لطلاب جامعة فانكوفر ايلاند :: مهم جداا ::

UP uP

.
.

هلا اخوي

حياك بنانايمو .. مدينة حلوة وهادية وصغيرة .. مناسبة للعيشة ومريحة ..

المعهد حقهم ممتاز جدا للي لغته متوسطة وما فوق .. اللي لغته زيرو لا يجي معهدهم ولا يقربه ..

لا تشيل هم الفلوس دامك على حساب الحكومة .. تعال وانشالله امورك تساهيل ..


تعال ومعك كاش يا صاحبي ألفين دولار احتياط .. لو ما نزلت لك مكافأة تقدر تزبن عمرك وتدفع السكن وتصرف على نفسك .. السكن بيكلفك حول 650 .. وعلى حسب صرفيتك وروحاتك .. لكن فيه أشياء أساسية مثل بطاقة الباص بــ 45 دولار .. الكتب حول 250 دولار .. تأمين صحي بـ 135 دولار .. وحق قروشة يمين يسار تضيع يصير لك شي ممكن تروح 200 دولار ..


جب معك اغراضك بس احرص انك ما تكثر علب ومطاريس .. واحرص على العلب يكون عليها تاريخ الانتهاء موجود والا ما يدخلونها ..

الملابس جب معك ملابس عادية لا تكثر .. أهم شي جاكيت للمطر .. وجاكيت ثقيل للشتاء .. بس ..
احرص يكون عندك اكثر من جزمة .. وزنوبة للشغل السريع .. وصندل يكون حق مشاوير صغيرة .. 3 أو 4 جنزات كافي .. وكثر تيشيرتات ..


تقدر تجيب معك 3 كروز دخان بالشنطة الكبيرة .. وواحد بالشنطة اللي بتشيلها بيدك ..


كل مدينة بالعالم فيها داون تاون .. الداون تاون عبارة عن أهم منطقة بالمدينة .. المنطقة اللي فيها الأسواق والمطاعم وكل شي .. يعني مثل العليا بالرياض ..


الرحلة انصحك على نانايمو مباشرة .. لأنك لو بتاخذ لفانكوفر بتضطر تشيل شناطك معك وتاخذ تاكسي وبعدين تركب العبارة .. تعب ومصاريف مالها داعي .. انا ارتكبت الغلطة ذي ورحت فانكوفر وتبهذلت ..

أتمنى اني افدتك ..

.
.

يابعد عمري تسلم والله شكرا جزيلااااا


طيب وش افضل خطوط طيران اقدر اخذها ؟؟؟



الشي الثاني في نانايمو اقدر احصل نادي رياضي حق كمال اجسام والا مافيه



تحياتي

كفيت ووفيت اخوي جزاك الله خير

انا حجز على خطوط البريطانيه من الرياض الى فنكوفر على البريطانيه اليوم 27ــ8 الساعه 35ـــ7 ص اوزن العفش على حسب كلام موظف الخطوط شفته في المطار قلي 50كيلو لشنطيتين 2 شنطه وداخل الطايره 7 كليو بس ابحجز الى نانايمو افصل بس ابحث عن العائله بــــــــــــس حـــلـــــو كـــــــــــــــــلـــــــــــــيــــــــــــــــج ـــــــــــــــــا

.
.

من السعودية لفانكوفر فيه مسارين تقريبا .. رياض - فرانكفورت - فانكوفر - .. رياض - لندن - فانكوفر ..

وأفضل خطوط هي اللوفتانزا الألمانية ..


وترى نانايمو تعتبر مدينة .. ميب حارة عشان تسأل فيها نادي أو لا .. أكيد فيها نوادي ..

بس النوادي اللي فيها عادية .. ما فيها زود حجم وفخامة ..

.
.