عاجل بخصوص تحويل البعثه!!

يالغالية

الملك سعود مالها دخل ههههههههههه انتي كم لك متخرجه اذا انتي تبين الديره ومامضى على تخرجك اكثر من ثلاث سنين والتحصيلي والقدرات زين قدمي عليهم عادي في الصيفيه وانشاء الله يقبلونك

بس مانصحك لانك مبتعثه وعندك فرصه كندا احلمي مافيه طب ابد الا للمواطنين الكنديين جربي حظك بدول ثانيه بس برضوا مانصحك مادامك مشيتي مشوار كمليه اخذي البكالورويس بعدين لها حال

والله من ورا القصد موفقه

وش لك بالملك سعود روحى اوروبا

والله انا ودي اكمل في الاردن بس الظروف اقوى
وبعدين ليش كندا احلم فيها
ولهالدرجه التحويل صعب
وجامعة الملك سعود اقرب لي من اهلي
وبعدين
انا نسبتي 92.78%والقدرات 74والتحصيلي 76
وانا حلمي طب وهم ماقبلوني الا بكلية العلوم الترم الاول
انصحوني
وجزاكم الله الف خير

انا من خريجات عام 1428هـ
توني تازه على قولتهم

اذا انتي حابه ترجعي للسعوديه .. فجربي تكملين دراستك الجامعيه في احد الجامعات او الكليات الخاصه عندنا ..
مثل كلية الرياض اللي على طريق المطار .. وغيرها اللي تدرس طب و طب اسنان بالرياض ..

بس ماأدري اذا إلى الان موجود نظام الابتعاث الداخلي او لا .. اذا لسى موجود ( لازم تتاكدي ) فكل اللي عليك تدرسين سمستر واحد وتجيبي المعدل المطلوب وبعدين تشملك البعثه الداخليه ..


طبعا الكلام هذا صار لقريب لي نفس حكايتك .. ورجع كمل في كلية الرياض والتحق بالبعثه الداخليه بعد فصل ..

مشكور اخوي
بس انا مو حابه اضيع هالسنه خصوصا اني دارستها وجايبه فيها معدل
وماودي اضيعها
وودي لو يعادلون لي هالسنه
ويقبلوني في جامعه حكوميه
دعواتكم

التحويل صعب لازم يكون عندك سبب مقنع او واسطه

لاتفرطين في البعثه حاولي تحولين لبلد اخر

الامارات جامعة الشارقة جدا ممتازه في الطب ، او كلية الخليج الطبيه في البحرين او الامارات

يا اختى الكريمه اللي انتي تطلبيه لو كان اول يعني قبل كثر المبتعثين يمكن تحولي ..
من واقع تجربه والله اني في الرياض راحت التعليم العالي المهم يا كثر اللي يبو يحولو بس ما فيه فائده اول شي لازم تروحي التعليم العالي وتشرحي لهم الوضع اللي انتي فيه ويكون السبب مقنع مو عندك يكون عندهم لان من كثر اللي يبي يحول صار ما يحولو غير لسباب مقنعه او وجود واسطه وانتي في دوله عربيه يعني يكون التحويل اصعب لكي بس التحويل الى جامعة الملك سعود سهله اذا وجد اماكن انتي روحي الرياض لان هم اللي يوجهونكي لصح وتعرفي الحق يا تكملي في الاردن او التحويل .. نسال الله العالي القدير ان يكتب ما فيه الخير ..