استفسار جامعة باسيفك قيتوي الدولية (دراسة اللغه )

مااحد رد رد علي
ع الاقل ابي منكم تقولين لي وين موقعهـآ بالضبط بداون تاون بفانكوفر ولا في اي مقاطعهـ..

السلام عليكم

ما ابي اسوي لك احباط بس المعهد هذا كنك رايحة للمطار تجيبين سواقكم كله فطس

موقعه بالداون تاون على شارع روبسون موقعه حلو بس انا قبل كم يوم مرية عليه كله فطس ومعهد كنه متوسطه يعني هذا الي انا شفته

اذا تبين معاهد ثانية راسليني وان شاء الله افيدك

انا لي سنه هنا وتقريبا عارف المعاهد كلها


تحياتي ..

خخخخ انا بنفس المعهد والله الي سمعت انه من جد كله كوريين ويابانيين بس سعوديين مدري

بس اعتقد انه جيد نوعا ماااا
المشكله الحين اذا كان هوا في الداون تاون في فانكوفر اكيد راح تكون الشقق السكنيه والمعيشه هناك نار مووو؟؟

سبيعــي كندا..الله يكثر من امثالك اخوي...ماقصرت يعطيك العافيــه...

سارونــه...حلو واخيرا لقيت وحده بنفس المعهد الي بدرس فيـة...

وش رايك نتعرف ع بعـض...بما ااننـآ بندرس بنفس المعهد ان شـآء اللـه...
لو المدينه غاليـه ع قولتــكِ.. بغير المدينــه.تعرفين مكافئه ماتكفـي..

لكن الله يرزقناَ...

اختي المعهد هذا انا درست فيه بس بفيكتوريا

مدة ثلاث شهور مافيه اي عربي او سعودي غيري انا طبعاً اتكلم عن الي بفيكتوريا

المعهد استفدت منه سبيكنق وليسنق اما رايتنق اطلبي ربك لان المعاهد التجاريه تخرج ناس تتميز بالسبيكنق

طبعاً اكثر الي معي كورييين ويابانيين وكم تايواني

البرازيليين كان فيه تقريباً اثنين وصاروا واحد المكسيك تقريباً ست بنات وثلاث اعيال وواحد كولمبي

والباقي شرق اسيوي .. بس ميزته مافيه عررربي ابدن ابدن

لو حصل لك فيكتوريا راح تراحين نفسياً اكثر بس مافيه اماكن ترفيهيه كثيررر يعني ديرة دراسه

بعكس فانكوفر الي اشوف انها حقت ناس تجي تفلها طبعاً الاكثريه واللغه من جنبها لكثرة العررررب

لذلك تقدرين تكلمين المعهد وتقولين ابي تنقلوني لفرعكم بفيكتوريا راح يعجببببك

اي استفسار انا حاظر

يعني المعــهد هذا تجــآري...؟؟
على بــآلي انه تبـع جامعــه دوليــة....لانو مكتوب كولج...

طايب اخوي RaWaGaN
ماقدر.اجلس في المعهد هذه كم شهـر وبعدين احول لمعهد تبع لجامـعة...؟
انا اهم شيء عندي..اطلع بنتيجه من دراسه اللغـه...
الحمد لله ماراح ياثر فيني كثره العربي في دراسـه...لكن همي في غلاء وارتفأع المعيشـه في فانكوفر. سمعت ان المدينه هذه غاليــه جدا.,
ومادري المكافئـه تكفـي؟؟؟
اللـه يجزاك خيــر ويجعلهـآ في ميزان حسنــآتك اخوي...ويسهل لك اموركِ ودروبكـ

مودتــي : )

حياك اختي ... ندور هالدعوات الطيبه

اسمعي وانا اخوتس .. ابقول لتس نظام المعاهد التجاريه على حسب خلفيتي خلال الثلاث شهور الي قضيتها بفيكتوريا لاني مب على الابتعاث انا رايح كورس من العمل .. بس ان شاء الله نكمل الماستر

المعاهد هذي يجونها الطلاب الي لغتهم تكون مره دمار ،، فمثلاً جامعة فيكتوريا الي هي اليوفك يجونها طلاب وهم عندهم قبول على معهدها يسون لهم اختبار واذا شافوا مستواهم صفر مربع يقولون لهم شوفوا لكم معهد بالداون تاون ادرسوا الين على اقل توصون المستوى ٢ ومنها تدخلون المنثلي الي هو نظام انجليزي عام في اليوفك

الشباب بعضهم يروحون للمعاهد التجاريه .. ويظبطون لغتهم ويرجعون لمعهد الجامعه .. وبعضهم ياخذ مدرس خااص شهر كامل وبعدها يروح يختبر تحديد مستوى من جديد في معهد اليوفك ويمشي وضعهم ويدخلون المعهد

بخصوص الاسعار ... انا كنت طالع من مكتب .. بس يوم كلمني واحد من اخوياي قبل امشي ظبطت له على المعهد الشهر ٥٠٠ دولار وظبطت له سكن مع عائلتي يحبها قلبك انواع الاكل وامهم خراافيه وطيبه وولدهم عمره خمس سنين فله .. كنت اعطيهم ٧٠٠ دولار شامله كل شي ثلاث وجبات .. كنت اصرف شهرياً كتمشيه وسينما ومشتريات تقريباً ١٥٠٠ ريال مايقارب ٤٠٠ دولار .. بس للامانه الديرره مرريحه واماااان وصغيررره والعائله حببتني بالديره حتى ان الام كانت معطيتني سيارتها على طول وتعطيني اغراض البيت اروح اجيبها خخخخ صرت راعي محل ..

كنت بقول لك لو تبين هالئله اكلمهم ماعندي مانع .. بس الحين معهم اثنين سعوديين يعني ماراح تصلح لك .. بس يمكن بعد شهر بيطلعون .. وانا حاظرر ..

بخصوص الانتقال .. ما ادري وش وضع الانتقال وطريقته .. بس الي اعرفه ومتآكد منه .. شباب كانوا في فانكوفر وفي معهد تجاري وبعد ست شهور انتقلوا لفيكتوريا جامعة اليوفك .. وعددهم سبعه .. لذلك اتوقع عادي بس تنسقين مع المشرف على ملفك

بخصوص الانتقال من معهد فانكوفر الي هو باسفيك الى فرعهم الي في فيكتوريا .. تقدرين تكلمين المعهد وتنقلين .. فيه اسيويين موزعين بدنامجهم ثلاث شهور كانوا بفانكوفر وبعدها كملوا ثلاث شهور في فيكتوريا وبعضهم راح الفرع الي في تورينتوا ..

فآتوقع عادي بس انتي ظبطي مع المشرف الي عليك وقولي بغير .. واذا حابه تجربين يمديك ويكند تروحين لفيكتوريا وانا اوصي عليك العائله يستقبلونك ويودونك للمعهد وتشوفين الديره قبل تقررين

والكلام هذا للجميع الي حابين يستفسرون عن معهد الباسفيك الي في فيكتوريا .. وانا في خدمة الجميع .. وفي انتظار استفساراتكم عن فيكتوريا بشكل عام والمعهد بشكل خاص

وان شاء الله اقدر اخدمكم بالي يساعدكم

تحياتي لكمش

على طاري الغلا بفانكوفر .. هي غاليه غاليه خخخخخخ انا يوم جيت امشي قلت اشتري هدايا وتورطت صرفت يمكن ثمانية الاف ديال الله لايخسر خخخخ

بس الديره مرره كبيررره وفيها خيارات كثيره للترفيه .. بس عرب عرب عرب عرب بشكل مب طبيعي ..

بركز على نقطة تحويلك من معهد تجاري الى معهد الجامعه .. بعض الجامعات يكون ماعندها معهد .. وتتعامل مع معاهد تجاريه انها تجهز الطالب للدراسه الجامعيه وتخليه يخلص الكورسات بالمعهد .. بس لو جامعتك فيها معهد .. يمكنك تختبرين عندهم .. واذا مستواك يسمح تدخلين معهد الجامعه ادخلي واذا مايسمح ادرسي ثلاث شهور وبعدها سوي اختبار عندهم وان شاء الله تقدرين تمشين

وممكن اذا وصلتي يكون مافيه كورسات انجليزي الا بعد كم شهر بحكم انك وصلتي وهم بدوا الدراسه يخلونك تروحين معهد تقزرين فيه بعدها تنظمين للمعهد بالتسجيل الجديد .. او يكون بمعهد الجامعه فقط انجليزي اكاديمي ويقولون لك خلصي وطوري نفسك بالمعهد بعدها تعالي ادرسي الاكاديمي

والله يوفقكم ويسهل دربووكم .. وعقبال مانلحقكم

انا كمان في نفس المعهد
الله يقووويناااا .. ويسهلناااااا ياارب