.. بعثات الدول العربيه .. البحرين .. الامارات .. الاردن .. مصر..؟؟؟

طيب ياليت تسألون اللي يقدر يمسك معه الخط هل فيه ابتعاث للدول العربيه والخليجيه
بعد الابتعاث للدول الاجنبيه لان احنا ماكنا نعرف عن البعثات اللي فتحوها وخصوصا انها كانت للطب
فياليت نتعاون ونسأل انا احاول بس الخط مايمسك معي ياليت تحاولون معي وتسألون

اخوي كارلس حتى انا والكثير ماكنا نعرف عن البعثات للدول العربيه والخليجيه
فعلشان كذا ابي احد معي نحاول ننسأل هل سيتم فتح ابتعاث الدول العربيه والخليجيه
بعد البعثات الاجنبيه لان البعض يقول انها راح تفتح بعد البعثات الاجنبيه والله اعلم
هو انتهى من يوم الاربعاء اللي راح

هذا الاعلان اللي حطوه في موقعهم بس ماكان مبين مره .. مو مثل العام التقديم كان عن طريق الانترنت ,,


اعلان عن وجود منح للدراسات الطبية في عدد من الدول العربية

تعلن الإدارة العامة للبعثات -البرامج الخاصة- عن توفر عدد من المقاعد في الطب والعلوم الطبية في كل من جامعة الخليج العربي بمملكة البحرين، وجامعة العلوم والتكنولوجيا بالمملكة الأردنية الهاشمية، وجامعة المنصورة وجامعة الاسكندرية بجمهورية مصر العربية، والجامعة الأمريكية ببيروت.
علماً بأن مكان التقديم سيكون في الإدارة العامة للبعثات في حي الغدير.
وينتهي التقديم في 15/ أغسطس /2007م .

مشكوره اختي المزيونه طيب يعني خلاص ماراح يفتحون لنا مره ثانيه
يعني مكتوب للطب والعلوم الطبيه طيب واللي مايبي طب يعني احناماننقبل بجامعاتنا
ومانبي نسافر لدول الاجانب يعني نبغى الخليج والعرب تعرفين احنا بنات والاهل مايوافقون
مايصير كذا يعني خلاص مانفكر ان احنا نبتعث :gr_883: والله حرام يعني يضيع مستقبلنا

يعيطك العافيه اختي المزيونه على تفاعلك مع الموضوع ويارب يوفقك ويرزقك الخير وتصيرين دكتوره كبر الدنيا

صج الاخبار الي سمعتها ان قبلو كثير بالبحرين وكم النسبه الي توقف عليها القبول لو سمحتوا الي يعرف يقول لي عشان اطمن ومتى النتيجه قولوا الي وين اشوفها


ومع تحياتي الكم والله يكون بعونك دهن العود والله يعطيك الف عافيه وبزقك مقعد في اي مكان وان شاء الله يطلع بمكان هنا لكن انتي كم نسبتك ؟؟؟؟؟؟؟؟

الله يوفقك اختي وتحصلين اسمك من المقبولات ولاتنسين تبشرينا انا نسبتي 95 يعني موزينه هالنسبه؟:gr_908: وانتي كم نسبتك؟

مرحبــا
والله اختي دهن عود لو كنت ادري انهم فاتحينهم وانتوا ماتدرون كانحطيت هالخبر هنا .. معاكم حق المفروض على الاقل اعلنوا عنه في الجرايد ..
بس بعثات الدول العربيه للمتميزين يعني مايفتحونها الا للطب والعلوم الطبيه فقط ..
وانتي اختي دهن عود ماشاءالله نسبتك حلوه لو قدمتي فيها اكيد راح تنقبلي بدوله عربيه بس الفرصه راحت وانشاءالله يعطونكم فرصه ثــانيه ..

اختي good
البحرين كل سنه مايقبلون الا 70 طالب وطالبه وكل الاخبار تكون عندهم لاان كل سنه يغيرون ..
انتظروا وانشاءالله خير ..

تحيــاتي ..

المزيونه أشهد انك ماقصرتي ويارب يرزقك الخير والنجاح في حياتك
اتمنى والله يفتحون لنا البعثات مره ثانيه لغير التخصصات الطبيه:gr_908:

لان ماتخيل شكلي يضيع مستقبلي يعني نسبتي زينه موشينه :gr_883:

بالنسبة لبعثات الدول العربية مثل ماقالت الأخت مزيونة يفتحوها كل سنة وللتخصصات الطبية والعلوم الصحية وبس

يعني أختي دهن عود مابي أحطمك بس صار لهم اكثر من 5 سنوات يبعثون بعثات متميزة لدراسة الطب والعلوم الصحية فقط ,, يعني مافيه تخصصات ثانية

وبالنسبة للقبول في البحرين ,, مثل ماقالت مزيونة إن الي يقبلونهم في البحرين عددهم قليل جدا جدا كل سنة ,, وأنا بنت خالي ضيعت عليها سنة كاملة علشان قبول البحرين اول شي قدمت في البحرين بعدين ماجاها القبول وجلست تنتظر السنة الجاية وقدمت البحرين وماجاها واخر شي استسلمت وراحت مصر

يعني لاحد يحط أمل كبير على البحرين لأن الوزارة ماحد يضمن منها شي ,,

والله يعين الجميع

مستر مانقول الا الحمدلله على كل حال :gr_908:
طيب يفتحون للامارات اذا مافيه للبحرين
يعني ليش طب بس ؟؟الواحد هو اللي يتخصص اللي يبيه ؟؟ والطب دراسته صعبه ومهنه اصعب
يعني مو كل من جاء قال انه يبي يصير طبيب حتى لونسبته 100% الطب مسؤوليه صعبه مره
والا انا غلطانه؟؟

مشكور اخوي مستر على مساعدتك