تجمع طلاب وطالبات الاردن 2011

جااااااااابك الله ... بس المستشار والله قالي ان فيه اختبار وجالس احاتيه من قلب


الله يرحم والديك عندي كم استفسار


1- انت في اي سنه تدرس الان

2- كيف شفت الدراسه بالاردن؟!! بالتفصيل... واذا انت باول سنه طب ... كيف انطباعك عن الطب هناك + هل مثل ماسمعت دروس التشريح تكون على لعبه مو جثه حقيقه


3- السنه التحضيريه بس للطلاب السعوديين + كيف شفتها ... وهل معدلها محسوب من السنوات الي بعدها


باقي استفسارات كثيره بس انتظر ردك على اساألتي

ربي يزوجك بنت شعرها اصفر وعيونها زرق = )

هلا حبيبي ƒιℓѕσƒ ......انا العام الماضي دخلونا بدون اي اختبار ولا اي حاجه ولا تحاتي اخوي ولا تخاف ابدا الامور سهالات وتتيسر وما ادري اذا غيروا النظام بس ما اعتقد فيه شئ ولا تنقل هم والله انا عارف اللي تمرون فيه بس والله لا تنقل هم ابدا بتتيسر . وبالنسبة للاستفسارات من عنوني بجاوبك على كل اللي تبي .
1- انت في اي سنه تدرس الان؟؟
انا الحين خلصت تحضيري وداخل على اولى طب ...سابقك بسنه وحدة خريج 2010

2- كيف شفت الدراسه بالاردن؟!! بالتفصيل... واذا انت باول سنه طب ... كيف انطباعك عن الطب هناك + هل مثل ماسمعت دروس التشريح تكون على لعبه مو جثه حقيقه؟؟؟
حبيبي بالنسبة للدراسة كل شئ مع الدراسة يتسهل ويصير سهل يعني شوية اهتمام ومذاكرة بالتحضيري تعدي باعلى المعدلات باذن الله يعني يا حبيبي لا تخاف اعرف شعورك بس اهم شئ لا تسمع لطبقات المجتمع وكلامهم صعب ومدري ايش ....كله كلام فاضي . احنا جلسنا مع طلاب سنة 5 و6 ويساعدونا بعض امورنا والله يقولون اذا انك ناوي تصير طبيب وعندك طموح بس يبغالك شوية اهتمام ومذاكرة ولا تسمع اللي يقول 24 ساعة دراسة كله كلام فاضي انا ما ابغى اهونها ولا اكبرها بس اقولك بالمعقول تدرس بتطلع دااافوور ههه
وبالنسبة للتشريح بالنسبة لجامعتنا ما ادري عن الجامعات الثانيه بيكون على جثث بس مرات بعض الاجهزة بيكون جسم بلاستيك بس بيكون نادرا .
3- السنه التحضيريه بس للطلاب السعوديين + كيف شفتها ... وهل معدلها محسوب من السنوات الي بعدها؟؟
ايوه هي للسعوديين فقط ..والله شوف كيف شفتها كويسه ماشي حالها حلوه انا مرت ممكن علي مادة احس اني استفدت منها ودخلت جو اللي هي Medical Terminology بالعربي مصطلحات طبية بصراحة تحس انك داخل جو وهذي المادة قرروها علينا احنا السعوديين بمؤتة ومادة اكثر من رائعة لانها طبية بحتة ....وبالنسبة للمعدل انت لما تجيب بالمادة اكثر من 75 تقدر تعادلها وتطيحها من السنوات الجاية وتقدر تنجح فيها وتاخذها بعدين .....نصيحتي لك ولجميع اخواني واخواتي انو جب فيها درجه عاليه وتطيحها عنك والنصيحة الثانيه والمهمه والاهم اللغة الانجليزية معكم السنة التحضيرية في مجال تدرس بمعهد وتسجل بدورات تقوي لغتك ويمديك تحسنها وتطورها مثل ما تفضلت انت باحد الردود وهذا كل اللي الاسئلة اتمنى جاوبتك وافدتك واعذرني على القصور واي شئ انا جاهز .
اخوك ...dr.mejlad

يالعافيكـ ربي أخوي dr.mejlad

حآآآب أستفسر بخصوص الإجازات خلال السنة التحضرية ..

و بعد الشيئ الثاني لا هنت ممكن تعطينا مقررات السنة التحضرية اذا هي موجوده أو عنواين المحاضرات أو اي شيئ يخص محتوى هآلسنة >> طبعاً مو كلها
لأني آخذت ترم في في السنة التحضرية و نآآوي اراجع المحاضرات إلي عندي و اطقطق عليها بس أبي اعرف نفس المواضيع أو لا ...

بعد السؤال المهم في أي حآآلة يسحبون منك البعثة ؟

لأن واحد من الشباب شفته كآآتب اذا رسبت في التحضيرية يلغون بعثتك و وواحد ثآآني قالنا اذا رسبت في مآآدة لا سمح الله تدرسها صيفي ..
يالغالي أبيك توضح لنا هآلنقطة ...

ربي يكتب لك خيري الدنيآ و الآخره ..

مرحبا اخوي قريب الامل .... وما سويت شئ هذا اقل شئ نفدمه لاخواننا

بالنسبة للاجازات كل جامعه تقريبا لها اجازة لان البرنامج للسعوديين فقط يعني كل جامعه ولها نظامها ومقرراتها راح اتكلم عن جامعتي مؤتة كانت اجازات حلوه يعني الترم الاول عطونا اسبوعين والترم الثاني كمان اجازة حوالي 3 اسابيع والترم الصيفي ما طولنا كانت اجازات حلوه وعطلنا قبل واحد رمضان ويختلف على حسب الجامعه بس الاجازات بالاردن عموما حلوه من غير الايام العطل يعني الاجازة الرسمية جمعة وسبت وبيكون عندك بعض الايام اجازة يوم واحد مثل .عيد العمال وعيد وعيد .....يعني كل فترة بيجيك يوم اجازة لا تنقل هم من هالناحية ....
بذكر لك المواد اللي اخذناها مجملا عندك ...كيمياء طبيه وفيزياء طبيه والثنتين اقرب من انها طبيه انها تكون general وانقلش وحاسب وكمان اخذنا بالترم الثاني زياده عالحاسب والانقلش Medical Terminology بالعربي مصطلحات طبية واسلوب البحث العلمي والصيفي اخذنا مادتين انقلش Communication skills= مهارات اتصال وهذا اللي اذكره وتختلف بعض المواد بالجامعات الثانيه على ما اعتقد ...
حبيبي بالنسبه للبعثه وسحبها منك شوف ما بعشمك ولا ابغى اخوفك بس ان شاءالله ما تنسحب منك بس يبغالك معدل كويس وانك ناجح بالمواد يعني وسالفة انك ترسب بمادة يلغون البعثه لا تاخذها صيفي وما تلتغي البعثه ...وانا اخوك لا تخاف من هالناحيه اطمنك لا تخاف بس شد حيلك والله يكتب لك اللي فيه الخير ....واي شئ انا جاهز اخدمكم بعيوني لان والله انا حاس باللي انتو فيه بس لا تخافون وانبسطوا باوقاتكم وانا موجود هنا ...
اخوكم.....dr.mejlad

ياآآ بعد هآآلخشه و الله

ربي ينور عليك يالغالي ما قصرت بيض الله وجهك >> كآن نظآم الجامعات في الأردن مثل جآمعة جازان

الترم الأول في جامعة جيزان كيمياء عضوية و عآمة و فيزياء طبية و بيولجي و إنكلش مكثف و حآسب و الترم الثاني نفس المواد إضافة عليها مصطلحات طبية و ثقافة إسلامية

طبعآ فيه وجه ثاني للشبه إنه من أول يوم تدرس في الجامعة تكون واثق من مقعدك في الطب او العلوم الطبية و السنة التحضرية تآخذها فقد للتقوية و كليتك و تخصصك في الجيب ..

بس يالغالي ودي أعرف الملحقية إجازتهم أي يوم قبل رمضان عشآن ودي أجيهم قبل رمضان و ما ارجع لهم إلا بنص شوال لأن ما ودي اسافر إلا بعد يوم 8 ..

تتوقع يطلبون منا نسافر قبل يوم 8 لأن لزوم أكون موجود بهآلتاريخ في ديرتي ..

حبيبي كيف قبل رمضان ؟؟؟؟؟؟
اظنك تقصد قبل العيد بس بالنسبة للاجازة مو عارف والله بس هم موجودين عشانكم يعني لازم ينهون اجراءاتكم واعتقد بيدقون عليكم هالكم يوم وبعدين حبيبي الدوام تقريبا على 16-9 -2011 كيف تجي نص شوال هم بيحددون لك الدوام ان شاءالله


امر وش بغيت ؟؟ ممكن افيدك اذا اقدر عليه ؟؟؟

سوري ياغالي خبطنآ شوي طبعآ اقصد قبل العيد ... و السبه هآلملحقية ..

إلي أبي اعرفه أنتم سافرتو بتاريخ كم بعد العيد ؟

والله يالغالي ما اذكر بالضبط بس على ما اظن كان 10 -10 -2010 الدوام ....بس انت اذا لله يعينك عليهم السنه هذي وهي فترة وتعدي بيرسلون لك رساله وبتروح لهم وبيحددون لك الجامعه وبيعلمونك بالتفاصيل ..ادري اني ما افدتك بس العذر والسموحه يا خوي .

ما تقصر اخوي دكتور مجلد و يعطيك العافية و ان شاء افاداتك لنا ما تضيع من وقتك
سؤال بسيط هل نعمل فحص طبي
و هل هو في السعودية قبل السفر ولا في نعمله في الاردن
و اذا كان هنا او هناك في اي مستشفى
و هل الفحص يشمل فحص مقطعي للجسم كامل يعني يعملون اشعة للجسم كامل
و شكرا لك

تبون تعيشون نفس الدراما الي عشتها اليوم ادخلو هنا و كل واحد يتخيل انه واحد منهم ^-*
www.mbt3th.us/vb/forum9/thread209815.html


و ثوكرن أخوي دكتور مجلد.