تجمع طلاب University of Clagary

السلام عليكم ،،

يا إخوان أنا طالب في جامعة أخرى ، وفي هذا السمستر أخلص برنامج اللغة كاملآ ، ونزلت مادة أكاديميك لكن حذفتها لأني أفكر بتغيير التخصص من إدارة اعمال إلى قانون ،،

فـ وش رايكم في دراسة بكالوريوس القانون في هذه الجامعة ، وهل يستلزم القبول نسبة معينة ؟ ، وبخصوص اللغة ، لازم درجة معينة في الآيلس ، ولا وثيقة تؤكد دراستي البرنامج إنجليزي كاملآ في الجامعة اللي أنا فيها يكفي ؟

وجزاكم الله خير ،

أنا صار لي سنه بكالجري تقريبآ وأدرس بكالريوس بكلية السيت ام بالنسبه لجامعة كالجري فالجامعه من اقوى ومن اصعب جامعات كنداء ونظام معهد اللغه فيها يوجد قسمين بالمعهد الاول للمبتدائين ومدته تقريبآ تسعة اشهر لكن متى ماتحسن مستواك تنقلين للقسم الثاني اللي هو الاكاديمي وهذا مدته ايضآ تسعة اشهر لكن صعب شوي يحتاج مذاكره لاتقل عن اربع ساعات يوميآ لكن انا اشوف انك ماتدرسي بالقسم الاول حتى لو القسم الثاني ماقبلك تدرسين بمعهد تجاري لمدت اربعة اشهر وبعدها تحولين لمعهد الجامعه واكيد راح يحطونك بالقسم الثاني ونظام التحويل سهل . هذه نقطه
ونقطة انك توصلين قبل الدراسه بفتره فكره جيده لكن ما انصحك فيها لانك راح تزهقين وانتي ماتدرسين فتعالي قبل بدايت دراستك بثلاثه ايام والوضع راح يكون مرتب ماعليك غير ارسال رساله الى النادي السعودي وتبلغينهم بموعد وصولك ويكون كل شي مرتب استقبال بالمطار وسكن وغيره

وللمعلوميه حسب ما اسمع ان طلاب الماستر حتى لو درسو بمعهد الجامعه مطلوب منهم توفل او ايلتس

لابد من ايلتس او توفل والايلتس يشترطون 6.5 او 7

السلام عليكم
مساكم الله بالخير الجميع واتمنى انكم بصحيه جيده
انا ياجماعه الخير ادرس بفانكوفر مليت من كثر السعوديين وابي مدينه مثل كالجري بس مادري عن الناس اللي فيها هل هم كنديين كلهم ام لا
والله لايهينكم انا ناوي اطلع لها وابي نصيحتكم يا اخوان فانكوفر حلوه والسعوديين مثل اخواني بس المشكله كثر السواح اللي فيها والغلا بعد فيها واللغه عندي مكسره مع اني صار لي 9 شهور وش تنصحوني فيه وابي تخصص هندسه هل هو موجود بكاجري ام لا وكم عدد السعوديين وكيف المدينه
واسف ع الاطاله وربي يوفقكم
انتظر الرد

مرحبا يا أخوي فليكن في علمك السعوديين في كل مكان بس النسبه في كالجري تعبر قليله يعني لا اتوقع ان عدد السعوديين يتجاوزن 150 شخص الفترة الحاليه
وللمعلومية جامعة كالجري جميع التخصصات موجوده فيها والهندسة موجوده بس بما ان راح لك 9 شهور لا اظن الفترة الباقيه كافيه لك في معهد اللغه لانه في صعوبه شوي
بعدين اللي اعرفه ان كالجري ارخص من فانكوفر من ناحية المصاريف والمدينه حلوه جدآ بالنسبة لي رغم انها ليست سياحيه والله الموفق

السلام عليكم انا جاني قبول المعهد بجامعة كالجاري بس بستفسر هل لما اوصل بيكون السكن على حسابي والا حساب الوزاره لان انا بعثتي ع حساب الوزاره وكيف احول لمعهد تجاري وانا قد عندي قبول وهل المعهد التجاري انا ادفع ام ع حساب الوزاره وغير كذا اخويه معي مرافق ابي اجيب له قبول باالمعهد ذ جيوس كيف اقدر اجيبه هل انتظر لين نوصل والا اقدم قبل مانسافر؟؟؟؟ تكفون ردوا باقرب وقت

وعليكم السلام .
السكن على حساب الطالب المبتعث الوزارة فقط مسؤوله عن دفع رسوم الدراسه للمبتعث والمرافق وعن صرف مكافئه شهرية للمبتعث بمبلغ 2696 دولار كندي والمرافق 1400 دولار كندي .
وبالنسبه للتحويل للمعهد التجاري الموضوع سهل تاخذين قبول من اي معهد وترسلينه للملحقيه اثناء فتح ملف الطالب المبتعث لانك اكيد طالبة ماجستير والماجستير مافيه قبول جامعه يعني تقدرين تتصرفين باي طريقه تناسبك .
وطبعآ مثل ماقلت الدراسه باي مكان على حساب الوزاره تتطلبين منهم ضمان مالي للمعهد فقط .
وبالنسبه لاخوك لابد من قبول من مدينة كالجري لان المطار في كالجري مايدخلونه للمدينه الا بشرط يكون معاه قبول من اي معهد بمدينة كالجري على اساس استخراج الاستدي بيرمت اللي هو تصريح الدراسه . يعني لابد يكون معاه قبول قبل السفر وبعدين مايقدر يطلع الفيزاء الا بقبول .
واي استفسار حاضرين.

طيب اخوي كاسبر الله لايهينك بعد اذنك ارسلي ايميلك ع الخاص تكفى ابي استفسر عن اشياء كمان والله مالي احد غير الله واهل الخير مثلك تايهه مدري ايش اصلح انا ماعندي مشاركات الا كان ارسلتلك ع الخاص انتظر ردك باقرب وقت بعد اذنك يااخوي

ياشباب انا مع اختي راح نجي لكالغري

لكن ادور سكن عائله ,, اتمنى اللي عنده خلفيه يفيدني الاسعار ووووو

مافهمت عليك عليك تبي تسكن مع عائله انت واختك والا تبي تستاجر شقه
العوائل السكن معاها الشخص الواحد تقريبآ 650
ام ايجار الشقق تقريبآ 1200 بالشهر غرفتين وصاله ومطبخ ودروة مياه.

لكن متى موعد وصولك