جامعات الاردن

انا ادرس في الجامعه الاردنيه تقريبا هذي اكبر جامعه في الاردن يعني الجامعه الام عندهم

بس الصراحه اذا انت مو مقتدر يعني دراهم بالعربي راح تتعب ترا هنا البلد نار غاليه مرا مرا

انا بس رسوم الدخول لجامعه مع تسجيل فقط مادتين اخذو مني قرابة 15 الف طبعا رسوم الساعات الدراسيه بالاضافه للتسجيل في الجامعه يعني بس اول ترم لاتخاف

ثاني شي الشعب اخلاقهم مو تمام يعني مايساعدو احد وفيه حزازيه كثير هذا راي الخاص لاحد يزعل ويعصب

واعيد اقلك ترا بلد غاليه الدينار تقريبا خمسه ريال سعوديه يعني اغلى من الدولار

وفي النهايه انت الي تقرر ولا تعتمد على رائي الخاص اسئل كمان


بالنسبه للتخصص في جامعات كثير بس خليني اتاكد مزبوط من اساميها او افتح انت موقع الوزراه وشوف الجامعات الموصى فيها ويبين التخصصات حقت الجامعه ترا مرا مريح الموقع جرب


وسامحني ياخوي اذا ما افدتك او خوفتك شوي بس لاتعتمد على رائي واسئل غيري

اشكرك على المعلومات
وعلى فكره انا مابعد ابتعثت والاسجلت انا سمعت كذا واحد يمدح الاردن من ناحية التكاليف بانها صرفيتها قليله والدراسه بها ممتازه وانا فكرت انى اروح فيها
بس اذا كان فيه شي غير الاردن افضل منها وتكلفه اقل او معادله لتكلفة الاردن ياليت يفيدني

وبعدين ايش الفرق بين الجمعات الي هناك الاهليه والحكوميه هل فيه فرق ؟

طبعا الجامعة الاردنية تعتبر من اغلى الجامعات!! يعني الساعة ب350 دولار!! هذا جنون!! ماتصير ولا بأغلى الدول في العالم!!
بعدين التكاليف نار!!
مثلا البنزين عندهم اللي يعبي هنا بالسعودية فل ب30 يعبي هناك ب140 ريال!!

لكن فيه جامعة اليرموك اسعارهم جيدة. الساعة ب120 دولار أسعار معقولة ممكن تروح لها وموجودة بإربد مدية هادية وطبيعتها حلوة..
الله يوفقك

مثل ماقالوا الاخوان الاردن بلد جميله كجوء لدراسه من وجهت نظري ونصحيه اذا انت ناوي تجي الاردن لا تروح جامعه حكومية الجامعات الخاصه افضل وتعامل الدكاتره شوي حلو يعني متساهلين شوي مو مثل الحكومية اما بالنسبه للغلاء عمان اغلاء مدينه في الدول العربية

طبعا عمان افضل من اربد للشخص العزاب من وجه نضري اربد مدينه محافظه بشكل كبير لاني عشت فيها فترة طويله طبعا اربد ارخص من عمان والف شكر ..
هدوء الهاديه اهلين وسهلين فيك لكن اقدر اعرف وش تخصصك ويعطيك العافيه

احوي انا كنت بالاردن ومن وجهة نظري ولحد يزعل مني ان الاردن ما تنفع للدراسهللاسباب التالية
1-الغلاء الي فيها على ولا شي
2-العنصرية الزايده وشعبها غير ودود بالصراحه
3-النفسيه راح تكون معدومه وانا اتحداك اغلب الطلاب السعوديين الي هناك يوافقوني الراي
4- اذا تبي البعثه تجيك على طول رح امريكا او كندا او بريطانيا هذي الدول احسن لك واحد اعرفه له سنتين بالاردن وماجاته البعثه.....
ودمتم سالمين

اهلين اخوى طيب بالنسبه لدول الي قلتها امريكا وكندا وبريطانيا هاذي كيفية الدراسه فيها
انا سمعة انها متعبه جدا والايعادلون الدبلوم ومن ناحيه الصرفيه غاليه

لا تتحاملون على الاردن كثير هي صراحه غاليه واذا انت من الا ماتهمهم المصاري توكل على الله وتعال

بريطانيا وامريكا وكندا لازم تاخذ في الحسبان ان عليك حملين حمل التخصص وحمل اللغه يعني اذا انت تبي اي تخصص لازم تحفض المصطلحات باللغه الانجليزيه غير التحدث باللغه العامه ...

للرفع........................