اتمنى منكم المساعدة العاجلة ؟؟؟؟اصحاب جامعات الاردن

مرحبا ...

بالنسبة لتخصص حاسب الي موجود في الاردن بس لازم تحددي ايش بالضبط حاسب الي يعني في هندسة كمبيوتر و في كمان تخصصات تكنولوجيا المعلومات الاي تي حسب تخصصك الدبلوم الي درستيه .. و طبعا للشباب و للبنات

بالنسبة للدراسة اكيد بامكانك تعملي عملية تجسير بسموها مو انتساب و بيعادلولك مواد من الي درستيها وطبعا مو كلها بيعتمد هالشي على معدلك في هالمواد ... بس غالبا بيعادلو سنة او سنة ونص هيك شي ..

في كتير جامعات تقدري تكملي فيها جامعات حكومية و جامعات خاصه وطبعا التكلفة بتختلف من جامعه لجامعه حاولي حددي الجامعه الي بدك تكملي فيها لتعرفي الرسوم حسب تخصصك ...وهدا الموق للملحقية الثقافية السعودية الموجودة بالاردن يمكن يفيدك من ناحية الاسعار و الجامعات الموصى فيها عندكم ...
http://jo.mohe.gov.sa/Arabic/Study/P...versities.aspx

وبالنسبة لطريقة الدراسة في الاردن فصيلة في السنة تلات فصول فصلين دراسسين و بامكانك توخدي فصل دراسي صيفي ...

بتمنى تستفيدي من هالمعلومات و ما اكون قصرت و اي شي بدك اياه تفضلي ...

amarnih
يعطيك العافية على الاجابة
بس معليه حبيت اسال انا دبلوم شبكات الحاسب الآلي ؟
وكيف طريقة التجسير يعني لازم اكون موجوده بالاردن لانه صعبة اروح الاردن حابة تكون انتساب فيه ظروف عندي ؟؟
وكيف معادلة المواد يعني الحمدالله معدلي قوي بالدبلوم يعني تقصدي ياخذون مواد ومواد لا ؟؟

والدراسة بالانجليزي او بالعربي ؟؟؟
وشو تنصحين باي جامعة تكون سهلة ومتعاونه مع الطالب او الطالبة ؟؟

تحياتي ..

مساء الخير ...

بالنسبة لتخصص هندسة شبكات ما في هالتخصص في الاردن في هندسة اتصالات او هندسة كمبيوتر .. هلا بدك تعملي عملية تجسير على واحد من هالتخصصين انا لو مكانك بختار هندسة الاتصالات لانه في تشابه كتير في المواد بين تخصصك و هالتخصص و بالتالي بيعادلولك عدد اكتر من الساعات طبعا بحكيلك هيط لانه انا معي دبلوم هندسة اتصالات وبعرف ايش الخطة الدراسية لكل واحد من التخصصين ..

انا صراحة مو فاهم كيف يعني انتساب ؟؟؟ يا ريت لو توضحي ؟؟ بس بتمنى ما يكون قصدك انه الدراسة بالانتساب ؟؟ لانه الدراسة بالانتساب مو موجودة في الاردن وكمان مو معترف فيها هناك .. انا لو مكانك بشوفلي مكتب جامعي عندكم في السعودية و هو بيتولى كل هالعملية بدل ما حضرتك تطلعي على الاردن ...

بالنسبة لمعادلة المواد بيعادلولك تقريبا 70 في المية من المواد الي اخدتيها بس مو كلها هيك قانون وزارة التريية و التعليم الاردنية و حسب معلوماتي بيعادلو لحد 50 ساعه مو اكتر من هيك ... بس طبعا هالشي بيختلف لانه في دبلوم سنة و في دبلوم سنتين و في تلات سنين كل واحد و اله حساباته ... وطبعا كل جامعه بتعتمدلك غير عن التانية ..ز بدك تشوفي الجامعه هم بالعادة بالتسجيل بيقررو كم يعتمدولك .. واهم شي انه يكون تشابه بين الخطة الدراسية لتخصصك في الدبلوم والتخصص الي بدك تدرسيه في البكالورويوس وكل ما كان في تشابه في المواد كل ما اعتمدوولك ساعات اكتر ... هالشي في الاخير بيعتمد على خطتك الدراسية ومعدلك في كل مادة ولازم تعرفي انه كل مادة معدلك فيها تحت ال 60 ما بعتمدوها في الجامعه ...

الدراسة في الاردن باللغة الانجليزية بتكون المواد بس الدكتور طبعا بيشرح باللغة العربية و في بتكون ملخصات كمان باللغة العربية مش رايحة تواجهي اي صعوبة ولو انك في الانجليزي من مرة مع الوقت بتعودي على الوضع الجديد ...

انا بنصحك تعملي عملية التجسير لجامعه خاصه مو حكومية لانه حسب معلوماتي في الخاصه بيعتمدوولك اكتر من الجامعات الحكومية .. في اكتر من جامعه ..

عمان الاهلية او جامعة فيلاديلفيا او جامعه العلوم التطبيقية .. بس معظم الطلاب الخليجيين بيدرسو في جامعه العلوم التطبيقية و بعديها جامعه عمان الاهلية ... هدول كتير كمان موقعهم مناسب في عمان نفسها وخصوصي التطبيقية ..والسعر بيختلف من جامعه لجامعه ... بدك تشوفي ايش الي بيناسبك ... بس بنصحك في جامعه العلوم النطبيقية ..

بالنسبة لموقع جامعه العلوم التطبيقية تفضلي ... http://www.asu.edu.jo/
وكمان موقع جامعه عمان الاهلية ..www.amman.edu.jo
جامعه فيلاديلفيا ..www.philadelphia.edu.jo

شوفي ايش الي بيناسبك من هالجامعات .. ومتل ما حكيتلك حاولي انه تشوفي مكتب جامعي يخلصلك معاملاتك اريح لراسك و اذا انتي ناوية تسافري لاردن و تخلصي كل شي اعرفي كمان ايش الاوراق المطلوبة لتعادلي شهادتك الدبلوم ... ولتسجلي في الجامعه ..

تحياتي

يعطيك الف الف الف عافية ان شاء الله ماقصرتي كفيتي ووفيت

تحياتي

اختي انا من رأي لو تشوفي لك مكان آخر غير الأردن أفضل..

اخذيها مني انا دبلوم رحت الأردن ورجعت .. ليس طبعا بسبب المعيشة

لكن الأردن ما يعاادلون شي .. يعني بيقولو انهم رح يعادلون 40 الى 50 ساعة طبعا مو صحيح .. رح ياخذو الشهادة ويقول لك هذا عندنا احنا كذاغير.. و.. و.. و.. الخ
بلإضافة الى ذلك .. عندهم نظام جديد ..أي طالب دبلم يبغى يكمل لازم يختبر اختبار شاامل في جامعة البلقاء.. وقيمة الإختبار 300 دولار!!
يعني قبولك في الجامعة مشروط بهذا الاختبار .. وحسب ما شفت كثيرر ما عدو الاختبار .. طبعا هذا الكلام بالنسبة للجامعات الحكومية ..

أما الجامعات الخاصة ممكن تعادل لك أكثر لكن مو كثيير الفرق .. واعتقد ان ما عندهم شرط اختبار الهيئة..