المشاركة الأصلية كتبت بواسطة ناصر العبد الرحمن
أخوي عدي آمل أن تعطينا نبذة عن إربد من حيث المكتبات العامة والتجارية ومكاتب المحاماة الشهيرة المطاعم والأسواق والأماكن البرية المناسبة للنزهة.
ونشكرك على تشريفنا في ها المنتدى الرائع.
اهلا وسهلا اخوي
بالنسبه للمكتبات العامه اربد فيها مكتبتين عامتين فقط وحده داخل الحرم الجامعي لجامعة اليرموك تسمى المكتبه الحسينيه ويمكنك عمل اشتراك لاستخدام المكتبه وهناك مكتبه في وسط البلد تسمى مكتبة البلديه لكن من ناحية الضخامه مكتبة جامعة اليرموك اكبر بكثير
وبالنسبه للاماكن التسوق في عندك سوقين مشهورين باربد هو شارع الحصن وشارع السينما وما رح تتغلب حتى تندل عليهم
اربد فيها مولين واحد اسمو اربيلا مول والثاني اربد مول
اما المطاعم عندك خيارات كثير بشارع الجامعه ومن الكوفي شوبات الحلوه باربد كوفي شوب الهرم على طريق اربد عمان وفندق الجود وUtopia برضو سهل جدا تندل عليهم
بالنسبه للنزهه فيي الاجواء الربيعيه والصيفيه شغل سيارتك واطلع على الطريق الخارجي ورح تلاقي كثير اماكن تقعد فيها
اما بالشتا منطقة غور الاردن احسن مكان للاستجمام
اربد الحلو فيها كل شي بتحتاجو قريب منك يعني اي شي اي اشي بتلاقي متوفر من المحلات الي حواليك ما رح تضطر تمشي اكثر من كيلو لحتى تلاقي اي اشي
بس في مشكله انو بالشتى اربد بتسكر فيها المحلات بكير يعني الساعه 9 بتلاقي الشوارع فاضيه
ناسها طيبين بس عصبيين بنفس الوقت وطبعا اي مكان ما بخلى من النصابين فكطالب مغترب بدك تدير بالك منيح وخاصه من سواقين التكاسي
اربد جوها مريحه والسكنه فيها حلوه
بتمنى اكون قدرت افيدك بشوية معلومات
عدي صبح September 9th, 2011, 07:02 PM
7 " 
LinkBack URL
About LinkBacks
September 7th, 2011, 12:38 PM
يعطيكو العافيه والله يقويكو يا ربشفت منتداكو وعجبتني الفكره كثير
انا اردني وعايش في اربد ولي علم بالجامعات والمناطق في الاردن
الي عندو اي استفسار يتفضل وان شاء الله ما رح اقصر مع حد
والله من وراء القصد :]