استفسار التحويل من بعثة دول عربيه الى بعثه داخليه في السعوديه ..؟؟

انا ماتكلم عن المنحه .. المنحه يدفعون لك اقساط الجامعه و تدرس و تنجح ولو مانجحت تسدلهم الفلوس الي راحت ..<< اتوقع جايه عن طريق الموارد البشريه

اتكلم عن البعثه الداخليه يعني نفس البعثه برى اللهم بالسعوديه و يدفعون لك راتب ..
بس ماني عارفه طريقة التحويل بصراحه .. لان يقولون ان بالاجتماع جاء وكيل البعثات و نصح انو نحول ابتعاث داخلي
.. بس ماني عارفه لحد الان بعرف ايش الفرق و كيف الططريقه و ايش الافضل ...

مشكورين على الردود كلكم

يابنت الحلال تعوذي من ابليس ياخليتس بالاردن والا حولي علي اوروبا او شرق اسيا او كندا... اذا بتدرسين الطب...

لاتفكرين تحولين للسعوديه ولا بواحد بالميه... انصحتس نصيحة اخو.. روحي لاوروبا والا الهند او الصين او كندا او امريكا لكي تشوفين الحياه الحقيقيه والتعليم الصح والتطور،،، انا استغرب من اللي يبتعث للدول العربيه....

وبالتوفيق

أختي البعثات الخارجية برنامج لحاله والمنح الداخلية للكليات الأهلية برنامج لحاله

و إذا أنهيت بعثتك ما راح يضمن لك مقعد في المنح الداخلية إلا إذا الوزارة طلعت لكم قرار بنقلكم من الأردن او نقلكم من جامعة إلى جامعة أخرى وقتها راح يكون قبولك مضمون في كلى الحالتين

طبعا المنح الداخلية مالها راتب فقط تدفع لك رسوم الجامعة

وبالتوفيق

فديت السعودية وجامعاتها يااخي انا وش جابني لكريك الكرك
يالله انك تفرجها وتيسرها لي ولجميع الطلاب والطالبات بجامعة مؤته

بالنسبة للتحويل للجامعات داخل السعوديه..لما رحنا للفوزان قال جيبو اي قبول سواءا من داخل السعوديه وللا خارجها..اهم شي يكون من جامعه معتمده ويكون مقعدك مضمون..كل ماعليكي انك تراسلي نفس الجامعه اللي تبغي تروحي لها...واذا وافقولك ذيك الساعه تحولين لها..وطبعا النظام عندنا في السعوديه نظام متطور والحمد لله لازم تروحين بنفسك وتقدمين طلبك لانهم يطبقون القاعده اللي تقول"ماحك جلدك مثل ظفرك" ...وبالنسبة للمعادله اذا كنتي مخلصه السنه التحضيريه هنا ونجحتي فكل المواد اظن انهم يعادلولك هذي المواد وراح تدخلي سنة ثانيه طب على طول..هذا الكلام على قولة واحد من زملائي..واذا تبغي تتاكدي ادخلي على الخطة الدراسية للجامعه اللي تبغيها وشوفي المواد اللي درستيها في السنة التحضيريه ومواد نفس الجامعه وسوي مقارنه...أما عن المكافأة اذا رجعتي للسعوديه راح تكوني زيك زي الطلاب السعوديين الف ريال في الشهر مو زي هنا.. واللي سمعتوا انو جامعة الإمام بالرياض تقبل اللي يحولون من الجامعات الخارجيه الى جامعتها وتعادلهم المواد.. اما الجامعات الخاصة والاهليه فكثير ذمولي هيا..لأنها تهتم بالجانب المادي اكثر من الجانب التعليمي..ودام ان الفلوس جايتهم ماراح ترسبين ابدا

وقبل ماتقدمي على اي خطوه استخيري..وتذكري انو فرصة الابتعاث تجي مره وحده وماتتكرر...والله يكتب لك التوفيق وييسرلك اللي فيه الخير

مشكوريـــــــــــن و ماقصرتوا بيض الله وجيهكم كلكم .. الله يكتب لي و للجميع كل خير



بالسعوديه و برى السعوديه



ودمتم بخـــير