استفسار إلى أرض الكنانة

وعليكم السلام ورحمة الله وبركاته
حياك الله اخوي ومنور المنتدى

الجامعات الخاصة في مصر كثيرة وبما انك مو سعودي تقدر تسجل فيها
انسب جامعة اعتقد هي جامعة العلوم والتكنلوجيا في القاهرة
هذي اقوى جامعة وعندك جامعة 6 اكتوبر وجماعة مصر للاداب الحديثة وفيه كذا جامعة ثانية كلها فيها اسنان
وبخصوص الرسوم ترى الجامعات المصرية الخاصة غالية نوعا ما فوق 10 الاف دولار
مانب متاكد كم الرسوم بالضبط لكن بشكل عام هو بحدود 10 الف دولار وممكن اقل او اكثر
اللغة ا تشيل همها لكنا دخلنا الطب او الاسنان وحنا ما نعرف نكتب اسمنا لكن الحمدلله مع الترجمو تمشي امورك
بعدين تراك في جامعة خاصة يعني بيمشون امورك سلام سلام هم اهم شيء عندهم القروش اهم شيء تدفع لهم الله لا يهينك
بخصوص الكورسات والله ما عندي فكرة
السكن اغلب الطلاب يسكنون برا اصلا الجامعات الخاصة ما اعتقد فيها سكن
احسن لك لو تاخذ لك شقة قريبة من الكلية ويكون افضل بعد لو تشوف لك واحد يسكن معك وتلاقي شقق مناسبة ونظيفة ومو غالية

موفق اخوي

يعطيك العافية ياغالي على المرور

الله يوفق الجميع بس اخوي لو انه سعودي وش الجامعات الي تقبله وثانوي ادبي