دراسة الماجستير في جامعة الشارقه_ ساعدوني

اهلين ..
بالنسبة للاختبار عادي توفل او ايلتس ما فيه مشكلة
و بعد عادي اذا بغيتي تختبرين برا لكن بالنسبة للتوفل اذا تبن تختبرين برا لازم تاخذين توفل IBT
الي هو على الانترنت لان الورقي ما يقبلونه من برا لازم تاخذيه في الجامعه
و بالنسبة للسكن انا اقول لك عن سكن الطلاب جدا ممتاز و كل شي متوفر لكن ما عندي خلفية عن سكن البنات
لكن بشكل عام جيد .. و بالتوفيق

الف شكر اخوي ما قصرت ..

أختَ الآء ..
اناَ مقيمهَ في سكنَ الطالباتَ حياج اللهَ حبوبهَ ^_^
أممممَ نصيحهَ مني لجَ سكنيَ خارجَ الجامعهَ ..
الاسبابَ ..
السعرَ مايستاهلَ الغرفهَ وانيَ مأخذه ثنائيَ مميزَ ..
الموصلآت من السكن مأتتوفر للكل يعني متلآ اني ادرس فيَ الفل مابعد ادخلُ التخصصَ فَ صراحهَ شخصينَ من السائقينَ يشفقوَ علي ويركبونيَ مشان يوصولنيَ ..
عندَ كل اجازهً نص سنهَ و سنويهَ لآزم تشليَ كل اغراضجَ الي بالغرفهَ تحطيها بكرتونَ وغيرَ اذا عندجَ تلفزيونَ او ماكرويفَ وتحطيهمَ في مستودعَ صغيرَ حق كل بناتَ السكنَ !!!
^^ لما ياتَ السفارَ طبعا قلنا ليهمَ عن الشكواتَ ومنهاَ بناتَ اجدمَ مني يقولونَ تصيرَ حالآت سرقهَ يعنيَ متل ابنيهَ شالتَ اغراضهَ و حطتهمَ بالمستودعَ وكانوَ 6 كارتينَ رجعتَ بتأخذهمَ ماطلعتَ الا بـ 3 !!
وأيضآ اذا مرضتيَ اهتمامهمَ مش ذاك الزودَ والطبيبةَ الي تجيَ غيرَ مهئيهَ !!
الرحالاتَ كل جمعهَ مول ومايتغيرونَ 3 فقطَ .. و الثلاثاءَ سوبر ماركتَ .. واذا عندجَ تصريحَ تطلعينَ في الاسبوع مرهَ واحدهَ فقطَ ..


عذراَ بسَ لآزم تعرفينَ شنو قاعَ يصيرَ وربيَ يووفقجَ =)

غريبة صراحة .. احنا عندنا النظام مختلف
قبل نهاية السمستر تدفع عربون للسمستر الي بعده و بكذا تسافر براحتك و تخلي اغراضك بالغرفة و تسكرها و تاخذ المفتاح معك !
تأكدي من النقطة ذي لانه ما اظن يكون النظام مختلف بين الطلاب و الطالبات .. و اذا كان مختلف الله يعينكم صراحة !!

عليَ , اناَ تونيَ هايَ السنهَ ولآكنَ لماَ جات السفارة عندناَ تمَ طرح هايَ الشكوىَ معَ شهادةَ كثير من البناتَ الجديماتَ ..

وبالنوووفيقَ =)

اخت اساهي مشكوووره حبيبتي جاوبتي عن كل الاشياء الي كانت ف بالي وشاغله تفكيري شكككرا.. توقعي اني ارجع اسألك عن اي شي ثاني ..
اخوي علاوي ماقصرت على اهتمامك ..*

ولو حبوبهَ لآزمَ نخدمَ بعضَ ^_^ ..
حياجَ في أي وقتَ ..

بالتوفيقَ =)

lن وجهة نظري السكن في السكن الجامعي افضل من الخارج
اذا جينا نتكلم عن مكان بيرفكت مارح نلاقي وصحيح احياناً نعاني من كم شغله مع المشرفات والأنظمه اللي مالها داعي أحياناً بس لوفكرنا فيها بمنطق نلاقي أنها لصالحنا
ثاني شي احنا جايين ندرس يعني مستعدين نسكن وين ماكان عشان نخلص امورنا ومن وجهة نظري السكن نظيف جداً وفي عاملات تنظف لك الغرف مره كل أسبوع وطبعا التنظيف مجاني من سعر الإيجار
متى مااخترب عندك شي او احتجتي عامل لأي شي السكن يأمننه لك صحيح ممكن تطري الشي منهم اسبوع اواكثر بس في النهايه يأمنوه الك خلي ابوكي يدق وبيأمنوه في نفس اللحظه هههه
ثالث شي الباصات..!!! الباصات كل ربع ساعه متوفره واللي يدرسوا بالذات بالكليات الطبيه والفنون الجميله يحتاجو الباصات لأنه بدونها مايقدرو ينتقلو لكلياتهم بس بالنسبه لليفل اغلبهم جنب بوابة السكن وفي باص واحد وكل خمس دقايق موجود وميكرو صغير وكمان كل دقيقه يمر غير سيارتين مثل سيارات القولف بس تدفعي 5 درهم للتوصيله الوحده عاد اذا راجعه الجمعيه محمله بالأغراض مالك غنى عنهم يوصلوكي لباب السكن
انا ليه اقولك تسكني بالسكن وفي نفس الوقت اقولك انه في مشاكل..؟
تحصل سرقات اذا غرفتك مفتوحه اوقالولك لمي اغراضك ومالميتيه وللعلم نهاية السنه بس نلم اغراضنا نهاية السمستر مكانهم ولايحلمو نشيلهم وهالحركه من جد متعبه وكم مره اشتكينا بس لأنه بفترة غيابنا الطويله مثل هالفترات تجي الصيانه يجددو الأصباغ يشيكو على الخشب والحديد وهالأمور التقنيه فيخافو السكن انهم يسرقو من اغراضك وبهالطريقه يخلو مسؤليتهم من هالشي
لوانك سكنتي برا اولا بتاخذي شقه فيها غرفه وحده على قدك والأغلب ماتلاقي بالشارقه كثير وان لقيتي اقل شي 24 الف شتسوي فيها..؟ اذا اغلب البنات بسكن الجامعه وانتي مسافره قليل اللي يطلع ويدخل عليكي بالشقه والمكان موحش كبنت لوحدك ومسألة أمان وما أمان
ثاني شي اغلى من سعر السكن وفوق هذا وراكي مسؤلية تدوري لك سواق يوصلك كل يوم وعاد كل يوم جدولك متغير ويوم طلعتي بدري ويوم طلعتي متأخر
تعطل عليكي شي انكسر شي انفجر شي اجلسي انتي دوري لك عامل واحنا بنات يعني مالنا بهالشغلات وقليل نعرف فيها فليه الغلبه وعوار الراس..؟
الثلاثاء اسبوعيا تتأمن باصات تودي لعجمان سيتي سنتر وفيه كارفور تقضي اغراضك مثل ماتبي وكل جمعه لمجمع معين (امارات مول-دبي مول-فيستيفال سيتي-مردف سيتي سنتر-ديره سيتي سنتر) ومن الظهر لليل واذا اهلك سمحولك بتصريح التكسي تقدري تستعمليه مره وحده كل اسبوع للساعه 11 الليل ايش احلى من كذا..؟
بصراحه اللي جدولها مزدحم كل هالطلعات واقصر وحده فيهم تكون مره مضيعه لوقتها وهالطلعات كثيره بعد وتكفي وتوفي يعني عادي يمر عليكي شهر اوشهر ونص ماتشوفي الشارع من السكن للجامعه ومن الجامعه للسكن ويدوب تلحقي..!
ثانيا الجامعه توفرلك باصات لوبغيتي تروحي الملحقيه او مستشفى اوعيادة اسنان او مطار او اي مكان تقدمي طلب قبلها بيومين ويأمنو لك ايش تبي اكثر..؟
هذي بالنهاية وجهة نظر من شخص مجرب واحتياجات الناس وارائها ونظرتها للأمور مختلفه وانتي سوي اللي يريحك والله يوفقك ياررب

^^ صح زينب في اشياء نستفيد منها وايجابيه ..
بس والله من القهر الي فيني >< قلت كل شي سلبي ×_× وماذكرت الايجابيات ..
يلآ الحمدالله على كل حال


وبالتوفيق لكم جميعا يارب ...