لجميع الاستفسارات عن الجامعات أو الدراسة بدولة الامارات العربية المتحدة

السلام عليكم ورحمة الله وبركاته

عندي كم استفسار عن جامعة الشارقه ابي اكمل فيها انا شهادة ثانوية وما بعد كملت جامعة ومن دولة قطر
كيف اقدر التحق بالجامعه وشنو الشروط المطلوبة
نظام الجامعة مختلط او البنات لحالهمم
هل يجب حضوري الكورس كامل والا بس وقت الاختبارات
هل يكون فيه امتحان قبول او ماشابه ذلك
شنو النسبة المطلوبه لتخصص ادارة اعمال او نظم معلومات سواء دبلوم او بكالوريوس
كم تكون الدراسة من الناحيه المادية لكل كورس

اتمنى منكم الافادة وفي اقرب وقت .. اسمحوا لي على الاطاله
لكم جزيل الشكر

السلام عليكم
عندي كم استفسار انا طالبة سنة تحضيرية بالسعودية وابي انقل لجامعة الشارقة
بس أٌقدر أدرس على حساب الدوله ولا توقف النظام هذا ؟
وهل المرافق الي معي يكون معه راتب من الدوله ؟

أتمنى منكم الرد وشكرا.

و عليكم السلام و رحمة الله تعالى و بركاته ..
موفق ان شاء الله في دراستك ..

مكافأة الطالب + مرافق = 6785 درهم اماراتي .. و الاطفال ماعندي علم ,,
بالنسبة للايجار .. غالبا نظام التأجير بالامارات سنوي .. يعني تدفع كل 3 اشهر او 6 اشهر ..

الايجارات تختلف تتراوح حالياً بين 22.000 الف درهم اماراتي الى 36.000 الف درهم اماراتي بالسنة ( تقريباً )
المصاريف تعتمد عليك شخصيا و معدل صرفك و لكن بكل الاحوال المكافأة لا تكفي لعائلة بوضعك ..

و بالتوفيق ان شاء الله

بصراحة ما عندي اي معلومة بخصوص هالامر .. ممكن تتواصلين مع الملحقية الثقافية السعودية بدبي و هم بيخدموك بهالأمر ..

هذا رقم التليفون الثابت 0097142697444 و دوامهم من الأحد الى الخميس .. من الساعة 8.30 صباحا الى الساعة 2.30 ظهرا بتوقيت الامارات ( قبل السعودية بساعة )

و بالتوفيق ان شاء الله

و عليكم السلام و رحمة الله و بركاته ..

تقدري تدخلي موقع جامعة الشارقة و تلاقي فيه الشروط و الرسوم و التخصصات و كل التفاصيل التي تخص موضوع الالتحاق بالدراسة ..

هذا الرابط جداً مفيد ..

القبول والتسجيل

و اي استفسار آخر انا بالخدمة

و بالتوفيق ان شاء الله ..

و عليكم السلام و رحمة الله و بركاته
بإمكانك التقديم لجامعة الشارقة بشهادة الثانوية العامة طالما مدة تخرجك في غضون الثلاث سنوات الماضية
و أيضا الحصول على بعثة دراسية بعد تجاوز 30 ساعة دراسية و معدل 2.5 من 4 و بتخصص موصى و معترف به .

راتب الطالبة + مرافقها = 6785 درهم اماراتي ما يعادل تقريبا 6900 ريال سعودي.

و أي استفسار أنا جاهز للمساعدة و الرد .. بالتوفيق ان شاء الله

السلام عليكم
بخصوص جامعة الامارات بالعين ..
انا بروح ادرس هناك ان شاء الله ((بحسابي الخاص)) ..
بس هل طالبين نسب معينة لكل تخصص ؟؟
وايش شروط الجامعة ؟؟.
وهل مسموح بالدراسة في هذه الجامعة غير الاماراتين لانه أنا سعودية ونسبة الثانوي. 82

السلام عليكم ورحمة الله وبركاته..
بس حابة أسألكم شنو أحسن جامعة لدراسة الطب؟؟

السلام عليكم يعطيكم العافية على الموضوع المميز عندي استفسر بسيط بخصوص الجامعة انا نسبتي ٩٩ وعندي ايلتس ٥ في كل المهارات وشهادتي مالت العام الماضي يعني ٢٠١٢ هل في امل انهم يقبلوني او صعب لاني قريت يقبلون خريجي السنة فقط ومابي اضيع وقت لان عندي بعثة الى امريكا لتخصص طب طوارئ ومابي اكون بعيد عن اهلي ابي اخذ رايكم يلي تدرسون في الشارقة هل الدراسة حلوه وسلسه او اتيسر امريكا على البعثة وانا لي المقدرة ان ادفع رسوم دراستي لين مايضمونيي وانا سمعت اذا ماقبلوني اقدر اروح لشيخ الدكتور القاسمي ..وشكرا

و عليكم السلام و رحمة الله و بركاته

جامعة الامارات في العين جامعة حكومية ..

شروط قبولها لخريجي الثانوية .. نفس الشروط المعروفة لكل جامعة

صور من شهاداتك و جواز السفر وو .. بدون تحصيلي او قدرات ..

مسموح لغير الاماراتيين بنسب محددة - حسب علمي -

و بالتوفيق ان شاء الله