شقة للأيجار بالدوان تاون فانكوفر

مازالت الشقه متوفره

^^^
عفوا عزيزي

ياليت توفر لنا أكثر معلومات مثلا ماهي التسهيلات المتوفرة ؟ انترنت واير لس كيبل تي في وغسيل وزي كذا يعني

وياليت توفر على الياهوو ماب خريطة للموقع علشان يسهل التعامل وتكون الفكرة واضحه لانه لو كنت انت بالداون تاون او قريب من قرانفيل بالتأكيد بالنسبة لي بأخذ الشقة

لكن لازم توضح لو سمحت

شكرا

اهلين وسلهين اخوي
بالنسبه للشقه فيوجد بها المطبخ ويوجد به ثلاجه وفرن وحمام واحد طبعاً اما بالنسبه للأشياء الموجوده بالشقه فيدخل مع الايجار التدفئه والمويه الحاره
ايضاً بالعماره غرفة غسيل ملابس في اي وقت تقدر تنزل وتغسل ملابسك
ويوجد مستودع للشقه منفصل يوجد بالدور الارضي. الشقه موجوده بالدور السادس لا يوجود بها انترنت - تقدر تطلب اشتراك انترنت يجيك في فتره سريعه بالسعر الي يناسك- يجو لين عندك ويركونه في عشر دقايق او تقدر تخش مع بعض الواير لس المتاح من اصحاب الشقق الاخرى وهذا الشيء انا كنت مسويه ولا احلى

بالنسبه للشارع الي قريب منها في تقع في احد اهدء مناطق الدوان تاون يعني ما تسمع ازعاج الاسعافات اخر اللي وانت نايم مو زي بعض المناطق زي قرانفل استريت وسيمور وروبسون
العماره مطله على البحر وقريبه من سوبرماركت كبير يشتغل الى وقت متأخر من الليل - الى الساعه 2 الليل- وبينها وبين محطة الباصات دقيقتين تقدر تاخذ باص يوصلك على قرانفل استيشن في سبع دقايق تزيد او تنقص

بالنسبه للكهرباء فهي غير خاشه في الايجار مع العلم بأن فاتورت الكهرباء لا تتجاوز العشرين دولار شهرين

لظروف نقلي اضطريت اخروج منها

ولأي استفسار اخر انا حاضر

انا ما عرفت كيف احط لكم رابط الخريطه حقت قوقل

لكن ل خشيتوا قوقل ماب وحطيتوا هذا العنوان راح يطلع لكم موقع الشقه

1380 Jervis st, Vancouver, BC

يعطيك العافيه اخوي..

بس ياليت تزودنا فالصور لاني من جد طفشششت من السكن مع العائله وابي اطلع،

يالغالي وشسمه
ما قدرت ارسل حاص يقول توك لسى باقي تكبر ونخليك ترسل
^-^
وشسمه ياليت ترسل لي موبايلك خاص
اذا ما في كلافه لاني مستعجل وابي اقابلك واشوفها

الله بجزاك الف خير
واذا راحت
ما قصرت وسويت اللي عليك
^-^

اسف اخوي معاند في تأخري بالرد على استفسارك لا يوجد لدي حالياً صور لها لكن لو حاب تشوف الشقه بنفسك اعطيني خبر

ارسلت لك على الخاص شيك وشوف ورد علي لو تبي تشوفها

up up up up up up

يعطيك العافيه
جاري البحث لمن يرغب عن استئجار الشفه فموقعها ممتاز