الأخ (كيك حلاوهـ ) او أي أحد من المبتعثين للأردن يتفضل

نفس السؤال..
بس على ما اظن ان في ناس وصلهم القبول بعد اسبوع وبعضهم بعد 2 او ثنين وشوي..
ويمكن سافروا في العيد او بعد بسبوع..


بانتظار تفاصيل اكثر..

السلام عليكم ورحمة الله وبركاته
انا ببدأ معاكم من يوم ما سافرت الرياض الين وصلت الاردن
العام الماضي فتح التقديم تقريبا في موعد قريب من موعد هالسنة
وكان مدة التقديم اسبوع
ذهبت الى الرياض لوكالة البعثات في وزارة التعليم العالي بحي الغدير اخر يومين وقدمت وكانوا طالبين نسخ لكل من الهويه والشهاده والتحصيلي والقدرات وتعبئة النموذج
وتسحب رقم يا طويل الععمر وتنتظر الين يجي رقمك وتروح للكونتر تعطيه كل اللي يبونه .. بس نصيحة مني اذا انت من برا الرياض خذ معك اي شيء يتعلق فيك من ناحية دراسه واكثر من نسخه وصور لك احتياطا
المهم لما سلمتهم اوراقي اعطاني ايصال .. الايصال صراحة ما تستفيد منه مرره .. بس مدري هالسنه راحوا تستفيدوا منه او لا
المهم طلعت من عندهم ومر اسبوع واسبوعين وقدمت على كذا جامعه الين استقريت في جامعة الملك عبدالعزيز بحكم اني ساكن في جده
ونسيت التقديم على البعثه
المهم الاسبوع اللي قبل رمضان اتصلوا علي يوم السبت العصرر
وقالي الاخ .. فلان قلت ايه
قال مبروك تم ترشيحك لدراسة الطب في الاردن .. واخر موعد لتسليم الوثائق يوم الاثنين
وانا جلست استخير اتم بالجامعه ولا اروح الاردن .. الين ما قررت اروح اسلم شهادتي .
سلمت الشهاده يوم الاثنين وقالوا لي .. انتظر اتصال الملحقيه .
وجلسنا اسبوع اسبوعين قربنا على الثالث والاتصال لسا ما جا .. كنا نتجمع في هالموقع .. وكل الطلاب على احر من جمر
هل سحبوا علينا ولا بيتصلون
الا وتجينا رسائل يوم الخميس 19 رمضان تقريبا .. من مفهوم الرساله انك تروح الاردن وتراجع الملحقيه خلال الايام من الاحد الى الخميس
وطلعنا على حسابنا الخاص على الاردن انا وصلت يوم الاحد ورحت للمحلقيه وكان الوضع العام بدون تحديد للجامعه تروح للمحلقيه وتشوف اسمك في اي جامعه
انتوا هالسنه تختارون
المهم خلصنا اشغالنا وكل واحد عرف وين جامعته وخلصنا اوراقنا واللي استلم بطاقة الجامعه واللي ما استلم وحددوا متى تبدا الدراسه اللي كانت تقريبا بعد العيد بتسع ايام
المهم رجعنا السعوديه عيدنا ثم رجعنا الاردن ايضا على حسابنا الخاص
وداومنا الجامعه وجلسنا نعاني ثلاث اشهر بدون مكافات .. اللي قبلنا جلسوا شهر
احنا ثلاث شهوور .. وبعد ثلاث شهور نزلوا مكافات ثلاث شهور دفعه وحده مع مكافاه الشهر
وها نحن مبسوطين .. والدراسه في الاردن حلووه

اما تكملة الدراسه في الاردن والسكن .. ومن لحظة وصولك للاردن وكل الامور المتعلقه بهذه لي عودة ان شاء الله لما يتم قبول الطلاب وكل واحد يحدد دولته


اتمنى اني ما قصرت

وبالتوفيييق لجمييع الطلاب المتخرجين هالسنه او السنوات لماضيه اللي ما حالفهم الحظ

انا اعتذر منكم حقيقة لاني ما كتبت عن المكافاه او شيء يتعلق بالامور هذه

المكافاه الشهريه 853 ومره تكون 852 دينار اردني
على حسب سعر الصررف لان المكافاه بالريال السعودي 4512.5

والدينار يتراوح صرفه من 5.25 الى 5.30

هذي عن موضوع المكافاه واي استفسار اخر او موضوع لم اتطرق له انا تحت امركم في اي وقت

مشكوووووووووووووووووووووووووور وما قصرت الله يعطيك العافيه

طيب اخوي المكافاه تنزل لك على اي حساب ولا يعطونكم بطاقه صراف خاصه؟؟
وهل الدراسه مختلطه ؟؟
الف مليووون شكر

هلا اخوي صمت الغروب
المكافاه تنزل على حساب بنكي
والبنك سالفته سهله جدا
الملحقيه متعاونه مع بنك اسمه بنك الاسكان للتجارة والتمويل
تروح لهم في فرع (ابو نصير) لانه قريب من الملحقية اللي تقع في الجبيهه بعمان وما يعقدون الطلاب المبتعثين وتقولهم انا طالب من الملحقية السعوديه وابي افتح حساب رواتب
وتقدر تفتح في بنك ثاني .. بس الطلاب المبتعثين في البنوك الثانيه تتاخر مكافاتهم يوم او يومين بالكثير
...
هذا كله تسويه يوم تجي برمضان وتاخذ البطاقه الجامعيه ولما تستلم البطاقه الجامعيه يسلموك الجامعه ورقة قبول لمن يهه الامر .. تعطيها الملحقيه مع رقم حساب البنك .. هذي جامعة العلوم والتكنولوجيا
الجامعات الثانيه كان قبولها بعد العيد لاغلب الطلاب

والدراسة في الجامعة مختلطه

واول سنه راح تكون تحضيري يعني كل الطلاب والطالبات السعوديين محاضراتكم مع بعض لحالكم
لان التحضيري مشترط من الملحقية للطلاب السعوديين فقط
وبعد هالسنة تكون مختلطه مع كل الاجناس والجنسيات

الله يسعدددك ويوفقك يالغالي
آسف ازعجتك واللهي
طيب بالنسبه للمرافق اقدر اخذ معي مرافق
واذا ممكن شنو اسوي؟؟
اسف على الازعاج

كيك وحلاوة انا عندي سؤال ايش افضل الجامعة الاردنية ولا العلوم والكتونولجيا لان بصراحة سآلت واحد هنا قالي ان اكثر من شخص حولو من جامعة التكنو عشان صعوبتها والدكاترة سيئين في التعامل
انا بقدم على الجامعة الاردنية بس ابي رايك

الحين لادرست طب بالاردن لازم سنه تحضيري ؟؟؟؟؟؟؟؟؟؟؟؟؟؟؟؟؟؟؟؟؟؟؟ للسعودين متأكد