الله يخليكم ساعدوني

ماودكم تساعدوني يعني اخترت الموقع الغلط ماأعتقد مأخترت الا الموقع الصح

هههههه
لا بنساعدك ان شاءالله .. وموضوعك اثير يصير مع اي شخص يبغى يبتعث
ومعروف قلب الام ! ومشاعر طبيعيه تجاه فراق احد ابنائها وبناتها !
الله يخليها لك وانا انصحك بالتالي !

لا تناقشي الموضوع معها ! وخلي الامور تمشي وقدمي اوراقك ولا تفكروا فيما بعد الابتعاث
هالشئ مع الوقت تحصليها راح تقتنع وترضخ للامر الواقع ..

غير كذا كلميها انك تربيتها وقد ثقتها برآ .. وان بهالعصر هذا مافيه شئ اسمه غرب وبعد
الحمدلله الانترنت ماخلا فيه شئ اسمه بعيد .. ويوميا انا معك والاجازات كثير والخ
ومن هيك سوالف !

وزي ماقلت لك اقناعها مسالة وقتيه فقط !

وباذن الله تقتنع وتتسهل امورك

السلام عليكم ورحمة الله وبركاته
شكرا لك اخي على النصائح والحلول وان شاء الله تفيد معها بس دعواتكم

الله يزيدك علما ونورا
وشكرا مره ثانيه.......................



الله اكبر الله اكبر الله اكبر لا اله الا الله ....الله اكبر الله اكبر الله اكبر ولله الحمد الله اكبر كبيرا والحمد لله كثيرا وسبحان الله بكرة واصيلا

الله يخلي لك امك ويطول عمرها في طاعته ...........هذا اولا
ثانيا اختي الكريمة على حسب ما فهمت من كلامك انت لسة ثاني ثنوي يعني بامكانك انك تجيبي انشاء الله مغدل كويس وتدخلي اي كلية تبينها في المملكة
خذي مني نصيحة اعتبريني مثل اخوك...............اقول لا تفكري بالبعثة والله جلستك عند امك تسوى الدنيا كلها
والغربة ماعيب سهلة ابد مو عشان انت بنت لا والله لان انا ولد وغيري كثير يتمنون بس قبول في المملكة بس عشان يدرس عند اهله
البعثة انا مانب ضدها لكن اختي الكريمة انت اذا جاك قبول في الملك سعود ولا اي جامعة ثانية في المملكة والله حرام تضيعيها منك
الغربة صعبة وبهذلة
انا لي ثلاث سنوات في مصر مع انها دولة عربية بس كل سنة واحد من الشباب يحول الى جامعة داخل المملكة
والله اني اعرف اللي ترك البعثة وراحت عليه وراح لجامعة خاصة في الرياض يدفع 50 الف على حسابه
ورجعوه ترم كامل مع ذلك فضلها على الغربة وعلى مصر وغيره كثير اللي حولو الى جامعات خاصة في الرياض وجدة



بعدين انت بنت واكيد يبي لك محرم
كلنا كنا نتمنى نطلع برا ونقول والله الدراسة افضل وهنا مافي تعليم ............لكن يوم تطلع برا وتوفي هالعالم بس ساعتها تقولين يازين السعودية يا زين ديرة ابومتعب اي وربي .................وخاصة من هالملحقيات اللي مليانة نفاق وواسطات
وكذب وكل واحد يمشي اللي يعرفه واللي عنده واسطة بس اما اللي ما عنده واسطة ياكل ...................
بعدين تذكري حديث الرسول صلى الله عليه وسلم (من ترك شيئا لله عوضه الله خيرا منه) يمكن اذا انت جلست عند امك ودرست داخل المملكة ما تدرين يمكن ان الله ييسر لك التخصص اللي تبينه ويسهل لك امورك
لان الواحد ما يدري وين الخيرة له
واللي اهم من هذا كله هي صلاة الاستخارة صلي ركعتين واسالي الله ان يهديك الى ماهو خير لك دنا واخرة

الله يوفقك اختي وانا اسف اني طولت عليك بس حبيت اوضح الفكرة لان لي خوات اخاف عليهن واعتبر كل بنات بلدي مثل خواتي

لكن اتمنى تكون وصلت الفكرة
وربي يحفظك ويرعاك ويحفظ لك امك والله يعينك على برها وطاعتها ونشوفك دكتورة 0(أد الدنيا)0على قولة الاخوة المصارية
موفقة انشاء الله

السلام عليكم ورحمةالله وبركاته
الله يوفقك اخوي وشكرا على نصائحك لي وانا معتبرتكم اخواني والا لما نزلت اصلا موضوعي هذا ومااطلت ولا شي وان دل هذا فأنما يدل على اخلاقك العاليه وحب الخير للناس
وعملت بما وصاك به الرسول حب للناس ماتحبه لنفسك وانا والله لقلة خبرتي بها المجالات وبالجامعات فعندي استفسارات بسيطه
اول شي ايش افضل جامعه يمكن ادخلها ؟؟؟؟
وكم النسبه الي ادخل فيها الطب<<بما انك طبيب >>لاني اسأل كثير واجاباتهم مختلفه فما أدري؟؟
وكم سنوات الدراسه برا طب ؟؟وبالسعوديه اظن 7 صح!!!!
وهل تطالب جامعة الطب بدرجات في اختباري القدرات والتحصيلي

واشكرك مره ثانيه وجزاك الله خير والله يوفقك والله كنت شايله هم بصراحه ولكنه الحمدلله انزاح وبصراحه الله ييسرها لاني والله والله مابغى الابتعاث الا لسبب مهم مرررره وهو الدعوه للاسلام وانا مأعتبرك الا اخويه الكبير الله يخليلك خواتك ويحفظهم .....

............وزادكم الله علما ونورا ........

اللهم ارحمنا وارحم والديناوارحم جميع المسلمين احياء واموات واغفر لنا ولجميع المسلمين الاحياء والاموات
لاتنسوا الدعاء لاخواننا الميتين فهم بحاجه لنا

اللهم امين ويجفظ جميع المسلمين

اختي الكريمة بالنسبة لاسئلتك
اولا كم نسبة دخولك للطب.........
بالنسبة لجامعة الملك سعود مافي نسبة محددة للطب لكن ضروري تكون نسبتك حوالي 96 او 97 ويكون التحصيلي عالي فوق 80 والقدرات نفس الشيء
لكن مثل ما قلت لك مافي نسبة محدة لانو في نظام جديد اللي هو ان
كل الطلاب اللي يبون تخصصات تتعلق بالطب
كلهم يدررسون اول سنة مع بعض اللي يسمونها السنة التحضيرية
يعني اذا انت تبين طب بشري ولا اسنان ولا صيدلة ولا علوم صحية(اللي هي اشعة مختبرات علاج طبيعي ....)اذا كانت رغبتك احدى التخصات هذي مثل ما قلت لك تدخلين السنة التحضيرية بعدما تنتهي هالسنة راح ياخذون الطلاب على حسب المعدل يعني اللي جايبين اعلى المعدلات راح يدخلون طب بشري واللي بعدهم اسنان واللي بعدهم صيدلة وهكذا
معدلك اللي يحدد تخصصك ............معدلك خلال السنة التحضيرية مع العلم ان مواد هذه السنة هي فيزياء وكيمياء واحياء وانجليزي بس رياضيات والله ما نب متاكد ..............راح اتاكد انشاء الله وارد لك خبر
هذا هو النظام المطبق في جامعو الملك سعود وجامعة الملك عبدالعزيز في جدة وجامعة القصيم
واذكر جامعة الملك فيصل في الشرقية كان عندهم التسجيل مباشرة يعني مافي سنة تحضيرة
بس نسبة القبول عندهم صعبة شوية لانهم يطلبون نسب عالية في الثانوية وفي التحصيلي والقدرات

اما عن افضل جامعة ما اقدر احدد لان تقريبا نظام التدريس في المملكة واحد لكن اعتقد احسن جامعة واشهر جامعة هي الملك سعود وتجي بعدها الملك عبد الزيز في جدة وعندك الملك فيصل في الدمام

اما سنوات الدراسة هي اغلب الدول 7 سنوات...........6 سنوات دراسة وسنة الامتياز ........زلكن عندنا في السعودية صارات اغلب الجامعات تحط سنة تحضيرية فصارات 8 سنوات...........لكن ابد لا تفكري بطول الوقت ما رح تحسين فيه الايام تمر بسرعة خاصة اذا انت حابة هالمجال.........
وسنوات الدراسة في الدول الغربية طويلة شوية .................خاصة في امريكا وفرنسا واعتقد كمان كندا لان معي شباب راجعين من فرنسا
طبعا اول شيء تاخذ لغة بعدها تبدا دراسة مواد الثانوية حوالي 3 او 4 سنوات بعدين بيسوون منافسة بين الطلبة وتكون عدد المقاعد محدودة والطبة كلهم يتنافسون على هالمقاعد
فانا ما انصحك بالدول الغربية
اما عن الدول العربية مثل مصر والاردن وسوريا والسودان واليمن اغلبها 7 سنوات ومافيها سنة تحضيرية
بالنسبة لمصر على الطول تدخلين الطب................لكن منهجهم صعب ومتعب نوعا ما

سؤالك الاخير.............اكيد لازم التحصيلي صار اهم من الثانوية العامة عند بعض الجامعات زي جامعة الملك فهد للبترول
بعدين اي تخصص علمي يشترطون فيه التحصيلي والقدرات ...............لكن الادبي بس قدرات
اذا الحين ثاني ثانوي ممكن تدخلين اخبار القياس في الدور الاول والثاني وكمان سنة ثالثة ادخلي الدورين
عشان هم يختارون اعلى نسبة يعني بامكانك الان تدخلين اختبار القياس واذا صرت ثالثة كمان ادخلي
لكن التحصيلي مسموح به ثالثة بس ....................والله هذا على ايامنا لي متخرج ثلاث سنوات بس مدري اذا غيروا النظام ...................
وعشان تتاكدي اكثر روحي لمرشدة الطالبات( مدري بس حنا نقول المرشد الطلابي مدري اذا انتو عندكم غير )المهم روحي لها واستفسري ......................

وبالنسبة للدعوة الله يجزاك خير ويبارك فيك ...................واكيد كلنا دعاة الى الله لان هذه هي وظيفة الانبياء اللي من اجلها الله ارسل الرسل وانزل الكتب
لكن اختي الكريمة ممكن تدعين الى الله وانت في بلدك وبين اهلك بل ممكن تكوني داعية في مدرستك في بيتكم
والدعوة في كل مكان

ربي يوفقك واهنيك على حرصك وعلى اهتمامك وهذا ان دل على شيء انما يدل على حرصك
وتاكدي كلما اخصلت النية لله عز وجل وكان عملك لله عز وجل ربي بيوفقك وييسر لك كل امورك

معليش على الاطالة ربي يحفظك ويبارك فيك اختي الكريمة والشرفة لي انا انك اعتبرتيني مثل اخوج
في امام الله ...........................

Al-atheer

وعليكم السلام ورحمة الله وبركاته

اخونا الطبيب السعودي ماشاء الله عليه كفى ووفا

لكن من اهم النصائح التفكير في الشيء الحالي اللي هو انك تخلصين من المرحله الثانويه بمعدل ممتاز واتركي اللي في المستقبل لله سبحانه

وان الاستخاره فوق كل شيء لان مافيه احد يعلم الغيب غيره سبحانه

لكن نتفق على حاجه وحده ان من اهم الاسباب اللي هي المعدل سواء دراسه داخل المملكه او خارجها
لذلك ركزي على دراستك الحاليه بشكل جدي لانها بأذن الله بوابة المستقبل لك ولغيرك

تمنياتي للجميع دوام التوفيق والنجاح

والله استخيري ربك وشوفي ايش مكتوب لك لانو الحين اغلب النااس يبغو طب واذا مره تبغي طب
حاولي قد ما تقدري تكون نسبتك في ال 90 واكثر كمان و القدرات والتحصيلي مرتفعه
والله يوفقك ويكتب لك الخيير ياارب