اضراب الطلاب السعووديين بجامعه مؤته

اخوي و الله الوضع ما يطمن البنات العمانيات جاهم مسؤول و معه طلاب الى سكناتهم و خبروهم لا تداومون لما نحنا نقولكم ولو عقب شهر
و نحنا لنا الله يعني لو زميلتي ما دقت علي ع الساعه 11 بالليل
و لا انا يوم الاربعاء رايحه الجامعه و مداومة
و زميلتي قالت لا تداومون من راسها خفنا على انفسنا
يعني لا مسؤول و لا ملحقية ع الاقل ارسلت لنا مسجات على الجوالات


دقيت على عثمان القصير مرتين على رقمين من اللي عطانا اياهم ما رد
دقيت على ظافر مارد
السفارة قالت لي دقي بكرة علينا الصبح عشان يحولوني لواحد مدري منهو

علامات استفهااااااااااام لوين مصيرنا ان شاء الله
المفروض يجي مسؤول للكرك يجتمع بالطلبة السعوديين في الجامعه تحت حراسة مشددة

نسيت لا اقول وحدة من البنات تقول ان السعودين راحوا و فزعوا للعمانيين مدري لليمينين و كانوا المفروض لا يفزعون و لا يدخلون نفسهم
عاد انا قلت لها لو سعودي انضرب و جنبه عماني كان قلنا المفروض يفزع له
و تقول ان اليوم طلاب الماجستير داوموا و لا بعد جايين بساييرهم و ان مافي شي يخوووف مثل ما يتكلمون

كان المفروض طلاب الماجستير ما يجون لو ايييييييش
و اذا هم ماعليهم خووف
هم في الاخير رجال كبار و كل واحد شايل بعمره مب نحنا

زميلتي في اربد دقت علي قالت تعالي عندي الين تهدا الاوضاع عندكم

و كل هذا و كل هذا و كل هذا امااااان
اللهم لا حسد على الامان اللي عندهم ان كان زي كذا

نحن نطالب ايقاف الاعتراف بتلك الجامعه التي لا تصلح للدراسه فيها .. نحن مجبورون على الدراسه بها وليس اختيارا منا

مع انه كذا مره نقدم شكاوي على اهلها و على الجامعه الي تتعامل بالواسطات و التظلم ..

وكل مره نقدم و نرفع خطابات .. نلقى جوابا (رفض الطلب ) لماذا ؟؟!!!؟؟؟

حتى عندما اتى الملحق الثقافي لم يقدم لنا شيئا سوى بعض الكلمات المعسوله, و الاعتذارات من رئيس الجامعه و نائبه و رئيس العماده .. اين رئيس العماده الآن لقد استقال !! لانه محامي لنا وهو لا يستطيع ان يقف معنا ضد ابناء شعبه الذين ضربوه هو ايضا و خربوا كل مخططاته ياحسرتي عليك يالسعوديه تنهانين ولا نرى افعالا !!

( انكم قوما تقولون مالا تفعلون ) .

حتى امن وسلامه ما فيه
نضطر اننا نخرج من هالقرية حتى نامن على انفسنا من هؤلاء الجهله !! بنات هنا يهددونهم بالسكاكين
ماهذا !!؟؟
لا منطقه تصلح للابتعاث بها ولا اهلها يتعاشرون ولا تعليم ناجح عشان نقول والله يستاهل الواحد يتحمل لو اروح الباكستان و اتعلم هناك احسن لي من هنا عل اقل في تعليم ..!!
ياريت يوقفون الابتعاث عن الاردن كلها و يخلونا نرجع السعوديه ويوفرون الجامعات الي تقبلنا او انهم يخلونا نطلع برى زي ماسووا مع سوريا الشقيقه

الله يعينكم بس ما اتوقع انهم اًردنيين و انتم فأهمين من اقصد

لا يا اخوي الا اردنيين كركيين عيال البلد عيال العشاير على قولتهم محد من برا الكرك اعتدى ع الطلاب الخليجين غيرهم هاذول
اسال اسال ماهي الكرك
بتشووووف العجايب *

طيب كلمو الشيخ هزاع أيمن المجالي وماراح يقصر معكم وراح ياخذ حقككم ..

أسالو عنه وهو راح يساعدكم

وين نحصل هذا في القنصلية و لا وين و عند مين نسال عنه

اقول مالكم الا تروحون السفارة وتخلونهم ينقلونكم على الجامعه الاسلامية فرع الجامعة الاسلامية في ماليزيا موجودة بالاردن بعمان وحتى عميد الجامعه عنزي من المهيد سعودي اردني وانتهى الموضوع قال كرك قال خخخخخ

واحد من الشباب يعلمني ان الكرك بها الاصلاحين ومدري منهم الطقة ذي الي يدعون للمظاهرات والحوسة واكيد استغلوها فرصة يعني اثنين بواحد اول شيء كره بعض الطلاب الاردنين في الكرك للسعودين والخليج عامة وضرب العلاقات الشعبية بين البلدين والتي تؤدي الى ضرب العلاقات الدبلوماسية بين البلدين ههههههه ما تحسون اني تفلسفت واجد لكن الكرك اهل الاردن الي بعمان كارهينها ما بالكم بالطلاب الله يعينكم والله مالكم الى عمان او اربد معان الكرك مدري وشو ابعدو