LinkBack URL
About LinkBacks
حلو موضوعك
اهم شي الاشياء الشخصية ( بطانية ، مخدة ،،، ادوات مطبخ لو حبيتي تطبخي )
ياليت البنات يفيدونا
7 " اهم شي الاشياء الشخصية ( بطانية ، مخدة ،،، ادوات مطبخ لو حبيتي تطبخي )
ياليت البنات يفيدونا
مستلزمات السكن الجامعي !
مستلزمات السكن الجامعي !
تنبيه: هذا الموضوع قديم. تم طرحه قبل 4541 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
-
-
- الطالب _ قدر للطبخ _ مقلاه للقلي _ مق للشرب _ صحن للاكل7 "
مدري عنك ؟
هذا و انتي رايحه سكن لا تزوجتي وش بتسوين اجل
- كيف السكن طيب هل هو كئيب و الا كيف الوضع ؟7 "
و هل فيه مرافق قريبة مطاعم اسواق شي ؟
انا بعد جديد في السكن و ما اعرف اي شي
و بعدين متى اقدر اروح السكن انا رايح من يوم 7 شوال
و ساكن في فندق الى ان يسمحو لنا نجي السكن
- و هل الفيديو قيمز مسموحة ب سكن الطلاب ؟7 "
- 7 "
وعليكم السلآم ورحمة الله وبركاته
انا بقولك من خبرتي لاني مجربة سكن داخلي لكن مو جامعة الشارقة
ف لو يفيدونك بنات سكن الشارقة افضل لان انا ما شفته من الداخل و بناءا على الاشياء اللي مو متوفرة بقولك عالاشياء اللي تحتاجينها
بس انا بفيدك باللي اقدر عليه
اكيد موفرين غسالات وثلاجات والاثاث الاساسي في الغرفة
في البداية بتحسين ان الاشياء اللي تحتاجينها ما تخلص لكن مع الوقت ان شاء الله تستقرين في السكن ويصير الوضع تمام ..
للغرفة بتحتاجين :
* مفرش اللي هو الكوفر وطقمه لان اكيد موفرين هم المرتبة
* اذا تحبين تحطين زوالي سجادات ممكن تجيبين لك اللي يجون صغار وخفاف .. شوفي وضع الغرفة وقرري
* مخده
للملابس :
* مكواة + طاولتهآ << في طاولة تجي صغيرة طولها ما يتعدى المتر لو حابه يعني ماتاخذ مكان شفتها في ايكيا
* لو موفرين نشافات تمام لكن لو ما كان في نشافات لازم تجيبين لك منشر ملابس هذا اللي يتسفط
* سلة للملابس الملبوسة مادري مستعمله مادري شيسمونهم هههه >> ملبوسه حسيت لابسها جني
بتلقينها بعد متوفرة في ايكيا و تتسفط اتوقع سعرها 25 درهم في هالحدود
* علاقات ملابس
* صابون ملابس
* ملطف للملابس لو حابه
* برسيل للعبايات
بتحتاجين ادوات تنظيف :
* مكنسة
* مساحه
* كلينكس
* طشت صغير << ماعليه هذه الاشياء بتقولين عنها كمالية لكن لو رحتي السكن بتحتاجينها
* ديتول
* قطع للمسح
* ملطف للجو
* مبيد حشري للاحتياط
* سلة صغيرة للاوساخ .. لو ما كان في ف الحمام بتحتاجين اثنين وحده للحمام ووحده للغرفة
للمطبخ :
في ادوات تجي كلها حجمها ميني انا انصحك فيها لان لو بتطبخين بتطبخين شيء خفيف و لشخص واحد
* قدر صغير للاندومي مثلا او اي شيء ^
*مقلاة صغيرة
* كوب للمشروبات الحارة
*والمشروبات البارده غالبا بتشترينها جاهزه بس جيبي الكاسات البلاستيك هذه البيضه للاحتياط
* ملاعق والا اقول من كل شيء قطعه
ملعقة
* سكينة
* شوكه
* صحن
* طاسه صغيرة
* صابون فيري
* اسفنجات
* غلاية كهربائية في انواع بعد تجي صغييرة لو حبيتي تسوين كوفي شاي وت ايفر ^
* و أدوات المطبخ الاساسية
يتبع ...
- 7 "
الاكل :
أكيد بتشترين من السكن لكن بداية جيبي اشياء خفيفه
* خبز او توست
* جبن
* كورن فلكس + حليب
* عصاير
* ليبتون
* سكر
* نيسكافيه
* ماي طبعا ^
* اندومي
والادوات الشخصية :
*معجون أسنان + فرشاة + غسول للفم + غسول للوجه + صابون للاياي + شامبو .... الخ
* لبس الصلاة و السجادة و القرآن
* واقي الشمس والمرطب للوجه و اليدين
* مكياجك وسشوار و مستلزمات الشعر كلهآ
طبعا بالجامعة بتكونين بالحجاب بس علشان السكن ^
* الملابس جيبيلك بجايم للغرفة و ملابس كاجوال للسكن
وملابس للدوام والعبايات و الشيل
* الشنط للجامعة و الشوز وللغرفة جيبيلك نعال لو حابه >> بس لان انا ما احب امشي حافية ^
و نعال للحمام وانتي بكرامة
و طقم المغسله للفرشاة والصابون
الادوات الدراسية :
* فايلات
* اقلام
* دفتر للمسودات او للمذاكرة
* دباسة
* بالنسبة للطابعه اكيد متوفرة في السكن و الجامعة
* اقلام للتحديد
الاشياء هذه كلهاآ مو ضروري تجيبينها من السعودية >> خراب بيوت بعدين
هه بيطلع عليكم وزن وتعب ^
جيبي اللي تقدرين عليه و الباقي اشتريه اذا جيتي الامارات
ولا تحاتين ان ما تلقينهم لان متوفرين في كل مكان
واكيد السكن موفرين داخل كل الاشياء اللي ممكن تحتاجينها لكن في البداية جيبي اشياءك معك افضل
لو نقصك اي شيء بعدين تقدرين تكملينهم
وفي اشياء اساسية تحتاجينها ضروري في البداية واشياء مايأثر شوي شوي كمليهآ ف انتي شوفيهم و قرري ^
و روميتك تقدرين تتعاونين معاها يعني الاشياء اللي تخصك طبعا لك لكن الاشياء المشتركة في الغرفة تقدرون تتعاونون فيها
ان شاء الله افدتك
ولا تحاتين او تشيلين هم ترى الحياة في السكن الجامعي لها احساسها الخاص يمكن صحيح في البداية ماتتقبلين الوضع وتشتاقين لاهلك لكن بعد ما تتأقلمين في السكن ويصير عندك صديقات بيتغير الوضع
اهم شيء لاتخلين جمعة البنات تلهيك عن الدراسة وان شاء الله ترتاحين مع روميتك واذا كان في غرف مفردة اريحلك بيكون
موفقه ان شاء الله
و حياآج الله عزيزتي بيآن
- مرحبااا عندي استفسار للي بيبدون دراستهم بفصل الخريف7 "
متى يتدخلون السكن ومتى راح يكون اختبار التوفل انا ضايعه ومدري ايش السالفه - بالنسبة للسكن قبل 4 ايام تقريبا من بداية الدراسة مسموح تجي7 "
لكن التوفل حق فصل الخريف باقي ما تحدد
اذا انتي تقصدين فصل الربيع هذا الي يبدأ بعد شهرين تلقين التواريخ كلها هنا : التقويم الأكاديمي 2012/ 2013
لكن اذا تقصدين خريف 2013 /2014 اجل باقي مطول ما بيحددونه الا بالصيف - 7 ".بالنسبة للسكن قبل 4 ايام تقريبا من بداية الدراسة مسموح تجي
لكن التوفل حق فصل الخريف باقي ما تحدد
اذا انتي تقصدين فصل الربيع هذا الي يبدأ بعد شهرين تلقين التواريخ كلها هنا : التقويم الأكاديمي 2012/ 2013
لكن اذا تقصدين خريف 2013 /2014 اجل باقي مطول ما بيحددونه الا بالصيف
الف شكر لك اخوي
August 11th, 2012, 02:14 AM
بسم الله الرحمن الرحيمالسلام عليكم ورحمة الله وبركاته
انا بدخل جامعة الشارقة هالسمستر بالسكن باذن الله
لكن ماعرف اني ثينق
ياليت تخبروني شنوو اخذ معاي وشنو اشتري مشان اتجهز من الحيين
من خبراتكم شنو الاشياء المهمة الي اخذها ورح احتاجها
وشنو تنصحووني بحياة السكن شنو اتجنب وشنو اسووي من خبرتكم
لأاني محتارة وخايفه
بأنتظاركمم