استفسار عن ILAC

المعهد اسعارة كويسة بس تجاري بحت وترفيهي بعض المدرسين كويسين وبعضهم مو شي واغلب الطلبة السعوديين الا فية يحاولون يغيروة ويروحون معاهد تابعة لجامعات ولا كليات

وعليكم السلام
الأسعار تختلف على حسب البرنامج إلي انتا تبغاه والمدة
هذا موقعهم شيك فيه ILAC: English School in Toronto and Vancouver Canada, Internships in Canada, ESL in Canada

وأظن انه المعهد للحين الملحقية ترسل طلاب عليه (بس مو اكيد) احسن انك تتصل على احد المشرفين الدراسيين بالملحقية وتسألهم مين مسؤول عن معهد آيلاك وتسألها بنفسك

إذا إنتا تبغى المعهد فعلا لدراسة اللغة، فأنا ما انصح فيه للسبب إلي قالته الأخت فوق
ولكن إذا لغتك كويسة وبس تبغى تدريب للتوفل مثلا، فأنا انصح فيه لأنه مدرس التوفل ممتاز
ولكن إذا انتا تبغى أي معهد مؤقتا إلين ما تنضم للبعثة وبعدها تحول على معهد ثاني، فأنا انصح عشان اسعاره معقولة

موفّق

والله يا صاحبي انا مانصح فيه((عن تجربة كثير من الأصدقاء)) كويسين في الاسبيكنج لكن الجرامر والرايتنج ماعندك احد روح معهد تابع لجامعة تقريبا نفس السعر وافضلك
او لو حابب تروح معهد تجاري لمدة قصيرة في كذا معهد كويس وانا انصحك ب ILSC
مرة ممتاز وانا درست فيه حوالي 6 شهور
الله يوفقك

طيب كم الاسعار تقريبا الله لا يهينكم ؟؟؟؟

المعاهد الثانيه الي تقولين قريب منها

لئني انا بس ابي اسجل الى مايضموني البعثه

يا اخوي الاسعار حسب المدة

عندك ILAC إذا بتاخذ كورس من 1-10 اسابيع يحسبولك الاسبوع ب 300 دولار يعني الشهر ب1200 دولار ويعتبر سعر معقول إلى حد كبير
عندك ILSC إذا بتاخذ كورس من 1-3 اسابيع يحسبولك الاسبوع ب 350 دولار واذا بتاخذ من 4-11 اسبوع يحسبولك الاسبوع ب 340 دولار (يعني في كل الأحوال أغلى)
وعندك VEC إذا راح تسجل وتدفع قبل شهر مايو وبتاخذ من 1-11 اسبوع يحسبولك الاسبوع بـ 275 دولار ولكن إذا سجلت ودفعت بعد مايو راح يحسبولك الاسبوع بـ 300 دولار

لا تنسى انه بعض المعاهد يكون الكورس 26 ساعة بالاسبوع زي VEC وبعضها 30 ساعة بالاسبوع، فهذا برضو يكون سبب في اختلاف الاسعار

المصادر:
ILAC
ILAC English School in Canada: Prices
ILSC
Fee Schedule (Tuition Prices) for International Language Schools of Canada 2010
VEC
English Program Tuition

موفّق