اي مساعدة للدراسة في الاردن باذن الله ستجدها هنا

السلام عليكم ورحمة الله وبركاته
كيف حالك اخي العزيز
اشكرك على جهود اللي تقوم فيها لاخوانك الطلبة

بستفسر منك ياطويل العمر بخصوص الجامعة الهاشمية اللي في الزرقاء شرايك فيها
ولقيت في موقعم الاكتروني نوعين من البكالريوس البرنامج العادي والبرنامج الدولي ، هل يحق لي اختيار احدهم ام بما اني غير اردني اختار الدولي مباشرة
وكيف السكن في الزرقاء سمعت انه صعب تحصل سكن في الزرقاء وقريب من الجامعة خصوصا الجامعة في منطقة صحراوية حسب ماقرات
وهل السكن بعمان ينصح به خصوصا اذا ما املك سياره ؟
وكم ايجار السكن سنويا في الزرقاء اذا كان متوفر ، او في عمان (غرفة وصالة) او حتى استديو

شكرا لك اخوي

السلام عليكم ورحمه الله وبركاته
عندي استفسار فظلا لا امراً
زوجتي حصلت على درجه الماجستير في الدراسات الاسلاميه تخصص تفسير وعلوم القران وترغب الحصول على الدكتوراه في الاردن هل با الامكان دراسه الدكتوراه وباي جامعه شاكر ومقدر تجاوبكم سلفا

عندي استفسار ..

الحين لو اني دراسه تمريض ... اقدر اكمل طب في الأردن؟؟ واسم الجامعه..

الله يخليكم ردو عليي

السلام عليكم موضوع جدا رائع واتمنى القى الخبر عندك اخوي

انا شهادتي دبلوم أشعة وعلى رأس العمل وراح ابتعث عن طريق عملي لاكمال البكالوريوس اتمنى انك تفيدني
وش الجامعات الي تعادل شهادتي وماهي شروط القبول

السلام عليكم اخوي انا طالب متخرج من سنة وناوي ادرس هندسة كهرباء في جامعة العلوم والتكنولوجيا بالاردن .....
فياريت ياريت اذا عندك خبر تردلي عن موعد التسجيل للترم القادم .... واعتقد انه الترم الاول..
في انتظار ردك !!!!

السلام عليكم ورحمة الله وبركاته

اخي العزيز اشكر لك جهودك على ماتبذله الاجابه عن استفسارتنا

اخوي انا طالب سعودي عندي دبلوم قسم الاشعه ومخلص الامتياز باقي بس اختبار التصنيف ودي اخره الى مابعد البكلريوس ودي اكمل بجامعه العلوم والتكلنوجيا بس كيف بيحسبون لي ساعات وكم بتصير مدة الدراسه وعلما اني الانجليزي عندي ميح ومادري هل اذ دخلت الجامعه التي سبق ذكرها بصير لي تقويه في الغة الانجليزيه اوفيه معهد في اربد التعلم الغه الانجليزيه واذ فيه بكم اسعارها وغير كيذا انت تقول في بدايت موضوعك فيه اختبار يحدد المستوى وعلى نتيجته بحددون لك القسم انا جاي وابي اكمل بكلريوس اشعه واذ عندك اي معلومات تخص قسم الاشعه لحملة الدبلوم بليز عطنيها وشكرا لك

ابي اسال عن جامعة الاسراء هل هي معترفة في السعودية بتخصص الهندسة؟

ايش التخصصات المتوفره بجامعة الحسين !!

السلآم عليكم ..
عندي استفسار لو سمحتوا انا من خريجات 1430هـ قسم تربيه فنيه ( فنون) تقدير جيد وابغى اكمل ماجستير بالاردن فهل يوجد بالجامعات هذا التخصص وشو افضل جامعه للعلم جميع الشروط متوفره ولله الحمد
وشكرآآ ..

موجود التخصص هذا بالجامعه الاردنيه وهي احسن جامعه بالنسبه للتخصصات الادبيه