اخواني وش افضل عائلة عن طريق المعهد او اني احجز العائلة بنفسي عن طريق البحث

اخوي الصاعق انصحك انك تاخذ لك عائله عن طريق المعهد لمدة شهر او شهرين وخلال تواجدك في فانكوفر اذا ما نسبتك العائله انت تسير تبحث بنفسك وانت موجود يعني تروح وشتوف العائله بنفسك حالياً خليك مع المعهد الين ما توصل وتسكن و تشوف بنفسك عائله ثانيه ياخي يمكن تناسبك العائله الي يوفرها لك المعهد ولا يحتاج تتعب نفسك بالبحث

وتوصل بالسلامه

ياخي انا أقول لك وجهة نظري
المعهد راح ياخذ عليك زيادة وأكثر العاوائل الي يجيبونها تعبانه إلا عاد حظك جاب لك عائلة كويسة
بالنسبة لي جيت عن طريق معرفة سابقة للي أنا ساكن عندها
يعني أعرفها من قبل لا أجي ومهتمه فيني كثير وتعلمني أنجليزي وتمشيني
الحمد لله على كل حال

أخوي الصاعق ياهلا وغلا نفس وضعي انت بالضبط

ونفس المعهد بس الفرق اني مو تبع البعثة انا على حسابي

وعلى كلام اخوي المتعنصر يقول اسكن اول شهرين عندهم

بس المشكلة كل قعدتي شهرين حرام اضيعها مع عائلة على النية ماخذهم !

ياليت أحد ينصحنا سوا هل نجزم على عائلة من المعهد او ندور عائلة او ان شاءا لله غرفة مو لازم عائلة بس ينصح اماكن البحث والاحياء المناسبة وشكرا

جربني انا راح انزل لك رد عن المناطق القريبه من الداون تاون

لكن الي بسئلك هو انت الحين اذا تعرف احد يحصل لك عائله زينه او يدل عائله فهذا شيء كويس لكن لو انك بتدور بنفسك فانت اش عرفك انو العائله الي حصلتها عن طريق النت كويسه على القليل المعهد لو ما نسبتك العائله تقدر تخليهم يطلعون لك عائله ثانيه بسرعه وبدون ما تدفع شيء

سوري اخوي صاحب الموضوع تقل بتلنا نسولف ههههههه بس والله للفايدة

أخوي المتعنصر ادري هذي نقطه حلوة لو كان المعهد يوافق يغير العائلة لك شي كويس جدا جدا

لكن أخوي احسبها شوي المعهد بياخذ حول الـ 200 دولار للهوم ستي للمعهد هذي والهوم ستي تقريبا 800 هذا حسب ماجاني من المعهد هذا

يعني طلعت عليك 1000 دولار معناته لو تاخذ غرفة بالداون تاون اصرف لك والا وش رايك ؟

مشكوووووووووووووووورين اخواني

الله يعطيكم العافية

بس بروح ان شاء الله هناك وبشوف العائلة هذي وان شاء الله تكون ممتازة بدون ماندور واذا لاقدر الله كانت مو كويسة اخلي المعهد غصب عنه يغيرهم

والله يوفق الجميع

اهلا اخواني ..

شوف انا من رايي انك تاخذ من المعهد نفس ماقال العضو اللي قبلي شهر واذا ماعجبك الوضع تغير العائله ..
وبنسبه للمعهد انا في المعهد واخذت العائله من عندهم الشهر الاول , اول ماجيت العائله ماعجبتني خلال يوم غيرته من المعهد يعني الوضع عادي وان شاء الله يكون تساهيل , والمعهد اصلا يقولك اعجبتك العائله ولا لا يعني اذا ماعجبتك كلمهم في واحده متخصصه في امور الهوم ستي ..
وبنسبه للاخ اللي يقول اخذ في الداون تاون اوفرلي ..
الداون تاون مافي الا شقق ممكن تاخذ شقه ترمت مع واحد ممكن تطلع ارخص ..
على العموم نفس ماقلت لك خذ في البدايه بعدين دور في موقع بس والله مو عندي الرابط في عوائل مره حلو الموقع تختار الموقع اللي تبيه
وحتى ممكن تحصل اسعار حلوه واحده محصل بـ 600 في موقع مره حلو 10 دقايق للداون تاون باسكاي ترين بعد يعني مره كلام ..
على العموم الله يوفقك ان شاء الله وكلها تساهيل ان شاء الله ..

شف ونا اخوك فيه عندك بالمعهد مكتب خاص بالعوائل والسكن يعني تقدر تغير العائلة من المعهد متى ماتبي وانا بصراحة

دافع لعائلة من الرياض عن طريق المعهد ولما وصلت تفاجئت انهم فلبينيين وريحتهم سمك ومعطينا ملحق وشغلهم خرابيط فا حاب

اقولك انك اذا حاط ببالك انك بتجي عند عائلة بتستفيد من اللغة تقريبا 90% من عوائل المعهد مصممين قسم للطلاب ومالهم احتكاك فيهم

يعني مسـتأجر غرفة عندهم ولك باب ومدخل لوحدك ولا تشوفهم الا اذا بغيت تطلب شي او يبغون منك شي هذا اللي اشوفة معي ومع

الشباب فا اذا كنت مصمم على عائلة يا تبحث عن عائلة كندية تشترط عليهم انهم كنديين او تدور بنفسك ونصيحتي تسكن

بسكن المعهد قريب من المعهد وتفتك من الباصات والغثاا وتكون بالدوان تاون وتاخذ راحتك وآسف على الاطالة

انا وجهة نظري اذا تعرف احد مجرب عايلة ابرك تاخذها من بعده واذا ما تعرف فهي ماهي فارقه عن طريق المعهد والا غير لان مثل البطيخه ما تبين الا لما تفتحها بس لا تخاف لك الحق في تغير العايله ونصيحها لا تاخذها اكثر من شهرين ...... انا شخصيا شهرين كان وايد لان افضل اعيش بروحي بالدون تاون. بس اذا توك جاي ومو عارف شي اذا العايله حليله بتضبطك بالتوفيق
واذا اي احد محتاج اي مساعده انا حاضر