لجميع الاستفسارات عن الجامعات أو الدراسة بدولة الامارات العربية المتحدة

قدمت طلب الحاق مرتين .. وفي المرتين جاني الرفض بحجة ان تخصصي في الماجستير معتمد به للدراسه على الحساب الخاص لكن ليس معترف فيه للالحاق بالبعثه ؟؟

مادري يعني كل اللي انضموا للبعثات كانت تخصصاتهم من اللي حاطتها الوزاره للالحاق بالبعثات ؟؟

هل اغير تخصصي مع اني حابته جدا جدا او وشو

المشكله يوم كلمت المشرفه قالت بامكاني مثلاا اغير لتخصص ماستر سياحة لكن بعد مايتم الحاقي مستحيل احول مره ثانيه للقسم اللي ابيه واللي هو ماستر علاقات عامة ؟؟

جدا محتاره

و عليكم السلام و رحمة الله و بركاته

اخي الكريم لا يوجد للاسف ماجستير لتقويم الاسنان في دولة الامارات العربية المتحدة

بالتوفيق ان شاء الله

وعليكم السلام و رحمة الله وبركاته

الامريكية : ممتازة - غالية - دراستها هي الاصعب بالامارات
الشارقة : ممتازة ايضا - فيها سعوديين كثير - دراستها متوسطة
زايد : جديدة - تدريسها جدا متطور - لا تختلف عن الشارقة دراسيا

الايلتس يحتاجون بين 5 و 5.5 للبكالوريوس

تحويل البعثة من بريطانيا ـ امريكا ـ استراليا و هالدول الى دولة عربية صعب لكن مو مستحيل اذا 1- عندك ظرف يمنع دراستك 2- عندك ( و ).

اذا عندك استفسار او سؤال .. انا جاهز للرد حتى 1000 سؤال ( خذ راحتك )

بالتوفيق ان شاء الله

الحل : ادخلي على الملحق شخصيا و اشرحي له حالتك بالتفصيل ، وصدقيني بتلاقي الحل المناسب , الملحق كان يعمل بادارة البعثات في الوزارة وعارف انظمتها و اجراءاتها بشكل مفصل و حيرشدك للخطوات الصحيحة.

بعض المشرفات بالملحقية ( بسبب عدم المامهم الكامل بأنظمة وقوانين الابتعاث ) يغيب عن ذهنهم بعض الحلول البسيطة .

ان شاء الله تلتحقي بالبعثة هذا الفصل الدراسي وخلي املك بالله دائما كبير ..

بالتوفيق ان شاء الله

يعطيك الف الف عافيه ولله وانا اخوك انت الي مثلك قليلين، الي يجلس يرد على اسئله كذا يجلس فتره ويزهق لكن ماشاء الله عليك، بالنسبه للبعثه والنقل هذا اخر همي يمين يسار وان شاء الله تظبط، بس الدراسه لو انت مخير بين زايد والشارقه وين بتروح ؟ ومن هي الأكثر سهوله بينهم ؟ وايش في اشياء لازم اعرفها عن الدراسه بالخليج او بالامارات بشكل صريح ؟ ولو نبذه عن الدراسه الجامعيه هناك كيف هل اول سنتين مثل هنا تكون مواد عامه مثل التاريخ والموسيقى والرياضيات وكذا ولا نظام اخر ؟ يعطيك الف عافيه

شكلي ما وراي الا ذا الحل .. الله يعينني بس

شكرا اخ ناصر

الله يعافيك .. ما سويت الا الواجب

نرجع للمهم

المسآلة شخصية بالاختيار وكل شخص يختلف اختياره باختلاف ظروفة الدراسية والمادية ..

بما انك دارس بامريكا فالوضع بالجامعات العربية بيكون سهل عليك ..

انصحك بجامعة الشارقة (ليس انتقاصا من زايد) لكن ليست صعبة وموقعها قريب .. والايجارات بالشارقة ارخص من دبي ..

الدراسة بالامارات كلمة رائعة كلمة لا توفي الحق فيها .. البلد جدا رائعة و حلوة .. و آمنه لله الحمد.

طبعا هذا رائيي من زمان ولكن بعد مارحت بريطانيا زادت قناعتي اكثر و اكثر بالامارات والدراسة فيها بأنها ررررائعة.

الدراسة الجامعية سهل تتعود عليها

التقويم الاكاديمي ثابت وهذا الفرق عن السعودية .. ماعندهم اجازات مفاجئة

المواد تنزل على الاون لاين .. على موقع الجامهة

المواد وتفصيلها .. ااكيد موجود بموقع الجامعة وادخل وشوف

شو بدك اكثر انا بخدمتك ..

السلام عليكم ورحمة الله وبركاته
حابه اسأل كيف أقدر أحصل على بعثة لدراسة الماجستير بجامعة الشارقه
و كيف الطريقه اذا بدرس على حسابي الخاص أنا متخرجه من قسم اللغة الانجليزية من 6 سنوات بتقدير جيد أقدر أكمل الماجستير بجامعة الشارقه وايش الأنسب ماجستير بنفس التخصص و لا عادي غير التخصص كـ تخصص ادارة أعمال تنفيذي أو موارد بشرية

أفيدوني جزاكم الله خير

المصدر: http://www.mbt3th.us/vb/forum9/threa...#ixzz2FR8bQU7e

صحيح المسأله شخصيه لكن من الناحيه الماديه البعثه موجوده ان شاء الله لكن الظروف الدراسيه هذي مافهمتها لكن الواحد لازم يكون صريح ولاينقص من نفسه انا ليس بذاك الطالب المجتهد مره لكن الحمدلله الدراسه دراسه واموري تمام..

يعني جامعة الشارقه اسهل من جامعة زايد، لكن لو عدنك فكره عن قسم الـ business في كلا الجامعتين هنا المقارنه تكون يليت لو تفيدني فيها لاهنت، من ناحيه السكن لا الحمدلله انا اموري تمام مني مأجر الوالد عنده بيت هناك وفاظي مايجيه ابد في دبي يعني حتى لو انا رحت الشارقه بكون ساكن في دبي..

في سؤال يخطر في بالي ودي اعرف كيف نظام الدراسه هناك لأني اصلا ماجربت دراسه الجامعه في الخليج تخرجت وجيت هنا على طول، هل الدراسه هناك مثل هنا يعني Essays و كتابه بالإنجليزي وكل شي بالإنجليزي ولا كيف ؟

ومره اخرى يعطيك الف عافيه اخوي

وعليكم السلام ....

بما انك نفس قسمي ومريت بنفس الحيره اللي مريتي فيها بقولك رايي
اولا جامعة الشارقه مو كل التخصصات فيها معترف بها من قبل الوزاره مثل .. قسم الترجمة مثلا غير معترف به من الوزاره
بالنسبه هل تكملين بنفس التخصص او لا .. اذا انتي حابه ان مستقبلك المهني يكون مرتبط بالانقلش وهذا طبعا له طريق واحد وهو التدريس فكملي ماستر بنفس مسار تخصصك
لكن اذا حابه ان تجربين تغيير جذري ومن وجهة نظري هو الافضل فقدمي على مسار مختلف عن مسارك ... الانقلش كتخصص حلو وممتع لكن اذا جيتي لارض الواقع فهو يعتبر لغه فقط مو مهاره قويه تضاف الى السيره الذاتيه
لان لو راح تقدمين على اي وظيفة اغلبها يشترطون ان لغتك الانجليزية تكون بيرفكت بجانب شهاده قويه في البيزنيس مثلا وغيرها

فاذا انتي حابه تخوضين هذه التجربه .. فانا اشجعك عليها