استفسار وضع طلاب كلية الطب في مصر ..

اخوي الله يوفقك
ومبروك على البعثة
بالنسبة لكلامك حلو

انا مدري انت الحين في السعودية ولا في مصر
لانو الدراسة لها اكثر من شهر بادية
فانت الان المفروض انك على الطول تتوجه الة القاهرة
وتخلص اوراقك وتداوم الكلية ومعليش راحت عليك دروس لكن تقدر تلحق على كل شيء
لكن انك تقعد في السعودية والملحقية ترد عليك هذا طال عمرك تنساه انا ما اقصد شيء
لكن ياخوك خ=حنا مرينا بهالظروف وتبهذلنا الين ما طلعت اسامينا كنا نداوم الكلية بورقة من الملحية
دخلنا الاختبارات القصير الشهرية بدون اسماء
المهم انت رح القاهرة ورح الملحيقية واكيد ملفك وصل للكلية وتفتح حساب وتشوف لك سكن
وتقول يا كريم ..............الميدان يا حميدان
الله يوفقك والف مبروك على البعثة وربي يرعاك ويوفقك وييسر امرك وتحقق طموحك وترجع لبلدك سالم غانم
والسلام

^^^^^

طيب وأنا أخوك ماجاني موافقة إدارة الوافدين إلا أمس ..

أشلون كنت تبيني أداوم ..

طبعا أنا بالسعودية ..


هل يمديني ألحق على الترم الأول ولا أبدا من الترم الثاني ..


ولا النظام سنوي موب أترامـ ..

اخوي مو انت بس
كلنا جئنا من السعودية قبل لا تطلع اسامينا
وبدينا الدراسة لانو صعب انك تنتظر القبول
حنا يوم قدمنا على مصر جئنا في رمضان يعني من بداية الدراسة وكنا نداوم الكلية عادي
على العموم
انت الان تعال لانو النظام سنوي يعني السنة كلها مع بعض والاختبارات مرة وحدة في نهاية السنة طبعا في اختبارات قصيرة
لكن درجاتها قليلة
على العموم انت الحين ما طافك كثير يعني تقدر تلحق عليها
اهم شيء انك تنزل مصر وتبدا الدراسة
وانا ارح اقولك نصيحة مجرب
اول شهر او اول ترم راح تنصدم وراح تواجه عقوبات وكتب كثيرة وبلاوي
لكن ياخوك اصبر تراها فترة وتعدي وكل اللي سبقوك مروا بها
يعني مثلا تاخذ دروس خصوصية على المواد اللي راحت عليك
وانشاء الله تمشي امورك
الله يوفقك اخوي وييسر امرك ودعواتك لنا