس

وهالشيء صعب مو كل الجامعات تعتمد على الكتاب كله في نهايه كل كورس .. بس في جامعات اجنبيه نفس نظام جامعة البحرين

بالتوفيق ان شاء الله

نقصد الملحقية الثقافية السعودية في البحرين

/

بنوته أختي الله يعطيك العافيه يارب

طيب بالنسبة لوضعي يعني ما أقدر أجيب قبول

بالبعثات صعب لأني خريج قديم والنسبة ضعيفه وبالنسبة للأبوين واحد بحريني ماتجي برضو

فا كيف الطريقة لو سمحتي واسطه ممكن تمشي وأجيب قبول

شكرا مليون لك


/