LinkBack URL
About LinkBacks
هلا والله شوف لازم يكون فيحسابك اقل شي 80 الف وكشف حساب حق اخر ثلاث شهور اهم حاجة انها تكون في رصيدك وانت مطلع الكشف 80 الف ريال .
والله مدري و انا اخوك كان تمشي ولا لا بس ممكن تمشي اذا الحساب يغطي المهم شوف لان ما ابي اقولك ويطلع خطأ فهمت علي
اما الجامعاات والله الجامعات كثيرة بس انت شوف الجامعة اللي تبيها ادخل موقع الوازة وروح الجامعات الموصاا بها وختار الجامعة وشوف واسأل عنها والأنترنت فيه كل شي
سامحني على القصور
7 " والله مدري و انا اخوك كان تمشي ولا لا بس ممكن تمشي اذا الحساب يغطي المهم شوف لان ما ابي اقولك ويطلع خطأ فهمت علي
اما الجامعاات والله الجامعات كثيرة بس انت شوف الجامعة اللي تبيها ادخل موقع الوازة وروح الجامعات الموصاا بها وختار الجامعة وشوف واسأل عنها والأنترنت فيه كل شي
سامحني على القصور
January 9th, 2010, 10:09 AM
الله يسعد صباحكم ..اخواني / اخواتي أرجوكم ساعدوني وريحوني الله يجزاكم بالخير
أنا لي تقريباً اسبوعين وانا احوس بالمنتدى من ملتقى لملتقى وأستفدت كثييير الحمد لله بس ما زال في راسي اسأله مالقيت لها جواب كافي للحين
تكفون اللي يدخل ويشوف موضوعي وله خبره يفيدني وأكون ممنون ..
أنا طبعاً حديث التخرج من كلية الجبيل الصناعية تخصص هندسة قوى كهربائية .. انجليزيتي جيده الحمد لله بحكم دراستنا كلها باللغه الإنجليزيه وودي أكمل دراستي بتخصصي بكندا إنشاء الله وأنا متأكد بأن معظم جامعات كندا تعادل موادي لأن الكلية حائزه على الإعتراف الأكاديمي الأمريكي والبريطاني ومنهاجنا كنديه .. بس اللي ودي أعرفه :
* سؤالي الأول : كم لازم يكون بحسابي مبدئياً علشان أحصل على قبولات من المعاهد والجامعات الكنديه ويغطي تكاليف المعهد والسكن والمعيشه مع العلم بأن المبلغ المتوفر حالياً عندي 40 ألف ريال ؟
* سؤالي الثاني أختي الله يحفظها هي اللي بتتكفل بمصاريف دراستي لين تجيني البعثه إنشاء الله .. سؤالي : علشان أطلع الشهاده البنكيه لازم تكون باسمي ولا عاادي تكون باسم أختي ..؟ مع العلم بأن كشف الحساب 6 شهور راح يكون باسمها أساساً ؟
* سؤالي الثالث : أبي أعرف أفضل الجامعات المعترف فيها بالوزاره اللي تدرس تخصصي ( هندسة قوى كهربائية ) ؟ وياليت تكون بولاية رخيصة كمعيشه ويكون فيها معاهد تعتمدها الجامعه وتوفلها كويس وياليت أعرف أسماءها >> أتمنى اللي بيفيدني بهالنقطه يكون تخصصه مثل تخصصي أو يكون عنده معلومات عن التخصص ما ودي اتلخبط فديتكم
* سؤالي الأخير : هل ضروري يكون معاي الضمان المالي علشان إصدار الفيزا من السفاره الكنديه ..؟ أو أكتفي بالشهادة البنكيه وكشف الحساب في المقابله ..؟ ما ودي أتمرمط بالوزاره علشان الضمان وممكن يشترطون علي مبلغ أكثر من الـ 40 ألف وهذا اللي متخوف منه !!
آسف على الإطاله .. وأتمنى أتمنى اللي يقرأ موضوعي يساعدني ويوجهني للصواب .. تكفون لا يخيب ظني وأفقد الأمل
ملاحظة : محتاج وقفة شخص مبتعث على حسابه الخاص يوجهني أول بأول ... ياليت يرسلي إيميله رساله خاصه ..
الله يجزاكم خير ويسعدكم ويوفقكم وإنشاء الله تجيبون الدكتوراه وترفعون راس السعوديه >> وعقبال ما أجيكم أنا إنشاء الله في القريب العاجل آمين يارب