تجمع مستجدين جامعة الخليج العربي بالبحرين

روما , عبدالله

بما أن المعلومات طارت من أول ما أخذنا الشهادة ..!

فشنو رايكم نتساعد على حل الأسئلة ..

بما ان احنا ثلاثة بهالموضوع .. والمواد 5

رياضيات , فيزياء , كيمياء , أحياء , إنجلش

فكل واحد منا يأخذ مادة وحدة ويذاكرها تمام ويحل أسئلتها ,, أوكي

وبعدين يحط نموذج إجابته هنا ,, يعني أرقام الخيارات ,, عشان نتأكد كلنا من حلولنا ..

مثلاً أنا اخذ الأحياء , روما تأخذ الفيزياء , عبدالله يأخذ الرياضيات

أذاكر الأحياء وأحل الأسئلة وبعدها احط حلولي هنا .. بحيث لما تذاكرون الأحياء تكون الأجابات جاهزة وفي نفس الوقت تتأكدون من معلوماتكم وأتاكد من معلوماتي .


والإنجلش نخلييه آخر شيء .. عشان نركز عليه

شنو قلتوا ؟!!

وفي ملاحظة / إذا عندكم رام 2 حق بهاء فوزي ذاكروا منه بدل ما تفتحون مناهج الثانوي كلها , وبعدها فتحوا النت وأبحثوا عن معلومات عن مناهج البحرين ..

مارديتو عليّ !

لايكوون اقتراحي فاااشل .؟

كان همي بس أنّا نستفييد ونستغل الوقت

بالعكس يا رمادا إقتراحك حلو وأعجبني

أنا حليت الأحياء وبعض الكيمياء وإن شاء الله أتأكد من أجاباتي زين و أحطها ,, إن شاء الله على العصر " إذا ما نمت "

بالنسبه لكتاب الرام 2 عندي موجود بس ما أستفدت منه بحل النماذج ..


بس أبغى أسألك أشوف الناس مره مركزين على النماذج حتى بالملحقيه نبهوني اكثر من مره على النماذج تتوقعين الأسئله بتكون بنفس الدروس الموجوده ؟؟

أهلاً روما ,,

حتى انا لما كلمت الملحقية وقلت لهم أنا ما عندي أي فكرة عن الامتحان قالو لي : النماذج اللي بالموقع !

قلت : وغيره ؟

قالوا : بس ,,

النماذج مهمة ,, مو شرط الأسئلة نفسها بس على نسقها وطريقتها ..

أما رام 2 فهو يسوي مراجعة للمواد العلمية حقت الثانوي كلها ,, ذاكري منه أحياء وكيمياء وصدقيني بتستفيدين كثييير

انتظر حلج للنماذج عشان أطابقه مع حلي

فعلاً هو زين بالكيمياء والأحياء


بس الرياضيات والفيزياء ماعندي مصدر أسوي ريفريشمنت للمعلومات ,,


دورت و دورت مالقيت , خاصة الفيزياء في الرام 2 بس موجود أسئله ..

جاري التأكد من الأجابات وإن شاء الله أضيفها هنـــا ..

^^

صحيح ,,

أتذكر باختبار القياس ذاكرت للفيزياء من كتاب رام 2 لجامعة البترول ,, كان خطيييير من جد

بس اذكر ما لقيته بالمكتبات , أعارتني إياه مدرستي ورجعته لها ..

ع العموم أنا أذاكر الأحياء وأحس الأسئلة فيها اشياء سهلة وفيها أسئله غريبة زي سؤال نوع الأشعة اللي بتشرنوبل ؟

أنتظر إجاباتج ,,

روما ,,

أنتظرج ..

معليش اختي رماد على التاخير ..
لان ماعندي والله اي خلفيه عن كتاباتكي ذي ..

وفكرتكي والله مرره حلووه ..
وان شاء الله احل الرياضيات وارجع لكم ..

^^

ممتاز جداً ,, أنا وروما حلينا الأحياء ولما نتأكد من إجباتنا بنحطها هنا ,, أوكي

وياليت أخوي لما تخلص من الرياضيات تحط الإجابات هنا إذا ماعليكم كلافة ..

بالنسبة لكتابي هو اسمه رام 2 الاستعداد للاختبار التحصيلي لمؤلفه بهاء فوزي أبوزيد وهذه الكتاب حلوو في الكيمياء والأحياء لإنه يراجع لك معلومات الأحياء والكيمياء للمرحلة الثانوية كلها بشكل مبسط وسهل ..

ان شاء الله رمادا ..

قريبا بس وانزلها ..
بعضها حليتها والبعض الاخر بشوف لها حل ..