مساعدة طب اسنان في جامعه القاهرة

وعليكم السلام

اختي جامعة القاهرة جامعة قوية
وكلية الاسنان النظام فيها سنوي


( معليش اختي انا تخصص طب مو اسنان لكن اعرف شباب يدرسون اسنان في مصر فراح اقولك اللي اعرفه)
وان شاء الله شباب الاسنان في المنتدى يفيدوكي اكثر

المهم
زي ماقلت لك النظام سنوي يعني الاختبارات مرة وحدة نهاية السنة ومافيه اترام ..................
.سنة اعدادية واربعة سنوات بعدها وسنة الامتياز يعني كلها 6 سنوات
السنة الاعدادية تدرسين فيها مواد قريبة من مواد الثانوية العامة وكمان فيها مادة اسمها الحيوان فيها تشريح حشرات وحيوانات(مو قصدي اخوفك بس عشان تكوني في الصورة )


بالنسبة للتسجيل طبعا هو عن طريق ادارة الوافدين في القاهرة
ويبدا التسجيل بعد نهاية الاختبارات يعني بداية شهر 7 ميلادي
تجين تقدمين ع الوافدين ..................طبعا تخصص مثل الاسنان يبي له معدل عالي الطب الاسنان صيدلة لازم نسبتك تكون عالية يعني فوق 90 بالمية هذا اقل تقدير
لكن كل سنة يحطون نسب معينة فماراح تعرفين النسب المطلوبة الا اذا رحتي الوافدين
الاوراق المطلوبة هي شهادة ثالث وثاني ثانوي تكون مصدقة من وزارة الخارجية في الرياض ومن السفارة المصرية

بخصوص الرسوم الدارسية اول سنة تدفعين 3000 جنيه استرليني السنين اللي بعدها راح تدفعين نص المبلغ يعني 1500 جنيه استرليني
التسجيل سهل انشاء الله لكن اهم شيء مثل ما قلت لك معدلك كلما كان معدلكي عالي راح تكون فرصتكي اقوى

بخصوص الامان
مصر حاليا الحمدلله فيه امن وما فيها اي شيء يخوف والدراسة ماشية
يعني الامور كلش تمام
لكن مدينة القاهرة المعيشة فيها صعبة شوية زحمة وكثافة سكانية وتلوث غير طبيعي غير ان عدد الطلاب في كليات الجامعة كبير
لكن المدن الصغيرة مثل الاسكندرية والمنصورة احسن منها بكثير
وحتى جامعاتها اسهل نوعا ما والطلاب فيها اقل ومافيها ذيك الزحمة

الله يوفقك اختي واسف ع الاطالة وان شاء الله يجون شباب الاسنان ويفيدوك اكثر مني

موفقة اختي

امممم .. حاجة ثاانية ..

الجامعه تنزل موااد للطالب .. لو الطالب هو الي راح يكون جدوله بلحاله ..؟؟

يعني شلون نظام المواد .. هل هيه ثابته .. بمعنى ان هذي السنة لابد انك تدرس كذا وكذا وكذا ..

او ليك حرية االاختيار ..



سؤال ثااني .. الماينر متى اقدر آخذه ؟؟ وهل يكون زيادة سنوات لو لا ..؟؟

يعني ناوية ادرس طب اسنان .. بس احتمال اتخصص تقويم او جراحة ..

متى اقدر اتخصص .. في عقب ما اقطع شووط واكمل نص الدراسة .. او بعد ما اكمل ..

هل راح يزيد من سنوات الدراسة .. والله تظل مثل ماهيه .؟؟؟؟


ارجوو الرد ..

حياك الله اختي

انا قلت لك نظام الكلية سنوي ..............يعني مواد ثابتة وجدول لكل الطلاب
ومالك حرية انك تنزلي المواد اللي تبينه...............نظام الساعات هو اللي يسمح للطالب بتنزيل المواد اللي يبغاها
لكن هذا النظام مش مطبق في الجامعات المصرية الحكومية ولو بغيتي اعتقد الجامعات الخاصة في مصر مثل 6 اكتوبر والعلوم والتكنلوجيا الجامعات هذي هي اللي تطبق
لكن الحكومية الطالب مجبور انه ياخذ مواد معينة وثابتة كل سنة

معليش مدري وشهو الماينر.................... ما فهمت قصدك ؟؟؟؟؟؟؟؟؟؟؟؟؟؟؟؟

اقصد التخصص ..

يعني في طب اسنان اقصد اتخصص ..

مثلا يكون الاساسي اسنان بس الفرعي تقويم لو جراحة لو اطفاال ..

متى اقدر اتخصص ..؟؟ هل التخصص يكون بزيادة سنة .. لو هذا هوه عدد السنوات ؟؟

اختي المعذرة والله مانب فاهم قصدك
لكن ان كنتي تسالين عن التخصص ما بعد البكالوريوس اعتقد ان هذا بدري عليه
يعني الحين تاخذين بكالوريوس 6 سنوات مثل ما شرحت لك قبل(سنة اعدادية و4 سنين دراسة وسنة امتياز=6 سنوات)
اذا خلصتي البكالوريوس اكيد شيء طبيعي تقدمي ع الماستر لو جبيتي في مصر وتدرسين تقويم ولا زراعة اسنان او اي تخصص تبينه
هذا اللي اعرفه
وجامعات مصر الحكومية كلها فيها ماستر و دكتوراة ومعترفة في كل انحاء العالم

الله يوفقك وان شاء الله تكون وصلت الفكرة

مشكوووووور اخووي ..

ما قصرت .. اي استفسار .. ما بترردد .. راح اسال ..

يعطيك العافية